|
|
سلام بنات مادري شلون صراحه ابدا الموضوع
الحمدالله انا عندي بنتين
الشيخه والدانه
الشيخه سنه وثمان اشهور والدانه عمرها جم شهر
مشكلتي مع الشيخه
شلعت قلبي
بس تبجي
وماتاكل
والله تطلع عيني على لقمه تاكلها الا اطالعه روحي حتى اللقمه لا كلتها قطتها ماتاكل وعصاقيل
اللهم واهي نايمه احطلها مميه تشرب الحليب واهيا نايمه
نفسيتي تعبت
لاتقولن غيره من اختها اختها انا مخليتها عند امي ماعندي غيرها تعبت والله ماخليت شي فيتامينات من الصيدليه
اعشاب ماترضى تاكل عيزت واذا صار وقت الاكل مسرحيه اصفق وواشجع بس اكلي بس ياحياتي اكلي والله اكتب الموضوع وانا ابجي
احترت احترت بنتي ماتاكل ياربي ياهل ماياكل شلون يكبر قلت ايوعها هم ماكو فايده ولاناادت على الاكل ولا يابت طاريه ولا فكرت فيه جنا لاغيته من قاموسها
احترت والله احترت وديتها الطبيب يقولي مافيها شي
بني ادم ماياكل مافيه شي
لا ولا النومه والله الا طالعه روحي على ماتنام اتم تبجي تبجي ماتبي تنام قريت عليها صرت اشغل قران واهيا نايمه
تعبت بنات والله تعبت شالحل
السناكس والخرابيط ماتخليها تاكل وتزيد نسبة النشاط عندها وتخليها باللبل ماتنام
الله يعينج
دام الطبيب طمنج على صحتها ووزنها طبيعي يمكن اهي طبيعتها جذي
ولدي عمره 8 سنوات للحين يلبس من 5-6 تصوري؟ اهو عصقوول وماياكل وقبل كنت مثلج احوس وراه وتتعب نفسيتي بس بعدين خلاص مليت ودام قاعد يتحرك ونشيط خلاص كيفه
وبالنسبه للنومه في يهال جذي عسرين والله
ولد اختي عمره سنه ونص لي يومج ماتعدلت نومته, جنه ياهل نفاس ماينام بالليل اكثر من 4 ساعات واختي مسكينه حالتها حاله كل ميته من التعب وماعندها وقت تجابل باقي عيالها
ماعليه انتي بس لا تحاتين واهم شي تطمني على صحتها وشوفي الطبيب اذا ينصحج تسوين لها تحاليل شامله علشان تطمنين اكثر
حبيبتي بنتج عسره نفس بنتي ..
صراحه قبل كنت نفسج اسوي الهوايل و اسوي حركات بالاكل ابيها تاكل …
يعني احط بالصحن حركات و اشتري اطقم الاطفال من سنتر بوينت على الشخصيات اللي تحبها و هم ماكو فايده و حتى اخوها نفس الشي …
و شريت فيتامينات فاتحه للشهيه و هم مانفع..
باختصار لو بقولج شنو سويت عشان ارغبهم و اشهيهم بالأكل …
لكن ماكو فايده بنتي تاكل شريحتين خيار و تشرب شوية ماي
وولدي من يشم ريحة شي فيه طماط تقلب جبده و الحليب يرجعه و الكورن فليكس مهما ذوبته يشرق فيه …
سويت المستحيل و نفس ما قلتي سويت مسرحيات ….
بالآخر …
طنشت …
والله طنشت فيهم …
احط الغدا … اللي بياكل بيسفط عندي … اللي ما ياكل اشيله غدا متى ما سمعته ينبش عن بفك عن حلاو اي شي قام ينبش بالثلاجه رحت سخنت غداه و وكلته …
راح تتعبين معاها
بس لا تضغطين عليها
و اذا انتي تاكلين بروحج خلي اكلها معاج … لا توكلينها بروحها ..
يعني كل طفل من يشوف احد كبير قاعد ياكل يتشوق ياكل معاه …
جربي تحطين اكلج جدامها و لا تنادينها و لا تحاولين معاها لين تقرب منج و تقولج ابي …
و خففي من الحلاو و الكاكاو و البفكات و الكيك …
و الله يكون بعونج
وبمنعها عن الحلويات
يارب يارب
|
المشاركة الأصلية كتبت بواسطة om nooora
 اكييييييييييييييييييييد تعطينها حلويات وخرابيط وايد بين الوجبات
السناكس والخرابيط ماتخليها تاكل وتزيد نسبة النشاط عندها وتخليها باللبل ماتنام الله يعينج |
كلامها صحيح 100%
وأضيف عليها………..لو بغت أي سناكس قولي لها ما في ليما تخلصين صحنج.
| بخصوص قانون عنوان الموضوع – كتابة اسماء الموضوعات بشكل واضح ومفهوم يشير الى مضمون الموضوع والابتعاد عن اسماء الموضوعات المشابهة والمبهمة مثل (ساعدوني ، مهم جداً ، ارجو الدخول ، من لديها الحل ….. الخ |
الله يعينج اكره شي الولد الي مطنش الاكل
انا الصراحه ام عيال من جذي تبعت مع البجر بس تالي قمت احقر
الي يبي ياكل ياكل والي مايبي كيفه
حى لو صغار
حاولي تيوعينها ولادخلييييييييييييييين حلاو كاكاو بفك بطااط بيتج
وخليها تعرف انه الاساس اهو الوجبه الاساسيه اذا كليناها تالي عادي تقدر تحصل على شوي حلاوه
بس طول الوقت تخربط لا جذي بسد نفسها عن الاكل
وحاولي تخلين لها وجبات اساسيه الصبح الظهر العشا
وقت معروف مو اي وقت لا الساعه كذا لانه جذي بتتعود تيوع على الوجبه
وحاولي قبل الوجبه بساعه لاتعطينها شي خرابيط
عشان تي على الوجبه يوعانه
وترى الياهل لو ياكل لقمتين ثلاث تسد يوعه خو شكبر معدتهم نتيفه بسرعه بشبعون
والله يخليها لج يارب
تدرين شنو لقيت الحل
بنتج تشرب حليب اذا تشرب حليب عطيها حليب بديا شور والله ولدي قام يقط نفسه علي الاكل واااااااااااايد مو شويه حتي احنا استغربنا اسم عليه ماكان جذي كللللللش
بس كان يشرب حليب وبس من عطيته بديا شور تغير ا180 درجه واحنا بعد قمنا نشعه ونصفقله اذا اكل نسويه عيد ميلاد من التصفق والاغاني لووول بس عشان نشجعه والحين حتي خدود طلعو وحمرو
جربيه وان شالله يبلج نتيجه 
تدرين شنو لقيت الحل
بنتج تشرب حليب اذا تشرب حليب عطيها حليب بديا شور والله ولدي قام يقط نفسه علي الاكل واااااااااااايد مو شويه حتي احنا استغربنا اسم عليه ماكان جذي كللللللش
بس كان يشرب حليب وبس من عطيته بديا شور تغير ا180 درجه واحنا بعد قمنا نشعه ونصفقله اذا اكل نسويه عيد ميلاد من التصفق والاغاني لووول بس عشان نشجعه والحين حتي خدود طلعو وحمرو
جربيه وان شالله يبلج نتيجه
انا بعد نفس حالتج وصج بنتي وايد تاكل خرابيط وتشرب عصير
قبل كانت تاكل من يوم ما تعلمت عالبفك والحلاو قامت ما تاكل كله تبي هالخرابيط فعناد عليها قطعتهم عنهااا
وانا الحين ببيت اهلي بنفاس فعندي اختي الصغيره عمرها مقارب حق بنتي فشسوي اييب اختي واحطها بحضني اوكلهااا فهذيج تحتر وتيي تاكل ومأذيتني ما تاكل عيش فقمت شسوي اقص عليها اخلط العيش مع السريلاك فتاكل واهي ما تدري ابوها الله يحفظه يقصص لهاا تفاح وبرتقال وموز صغار صغار ويحطهم جدامها واهي تلعب تاكل واذا شافتني اكل شي تتشوق تيي تاكل معااااي ولي كلت ابوسهااا واعطيها بسكوته او قطعه كاكاو صغيره يعني اكافأها وترا الياهل لي شااف يهال ياكلون ياكل معاهم انا اييب الموزه اقسمها بين بنتي واختي ومشالله ياكلوون الف الحمدالله وفي فاتح شهيه بالصيدليه مدحونه يقولون شكله نفس الحلاو