بنات وهقه 

بنات انا امس دقيت عشان اخذ موعد عند خالد الصبيح ابي استشارة و تصوير قبل عملية الانف المهم الموظفه تقولي مافي مواعيد الا شهر 8 !! لانه الدكتور بيسافر ووانا حاطة ببالي اني بسويها عنده بالصيف خخخ المهم خذيت منها رقم الي تضبط العمليات و مواعيدها قلت ادش العملية على عماتي لاني مليت و انا انطر ! انتو شرايكم بنات يصير بنفس اليوم الدكتور يخطط خشمي و يشتغل ولا لازم تصوير ؟ و يصير انا اوديله صورة معدلة فيها خشمي ؟ عالعموم انا بدق على مسؤولة العمليات اليوم بس قلت اخذ رايكم بالفكرة وو مشكورين يا قلبي

بالتوفيق

انسة لين شوفي انتي اخذي موعد عملية بس ترا شهر 8 رمضان بتسوينها برمضان؟
انتي لما تاخذين موعد عملية قبل عمليتج باسبوع راح تدفعين نص المبلغ و تقولج الي تحط المواعيد ان روحي صوري بلقطات و بس تطلع الصور تعالي و لما تروحين راح تقولج بتشوفين لدكتور انتي قوليلها اي حتى انا يوم شفته ما دفعت شي و ياب فايلي و قالي شنو راح يسوي و عطيته صوري و كل شي و هم يوم العملية اهو اييج و يسوي خريطة على خشمج و بغرفة العمليات راح تشوفينه معلق صورج على الطوفة بس ترا لازم اتصورين عند الدكتور لان اهو يرسمج و يقولج كل شي
و عشان تتاكدين اكثر لما اتكلمين البنت تبع العمليات قوليلها انج ما شفتي الدكتور و لا صورتي
او جربي اتروحين هالاسبوع المغرب ترا عالساعة 6 يكون فاضي

اب
اب
اب

تركدي ولا تستعجلين
هذا الشكل اللي بتطلعين فيه لنفسج قبل الكل
تاخير ولا اغلاط

انسه لين

مو تصدميني لاني حاطه امل اروح للدكتور على هالاسبوعين وعلى اساس اسوي العملية بالصيف وبعد الدوام

مشكورين حبيبااااتي ريسااان بعد عمري ماقصرتي فكرتج حلوة بس انا يمكن اسويها برمضان تهقين اقدر ولا تعب ؟ اهي بنج موضعي،الرهف دقيت اليوم على مسؤولة العنليات قالتلي في موعد عملية يوم السبت لانه وحدة مكنسلة غير جذي مااكووو الا شهر ٨ برمضان بعد مو اكيد تقول الناس حاجزين من شهر ٣ والدكتور وايد شاطر

انسة لين منو قالج ان بنج موضعي؟ انا بنج عام
و احس يخرع الموضعي
انا من رايي سويها بعد رمضان لان انا وايد تعبت نزلت 3 كيلوات باسبوع كله لايعة جبدي و ادوخ بس ما اقدر انام
و اكيد ما راح تقدرين تصومين بس انتي كيفج شوفي الي يناسبج

الله يقومج بالسلامة وان شاء الله تحصلين على النتيجة اللي تتمنيها والأحسن تسوينها عقب العيد والله يوفقج

ريسان انا اتفقت مع الدكتور عالموضعي و حتى كلمت نبيله قالت عادي يصير و في ناس مسوين عنده موضعي ، و ياقلبي اغلب التعب الي بعد العملية يكون من البنج العام حدي محتارة بعد رمضان دوامات مادري متى اسويها ، و الاخت الي فوقي يزااااج الله الف خير ماقصرتي عالدعوة والنصيحه الحلوة

رمضان يخلص اخر شهر 8 و الدوامات يا 18 او 27 مو متاكدة الا اذا انتي دوامج قبل فهذا شي ثاني

انزين الحين انا بعد قمت احاتي اخاف يصير شهر 9 و اقرر اسوي العملية و يطلع ماكو مواعيد اشرايج اخذ من الحين موعد احتياط؟

اي حبيبتي من الحين اخذي اضمن انا بعد بدق عليهم باخذ عالاقل استشارة شهر 8 ان شالله

انشا الله حبيبتي موفقة و انشا الله تقومين بالسلامه و ترتاحين من نتيجة العملية

مشكوووة يا قلبي انتي

بنات انتوا شايفين شغله على احد ؟؟؟