|
|
السلام عليكم
بصراحة احترت بكتابة العنوان
المهم
السالفة و مافيها
اني كنت ابدل ملابس بنتي الصغيرة في بيت حماتي بالصالة عند الحمام ( عزكم الله ) و كان بالصالة زوجي مع زوج اخته بس كانوا بعيد يطالعون التلفزيون و ماكان مكان اغير حق بنتي الا هالمكان لانه شقتهم صغيرة
زوجي لما شافني قام و عصب و قال لا تبدلين بنتج عند غير الحريم ( هالكلام بيني و بينه مو بصوت عالي )
زوجي ما يرضى اغير حفاظة البنت ( عزكم الله ) حتى جدامه و من يوم ما ولدتها يقول هالشي حرام
حتى لوكانت صغيرة و المفروض حتى الابو ما يشوف عورة بنته
كانت بالعزيمة اخت زوج حماتي فقلت لها
قالت اصلا عادي و زوجج مبالغ و اصلا مافيها شي كلها بنت صغيرة
و ان بناتها عادي و حتى مرات زوجها يغسلهم و يسبحهم اذا كانت متاخرة بالدوام
المهم بالبيت رجع زوجي و فتح الموضوع و قالي
تذكرين لما كنا بالشاليه الحرمة الي كانت تغير حفاظة بنتها
كان عامل بنغالي يروح و يرد و يطالع عورة البنت
و قال انه في رياييل يحبون يطالعون عورة البنات الصغار
انا رفيجتي مرة قالت ان اخوها مرة خانق زوجته لان خذامتها غيرت ملابس البنت قبال الحمامات بالمنتزه
انا رحت ابحث على الانترنت عن احاديث او ايات تدل على حرمة اظهار عورة البنت الصغيرة فمالقيت و قلت حق زوجي اني اشوف ناس ملتزمين بالعباية او النقاب ساعات يكون عورة بناتهم طالعة
قال لي مو كل الناس اللي ملتزمة باللبس تكون ملتزمة بدينها وايد
فما ادري شنو رايكم او وجهة نظركم بالموضوع
زوجك معاه الحق
انا مستحيل اغير لبنتي عند ابوها احس انه عيب
يعني انتي ما سمعتي عن التحرشات الجنسيه للأطفال من أقرب الناس مثل عمهم أو خالهم أو حتى الخدامات ماصارت مشاكل على نفس الموظوع إنه الخدامه تخرب بنت المعزبه وتنتقم منها في بنتها!!! حسبي الله عليهم
المهم إختي الله يستر على بناتنا وبنات المسليمن آمين يا رب العالمين
ومثل ما قالج زوجج لا تغيرين لها في أي مكان حتى لو عند ناس قراب منكم
يعني مو حلو شكلي وانا اغير لها جدام الناس عرفتي جذي عادي اقعد بالغرفه وابدل لها
اوووو اذا ماكو غرف كلللش عاد بالمره اغير لها واغطيها بالفوطه ما اخليها تتكشف مو عن اصلن انا اخاف عليها من الهوا البارد على بطنها بسرعه تلقط الهوا على طول اغطيها في ناس ولا مافي
انا بصراحة انقهر من هالمنظر حتى لو كان ياهل عيييييب باجر لا كبر الياهل بيتعود ان يتفصخ قبال الي يسوى والي مايسوى
وهم رحميها من اللي مافي بقلوبهم رحمة حتى اليهال يفكرون فيهم
ستري بنتج احسن .. ومدام زوجج قال هالشي المفروض تفرحين لانه يحافظ على بنته ويخاف عليها ويحاتيها
ديري بالج
يقول ان عيب الابو يشوف عورة بنته الصغيرة
بس انا في رايي لأ ، والله ان عمي ابو ريلي يغير حفاظات و حتى يحط تحاميل تكرموون حق عياله من كثر ماهوه مهتم فيهم
وريلي يقول حرام
اما من ناحية المكان العام لا طبعا اسوي مثلا اروح مكان صاد واغير لها
وثاني شي عشان الياهل مايتعود ويروح عنه المستحي لما يكبر
بس مدام بنته صغيرا عادي بس اهوا يمكن مايحب
تبين الصراحه طوفييييي السالفه وصج خو ليش تبيينه يشووف عورة بنته لووووووووووووووووووووووووول
وصح كلامه مايصير اذا بنته كانت كبيرا بس عادى طوفيها حصل خيير
خايف على بنتكم والله الحين الدنيا ما ترحم
بس على سالفة الابو حرام يشوف عروة بنته! ما ادري صراحه
ممممممممممم ممكن يكون عيب
انا ابوي مغير حفاظاتنا انا وخواتي يوم كنا صغار 
بس اتوقع انه يقولج حرام من باب الحيا
والله يخلي بنيتكم 
ويمكن بعد حريص لا تلومينه هالزمن يخوف كثر زنا المحارم وكثر التحرش باليهال من هالعزابية ومن الشباب اللي لا ذمة ولا ضمير
خو خبرج الحين منتشر الادمان واللي مو بوعيه يمكن يرتكب جريمة بدون لا يقول هذي ياهلة بعيد الشر عن بنيتج
ريلج يبيج تحرصين ع البنت لا يصير كله واحد عندج وعندها فاحسن بدلي لها بمحل صاد خل تتعلم بالفطرة ان هذا عيب وعورة
محد غير الماما يشوفها-هالشي ينمي سرعة البديهة عندج بنتج لي صار اي موقف مريب بتكش او تنحاش وتيي تقولج-
سواء بنت او ولد مو حلوه الكل يشوف
بس مادري شنو راي الشرع
انا بنتي اذا ابدلها وابوها مار مومشكلة بس مايطالع اهوا .. ومستحيل ابدلها جدام احد حتى لو صغيرة..اسمها عورة