بنادول نايت والشهر التاسع

السلام عليكم ..

يابناااااااات انا ذبحني شيء اسمه ارررررررررق .. النوم جفاني ..لا تقولون لي متضايق من وضعيتج او من الثقل.. لا اقولكم اررررق وحتى لو مافكرت ..

المهم لما كسرت خاطر دكتورتي وصفت لي بنادول نايت وتقول مايضر ان شاء الله..

بس وحدة خوفتني تقول انه يبرد الطلق

عاااااااد بروحنا الطلق هذا مانعرفه ولا يمر عندنا اصلا في عايلتنا..حنا عايلة الرحم الحديدي اهل الطلق الصناعي ..

فقلت باسألكم خواتي هني ومنو اكلته بالتاسع ؟؟

مرحبا غناتي

الله يعينج ويسهل عليج يا رب

انا دكتورتي دايما تقولي لا تاكلين اي نوع من البندول، بس البندول العادي اللي ما في شي، يعني بندول نايت وبندول فلوو مب زين للحامل لان في نسب قوية من المسكن، وهذا كلام دكتورتي، بس اذا دكتورتج نصحتلج ياه والله ما ادري

الارق باخر شهر طبيعييييييييييييي

بس جنه سمعت انواع البندول موزيينه للحمال

انزين ليش ماتتسبحين بماي حاار وتشربين حليب حاار ودشي الفراش حتى لو مافيج نوم ترى يساعدج انج تسترخيين وتناميين

والله سويت كل شي جالب للنوم ولا فيه فايدة.. المشكلة حتى اليوم قل مفعوله البنادول نايت.. وانا وحدة اداوم واجي مهدود حيلي ..وودي انام نومة متواصلة نفس الناس علشان جسمي يستعد للولادة.. الله المستعان…

مدام الدكتورة واصفته لج عادي

انا دكتورتي صرفت لي بحمالي بندول كول اند فلوو بس كنت بالسابع ومنشووله والنشله مو راضيه اتفج مني والحمد لله اترحت

واذا على الطلق الصناعي عادي كلنا في الهواا سواا انا كل ولاداتي طلق صناعي ههههههههههههههههههههه

حبيبتي لاتلعبين بعمرج الارق الي فيج طبيعي كلنا حاشنا

وانتي مابقالج شي ان شالله وتولدين بسلامه استحملي

والله يسهل عليييج حبيبتي

حبيبتي الارق اخر شهر طبيعي واستحملي كلها ايام وتنتهي الله يهون عليك

الله يعينج… شوفي انا اذكر امي خذت حبتين ودشت تاخذ شور.. نزل عليها ماي البيبي واهي ولا حاااااسه وماكو شي… لما طلعت ولا مسكينه مو قادره تمشي وريولها ترجف… ماسمعها الا تصرخ واااااااااااااااي الياهل بيطلع!!!

وركض عالمستشفى… وعالسرير بالممر قاعدين يدزونها طلعت اختي مستعيله عالدنيا لوووول… دشوا نظفوا وخيطوها وبس… تقول اسهل واسرع ولاده من ولاداتي الخمس الي قبل لوووووووول

ديري بالج لا يصير فيج جذي مثل امي بعد كلش مو شي:

الله يسهل عليج يارب

دكتورتي بعد قالت لي لا تستخدمين الا البنادول العادي ألأزرق .. لا اكسترا ولا كول ولا اي نوووع ممنوووووووع والله يسهل عليكم وعلي يارب

يااااااااااااااااااااااااارب ولادتي نفس ولادتها ياااااااااااااارب… والله جان زين الله يرزقني بهالولادة..بدال التفقس والطلق والعذاب ..الله كريم ومشكورين حبايبي شكلي باصبر واقطع البنادول والشكوى لله..