بنتى و الاسهال

السلام عليكم

بنات المنتدى العزيزات حبيت استشيركم بشغله بنتى عمرها 5 شهور وجم يوم وفيها تكرمون اسهال ماأدرى من الحليب لانى غيرته كان نان 1 والحين نان 2 او انها تبي تسنن ماادرى

اغير الحليب واذا بغيرة عادى نوع ثانى وشلون اغيرة على طول ولا ادرج فيه .

في حليب خاص حق اللي فيهم اسهال

توقفين حليبها العادي وتلقينه بالصيدليات والجمعيات ماذكر اسمه والله

وهم وديها الطبيب شوفي ليش قاعده تسهل ؟؟

عطيها قفشة عصير تفاح كي دي دي يوقف اسهالها انا اسوي جذي مع عيالي لمن كانوا صغار وماعليها الا العافيه

ماتشوف شر بنتج حبيب قلبي

بدورة مشكورة ماقصرتى وسالفة الطبيب لاعت جبدى منها كل اشوى شاخطين ورايحين الطبيب
كاكوة الشر ماييج يالغاليه

حبيبتي ليش ما تودينها عند محمد سعيد اللي في بوشهر كلينيك بالسالميه رتا وايد شاطر

صج ان الدخول عنده ب 35 بس والله انا كل ما اروح له ادعيله عليه بالعافيه كل فلس

وعندج عفاف الرومي وايد شاطره ويمدحونها البنات

الي اعرفه ان نان 2 تستعملينه اذا صار عمرها 6 شهور انا استعمله حق ولدي حبيبتي لاتودينها لا طبيب ولا شي الاسهال امره سهل شربيها ماي عيش و وكليها بطاط وجزر لا تعطينها عصير ولا اي شي حالي ومره ولدي صار فيه اسهال تكرمين وقالي الدكتور عطي ولدج ماي ونشا وقفشه جاي ليمون وشربيه ولدج وعطيته وفعلا خف الاسهال وهالفتره طبيعي يصير فيها اسهال عشان تسنن لا تخاافين بس عطيها ماي وايد عشان مايصير معاها جفاف اسم الله عليها وطمنيني عنها ماعليها شر انشالله

حطي مع حليبتها قفشه نشا وبيخف الاسهال ان شاء الله

بس اذا اسهالها ماي وايد و تسهل اكثر من 3 مرات باليوم لالالالالالالالالالالالازم طبيب دربالج يحوشها جفاف

شكلها بنتج تسنن نفس حال ولدي بس اذا تكرر الاسهال وديها المستوصف

وحاولي تكثرين وتعطينه ماي وايد عشان مايحوشها جفاف بسم الله عليها

وماتشوف شر أن شاءالله

لاتحاتين ترى هاي عادي كل اليهال يصير لهم جذي…

من تجربه لا تغيرين حليبها—–حطي مع الحليب قفشة نشااااااااا–مع كل رضعه راح تمسك البطن—-وادعيلي

سلامات حبيبتي …………….. استعملى حليب بالتركيبة حق اللى فيهم اسهال تلقينة بالجمعية
ولا تعطينها وايد حليب ترا يزيدة ……….. عطيها مغذى مع سفن تاكل روب وبطاط مهروس اشوية

مغلق