|
قوة بنات شلونكم شخباركم
حبيباتي السالفه كلها كتبتها بالعنوان
باختصار ( انتي خليتي فيها اختصار؟) .. أبي اطلع من سلك التدريس وتغور الميتين مابيهم والله عالم مستغنية عنهم
ريلي ما اي آخر الدوام إلا احسها حارة من الضغط والتعب
وآنا فيني فلات فوت ماتحمل الوقفه وايد
والله لا يراويكم لمن تحوشني حصتين ورا بعض ويوم المناوبه .. صج صج تعذيب
الحين آنا مو قارده اتحمل
الله العالم اني شغيله وكريفه واحب اسوي شغلي بذمه على اكمل وجه
وعلشان جذي قلبي يعورني
ابي اطلع من التدريس
فا ابي وحده بنت حلال وربي يناولها اللي في بالها ويرزقها من جميع ابواب رزقه
اتعلمني بالضبط شنو اسوي؟ ووين اروح بالضبط ومتى علشان احول ادارية
لو تقولون لي باجر اروح باجر بس قولولي
ومتى اقد احول ؟ ولي قدمت متى اقدر اطلع واشتغل اداريه؟
ولي يبتلهم تقارير طبيه .. راح يسرعون السالفه ولا عمك اصمخ ويبيلها واسطه؟
الله يكافينا شرها
بنات بليز لا تنسوون خيتكم
الله عليكم
ومشكورين حبيبات قلبي
مادام انتي مصرة على التحويل
اعتقد تروحين المنطقة ومعاج التقارير الطبية ومعاج
الواااااسطة
انزين شلون اخذ تقارير طبيه بالمرض هذا ،واخاف يقولون عادي الفلات فوت مو المستاهل اللي تحولين لاداريه بسببه
فشنو نسوي؟
الطريقة الاولى : النزول في مستوى التقرير يعني لي صار تقريرج مو شي ومو متعونه بيحولونج اداريه بقرار
الثاني: تقرير طبي انج ماتقدرين تبذلين مجهود واعتقد تكلمين الناظرة تكتب لج التقرير … ومن هالحالات اتوقع الفلات فوت بعد شنو اكثر من ان نقطة ارتكازج تتعبج؟
يبه احنا ملوت الفلات فوت مالنا الا الشغلالاداري مو يحكرونا بمكان واحد ريولنا تيبس ويكون الضغط عليها مرتكز
والطريقة الشرعية انج تروحين تقدمين تحويل
بيني وبينكم راح استخدم نظام kick and kill ما ينفعلهم الا جذي
والله انج صاجة بكل كلمة قلتيها
ولا تعلموني فيها
أختي واعرفها
كريفة وراعية شغل بس تبي اللي يقدرها ويريحها
الله يسهل لج دروبج ويناولج اللي في بالج
اروح وين علشان اسويلي تقرير ياليت تفيديني
وجزاج الله خير
طال السفر واحنا وياج ننطر بس جان زين احد يسأل علينا
السالفه يبيلهااااااااااا واسطه
علشان جذي كنت انصح البنات لا يتسرعون ويطيحون بمصيدة التدريس
جامس حبيبتي يزاج الله خير بس عاد تعالي طلعي من سكرتاريتنه شي
اذا سالفة اكمل الدراسه طلعوا عيني ولا طلعوها
الله يسهل
ويزاج الله خير على هالدعوه الحلوه
زين ليش ما تجيبين تقرير طبى عن حالتج ويخففون لج الحصص ويشيلون عنج المناوبه يعنى تخفيف عمل علشان حالتج بدال لا تحولين اداريه حالج حال الى مخلصه ثنويه ودورات وفوق هذا كراف لى الساعه ثنتين ولا عطله صيف ولا ربيع
ترى انا قبل ازود منج كنت بحول بس غيرت راييى والحمد لله تاقلمت مع الوضع
وقبل كل شى استخيرى وشوفى الله شنو يكتب والله يوفقج
لأن مدرستنا ماشالله معتبرين المدرسة non stop machine
يعني الكرف هو عنوانها
ولي قلت لهم خففوا الشغل بيحطون علي كل الابلات والاداريات
والناظره قبلهم
ويكدشوني احتياطات وهالسوالف
يبا ما نبي العطله
والله آنا شغيله واحب الشغل ماحب القعده امرض
بس هالنوع من الشغل اسمه كرررررررررررف وتعزير مو شغل