بنات ولدي الرضيع تعبني

انا ولدي عمره شهر وثلاث اسابيع ذبحني بالبكاء يبيني اهزه بالكرسي الهزاز ليما ينام ونومه متقطع وان ماهزيته ياويلي يبكي ويصارخ بصوت عالي تقولين احد قاعد يعضه مرات اسكت عنه بس يالاخر ما اقدر ما اقدر اظل ساكته عنه قلبي ما يطاوعني واقعد اهزه تعبت بنات شنو اسوي مابي اعوده عالهز

والله ماعندي اي فكره

حبيبتي انتي علمتيه عالهز
اكيد الحين مايسكت الا بهالطريقه
مالج الا اطنشينه وخليه يبكي ليما ينام

حبيبتي الله يعينج فيه غازات ولدج أنا ولدي كان جذي بس يبجي ومتقطع نومه سويله باليل ينسون مع سكر نبات حيل يريحه وجيبيله.ماي غريب من المستوصف او الجمعيات موجود والله كنت ما أنام وفي دوا بالصيدليه غاز بمبي 10 نقط 3 مرات باليوم انشالله يريحه

ليش تعودينه عالهز …حاولي ما تنومينه الا اهو تعبان علشان مايتعود علي الهز وعلي فكره المواااااليد يغثووووووووون يعني ماترتاحين الا لمن يكمل سنه اهنيه يتعدل …الله يكتب لنا الاجر عالتعب اللي نعانيه ويهديهم لنا

الله يعينك ويهديه يارب

الله يعينج بس وقت نوم جذي ولا على طول اذا على طول اخف مملوع
دهنه بزيت زيتون

بنت اختي ماتنام على ظهرها يمه لو حطتها تبجي مثل المقروصه

لاتعودينه على حركه صراحه بنتي قاطتها بالسرير ولا بالكرسي ولا على لقاع

واذا بجت قليل اشيلها صراحه اريح