بنات والله صدمني عقب هالسنين يقولي هالكلمه

يعني شنو ما تبين تكلمينه؟؟
لي متى يعني طول عمرج؟؟؟
قعدي معاه بهدوء وتفاهمي معاه وقوليله انت جرحتني وسبيتني على شي بسيط
وحلوا المشكلة بالتفاهم
وبعدين راح ترجع الامور مثل ما كانت واحلى
اما سالفة انج ماراح تكلمينه فانتي الخسرانة..لا تعاندين وصفي النفوس
الله يوفقج يا الغالية

شوفي حبيبتي…

معاج حق تزعلين ومحد يرضى على نفسه ان احد يتهمه ويحط شي ماهو فيه

وصح لما قلتي انج ماتبين زوجج يتعود هالسالفه معاج

بس دامج وصلتي له المعلومه ووضحتي ان هالشي ما يجوز خلااص شوي شوي تجاوبي معاه ومع محاولاته للصلح

ترى الريال يمل ومع الايام ماراح حتى يتعنى ويراضيج

ادري والله ان شي مو هين

بس ماعليه هذا ابليس دخل بينكم ولا تعطينه مجال يفرقكم

الله يصفي القلوب يارب ويهدي زوجج

السلام عليكم

خيتو انتي قلتيها تحبينه ويحبج والحمدلله ماله داعي تزيدين بالسالفه وتعاندين

ادري انه غلط لكن محد معصوم من الغلط وفوق كل هذا يالج واعتذر والحمدلله

سامحيه وانسي الموضوع وتذكري النعمه اللي ربج عطاج ياها لان الحمدلله

زين وعيبه الحمدلله تقدرين تتحملينه

غيرج اللي شافت ريلها يخونها واللي ريلها عصبي واللي اللي ..

ادعي ربج ولا تخلين ابليس يلعب بعقلج

موفقه يارب

الله يعينج والله الغيره الجايده صعبه
انتي زعلتي وحسستيه بغلطه

تقدرين تطولين بالزعل
وتقدرين تقصرين الشر وبساعة صفا توضحين له انج انجرحتي وماراح تتقبلين منه هالتصرف مره ثانيه

بالنسبة حق الخط الثاني انا ريلي من ايام الملجه قالي لو منو قاعده تكلمين اذا انا دقيت تردين علي على طول قوليلي قاعده اكلم فلانه او فلان شوي وادق مااحب يكون عندج خط ثاني وتحقريني

دام الحمدلله حياتكم ماشيه والغيره اهي المشكله حليها بهدوئج
وماشالله عليج من كلامج واضح انج مو متسرعه وحيل عقلانيه وعندج حسن تصرف

الله يهديه ويسخره لج انشالله

وانا اقول انسي الزعل وتذكري الحلو اللي بينكم بس قرصي ضميره شوي وخليه يأنبه بس سامحيه

حبيبتي انتي الغلطانه هذا جزاته غيران عليج قومي تكشخي والبسي وروح لزوجج بوسي راسه
غيران من اي احد تكلمينه بس هم مايبنون

حبيبة قلبي ماتنلامين اكيد اللي صار شي يجرح
بس بغيت اسألك اهو طبعه جذيه والا توه متغير يعني تكرر معاك هالموقف والا لا
لانه اذا لا اكيد احد مشيشه وقالب مخه
واذا هذا طبعه من زمان فحاولي تتفادين غيرته وادري هالشي صعب وهمن حاولي تكلمينه بعقلانيه وانه مالا داعي الغيرة اللي مالها معنى

انتي اللحين حقريه جم يوم علشان يتأدب ولا يعيدها مرة ثانية بس لاتطولين تراه بيعطيك طاف اذا مل منك واهو يحاول يراضيك

حبوبة الغيرة دليل الحب
ماشاءالله الله يخليكم حق بعض

قعدي معاه وتفاهمي وخليه يوعدج انه
لو مهما يصير بينكم من زعل لازم الاحترام يظل موجود

يا عمري عورتي قلبي

بس زين تسوين .. ماشالله عليج تصرفتي عدل ..

أنا أقول خليه يحس أنه غلطان

والله أحسنلج عشان بعدين يحطلج اعتبار ويثمن كلامه

والله أنا أعرف وحدة ريلها طقها .. بعد ربع ساعة يا واعتذر .. وتقول كسر خاطري واهيا ماتحب الزعل

والله ألحين عادي عنده يمد ايده وأكثر من مرة يصير هالشي .. وانا أعرفها شخصيا من الأهل

؛؛ ووحدة ثانيه(اخت رفيجتي) غلط عليها واهو معصب ان شاك فيها .. وصارت سالفة بينهم .. اهو الغلطان ومعصب

عقب ما استوعب وكلمته أمها وقالتله انها وقت السالفة كانت ببيت أهلها

ظلت معصبة عليه فترة .. والله ألحين يعاملها أحسن معاملة

انا ما أقولج لا تكلمينه وقاطعيه بس حسسيه ان اللي سواه مو شوي ..

وبالنهاااية اللي تشوفينه صح ويمشي مع شخصية ريلج سويه

وربي يوفقج ويفرج همج

حبيبتي فكري بعيالج اول شي

وتحمليييييه واخذيه على قد عقله

مايخالف يالغاليه ماتسوى عليج

انج اتظلين زعلانه عليه هالفترة

مهما كان اهو ابوعيالج

ووضحيله انج انجرحتي من كلامه

وعسى الله يهديه…

ليش بعد قلبي إهي الغلطانه ..؟؟ شكو ..

تلكمت دقيقتين يقط عليها كلام ويشك فيها و هي أم عياله .؟؟؟ وبعدين تقولين هي الغلطانه .؟؟

ياكثر ما ندق عليهم و هم خط ثاني بيسكر المكالمه ويرد علينا ؟؟ لا بينطر لين تخلص تالي بيدق ..؟؟

؟؟ ردج بط جبدي. سوري ..

وصاحبةالموضوع . ..تصددي عنه جم يوم … تالي قعدو وتفاهمو .. وقوليله لو سمت هالحجي منك مره ثانيه

ماراح يكون رد فعلي طبيعي .. <<< حلو الغموض لا تقوليله ما أقعد وياك وهالخرابيط .. ههههههههه

وبعدها .. سولفي وياه ..بس مو حيل .. حسسيه إنه للحين شايله بقلبج .. تالي شوي شوي ردو عادي ..

مهمى كان بو عيالج .. يعني مردج له .. ومرده لج ..

ماعليه حبيبتى يمكن كان معصب من شئ وحط الحره فيج استحمليه

وانتى ماقصرتى رحتى كلمتيه بأدب وهو حس فى غلطه
وقوليله اخذ التلفون شوف الوقت اللى كنت اكلم رفيجتى فيه من قبل لاتتصل وانا اشدرانى انك تبى تتصل لعشان اسوى حركات على قولتك؟؟

وحاولى انج تفشلينه ثانى مره بادب مثل ماتفشل اول مره والله يهديه لج ويخليكم لبعض ولايفرقكم وهذا الشيطان دخل بينكم تعوذى من ابليس

وسامحى زوجج دام هو حاول يتقرب منج

الله يهديه يارب بس لاتطولين بالزعل
ترا تخسرين لانه الريال بسرعه يمل
الله يوفقج ويسعدج مع زوجج

خليج معاه هاليومين ناشفه بس مو تزودينها و بعدين ردي شوي شوي عادي
والله يهنيكم والله شي حلو ان صارلكم 9 سنين و للحين يغار عليج مشالله

في فرق كبيير بين الغيرة والشك.. الغيرة اذا زادت تنقلب شك.. انتي شنو تحسين؟

مادري بس احس انه سالفة الخط الثاني ما تسوى يكبرها جذيه.. عادي كل الناس تتكلم بالتلفون ويدق خط ثاني يا نرد عليه بنفس الوقت او بعد ما تخلص المكالمة الاولى.. كلها دقايق بس.. وهالشي لو ضايقه بامكانه يقولج بكل هدوء الله يعافيج اذا دقيت عليج وعندج خط ثاني.. سكري الخط الثاني وردي علي.. تردين عليه انشالله وخلاص تنتهي السالفة

اما اذا فيها صراخ وسب وغلط (وقام يسب ويغلط فجأه بدون سبب ويقولي هالحركات اذا حبيتي تسوينها مو على ) مادري بس برايي انه هالتصرف ماله علاقة بالغيرة

بيني له انه كلامه حيل ضايقج وجرحج.. وانه مو شي عادي