بنتي بالشهر السادس ونسيت اوكلها

السلام عليكم حبيباتي
انا عندي اعيال قبلها ،بس شكلي صايره انسى عبالي ابدي معاها الاكل من السادس طلع المفروض باديه من الرابع
وابي عرف شسوي الحين شلون ابدي معاها الاكل لاني فعلا ناسيه

لاحبيبتي اللي انتي سويتيه وهو الصح كل ماتتأخريين بأكلها احسن واللحين الطبيب يقول وكلوها من السادس وابدي معها بسيريلاك والعصاير
فيه موضوع كانت وحده منزلته حلو عن اكل الطفل سوي بحث وشوفيه مفيد حيل

ههه اهم شي نسيتي
بس بالعكس الصح انج تبدين بالسادس لوتسالين اي دكتور اطفال
اللي اعرفه ان تبدين بالخضار مثلا بطاط مفيوح 3 ايام بعدين جزر مثلا 3 ايام عشان تعرفين اذا في شي يسويلها حساسيه وشوي شوي ادخلين اكلات ثانيه حاولي ماتعطينها شيين يدد نفس اليوم عشان اذا فيها اكزيما تعرفين من شنو

اي عادي حبيبتي انا بنتي مابديت معاها اكل الا بالسادس
احسن لج بالسادس
لان كل ما وكلتيها امبجر ممكن يحوشها حساسيه من الاكل

انا عن نفسي اوكل عيالي من الرابع
ابدي بفاكهه مهروسه وعصاير لين السادس اوكلهم سيريلاك بأنواعه وكل العصاير واطبخ ( جزر وبطاط وشوية عيش او شوية شوربة ماجي)
واشتري من الجمعية العلب الجاهزة والروب بالفواكه لين السنة بعدين ياكلون اكلنا

طبيا وصحيا انج تبدينتوكلين من الشهر السادس بجذي تأخير او تمنعين عنها وايد امراض مثل الربو والحساسيه والاكزيما ..

زين سويتي وسألي اي دكتور بقولج نفس الكلام

الحين ابدي وكليها

جل من لا يسهو
عادي بلشي معاها الحين
برتقال مخفف بماء
كوسا جزر تفاح

يعطيكم العافيه خواتي على الرد
صراحه شككوني بعمري يقولولي بنتج صغيره لانج ماوكلتيها
ان شاء الله ببدي معاها

زين سويتي.. بس حطي في بالج ابدي بالخضرة مثل البطاط والجزر والكوسا والبروكلي بعدين الفواكه.. لأن اذا سويتي العكس احتمال ماتتقبل الخضرة .. وجربي كل شي بروحه عشان تعرفين اذا عنده حساسية منه وبعدين خلطيهم

منو قال تاخرتى هذا العمر المناسب لتقديم الطعام للرضع وفيها مواضيع وايد فى المنتدى تتناول تغذيه الرضع شوفيها ممكن تفيدج وايد