بنات هندسة كمبيوتر شوفوا شنو صار معاي بالمقابله واستفيدوا

ماني مطوله عليكم بقولكم السالفه على طووول

اليوم كانت عندي مقابله بوزارة التربيه ، طبعا اول مارحت كنت مستااانسه ومتفائله خيرر وقلت كلها جم سؤال وبخلص وافتك

طلعت السااالفه غيرررررر طلع في امتحان لازم اسويه وانا ما كنت ادري والامتحان كان على الكمبيوتر بما ان تخصصي هندسة كمبيوتر قلت يالله مو مشكله اكيد معلومات عامه واشياء بسيطه
عييينكم ما تشوووووف شصااااار طلعت روووحي وعيووني بقت لي جداام .>> عفياااا وصف بس

والله انصدمت كله عن الصيانه وعن الهيكله انا بالكليه بالغصب خلصت ولفتكيت من هالموااد هم بعد الحين يعيدونهم علي والله حسيت اني ضاايعه اسئلتهم كاانت صعبه حيييييل وعميقه ويبون كل شي بالتفاصيل صج انه كان كله اختياري بس اسئلته مو مفهومه وبعدين هالمواد كنا ماخذينها من زمان يعني شيذكرناا فيها
احنا عشانا امس ما نذكره .>> صااااجه والله ههههههههههههههههههههههه

المهم لمن خلصت قلت للمهندسه مادري المراقبه اللي كانت تراقبني يعطيكم العاافيه ما هليتوا شي ما يبتوه قامت تضحك وانا ميته قهررررررر

قالت لي روحي حق المهندس ….. وخليه يقابلج قولي عندي مقابلة عمل ،، رحت وكان عنده وحده قاعد يسألها ظليت انطرها لمن تخلص
ولمن خلصت وطلعت قالت لي السكرتيره ان مقابلتي راح تتأجل لان عنده اجتماع وبيروح وخلوني يوم الثلاث الياي

المهم البنت اللي كانت عنده اعرفها كان معاي بالكليه سلمت عليها .>> تذكرنا اياام الدرااسه

سألتها شنو صار معاها حراام البنت شوي وتبجي مع اني اعرفها شاااطره حيل ماشاء الله عليها
قالت ذبحني بالاسئله ويبي التفاصيل قالت له انها ناسيه ومو ذاكره شي وايد قالها خلاص بعطيج فرصه اخيره روحي ادرسي وتعالي يوم الثلاث

والله اخترعت شنووو هذاا مقابله عمل والا اعادة امتحان واختبار معلومات صج خرعووني

اتوقع سوا جذي لان اللي اقبلوهم بالتربيه واايد فعشاان جذي ما يبون يوظفونهم كلهم الحين

وبعدين هم قبل لا يسألونا هالاسئله على بالهم اننا نابغين وعقولنا مثل عقل نيوتن ..>> حدهااااا منقهررره

جنهم ما يدرون ان دراستنا الله بالخير وان الدكاتره بس يعطونا كلمتين نحفظهم ونكتبهم بالامتحان