|
|
بدش بالموضوع على طول انه متزوجة صارلي الحين 11سنة زوجي مصاب سكلر طبعا اول ما اتزوجنه كانو لحين مو امطبقين الفحص قبل الزواج بس كنا ندري ان زوجي مريض و انه سليمة و ما فيني شي جبت اول بناتي وكانت حامل سكلر وثانية وبعد كانت حامل سكلر طبعا الفرق بينهم بس سنتين الحين بنتي الكبيرة عمرها 10سنين الثانية 8سنين انه ما كنت ابي احمل بس حنيت حق اليهال وحملت عقب سبع سنين وجبت بنتي الصغيرة الله يحفظها قولو اميييين قبل عيد ميلادها بس ابشهر بنتي امرضت وايد وديتها عيادة خاصة قالي الدكتور بنتج ما فيها دم دمها قاصر والطحال عندها متظخم وانه بغيت اموت يوم سمعت الدكتور قالي سوي لها تحاليل عشان انعرف شنو فيها بظبط سوينا التحاليل و كانت المفاجئة بنتي طلع فيها بيتا ثلاسيميا ميجر من وين هالمرض طلع الموضوع ان انه حامل ثلاسيميا ابوها مصاب سكلر وحامل ثلاسيميا واحنا ما ندري بس ندري ان زوجي مريض سكلر وانه 11سنه اتعالج وحملت 4مرات طبعا مرة صقط ما ادري اني مريضة والحين مو امصدقة الموضوع المستشفى اكيد ما كلفو نفسهم انهم يقولو لنه من 11 سنة ان احنا فينا المرض علشان كنا ناخذ احطياطنة و زوجي يتعالج عندهم طول عمره. انه ما كتبت هلموضوع حق شي بس ابي البنات الي راح يتزوجون ياخذون احطياطهم واسوون فحص قبل الزواج لان هذي الشي مهم وايد و بنتي الحين كل 3 اسابيع يعطونها دم هذا دواها الوحيد ولين اوديها المستشفى تبجي وايد وانه ابجي وياها انه الكبيرة ما استحمل الابرة عيل اشلون هالصغيرة تستحمل.السموحة اذا طولت عليكم على فكرة اهي الحين سنة و4 اشهر ادعو حق بنتي انشاالله الله يشفيها واخليها و اخلي خواتها لي.
اجرانشاللة
ويدفع عنكم البلى بحق السميع العليم
يا عسى ربي يشافيها ويخفف الالم عنها بحوله وقدرته
بس الله يلطف بحالكم ويرحمكم برحمته
ويشافيكم يارب