بنات نتيجة التلقيح الصناعي ايجابيه لكن ضعيفه منو فيكم صار لها مثلي

شلونكم بنات يا احلى كويتيات

بنات انا مسويه تلقيح صناعي واليوم صارلي 14 يوم امس رحت سويت تحليل دم للحمل وطلعت لي النتيجه ايجابيه بس ضعيفه … خذيت النتيجه ورحت حق دكتوري اللي سوالي عملية التلقيح وحبطني قالي انتي ليش استعيلتي وسويتي التحليل ؟؟؟ المفروض بعد 15 يوم من التلقيح تسوين تحليل حمل ؟ قلت له دكتور الزبده؟؟يعني انا مو حامل قالي يمكن اي ويمكن لأ جايز طلع لج حمل من تأثير التحاميل المثبته اللي خذيتها عقب التلقيح على طول .. وقالي لازم اعيد التحليل بعد ثلاثة ايام اذا ما نزلت الدوره علي .. وانا الحين قاعده احس ان الدوره بتنزل واعراض الدوره قاعده اتييني شوي شوي صداع مع الم بالبطن والظهر ؟ هل ان اعراض الحمل نفس اعراض الدوره؟؟؟

بنات الله يخليكم احد مر بنفس وما يتها الدوره وحملت .؟؟ ساعدوني متتتتتتتتتتتتتتتتتتت من التفكير

الله يرزقني ويرزقكم بالذريه الصالحه يارب

حبيبتي و الله ما عندي فكرة بس الله يتمم عليج و يرزقج بالذرية الصالحة

و الله حبيبتي انا ما عندي فكره بس لازم تنطرين عشان تطلعلج النتيجة الأكيدة الله يعينج أنتي العين معلقه بين الأي و اللأ

" تفائلوا بالخير تجدوه "
ان شاء الله تكونين حامل
اعراض الدورة نفسها اعراض الحمل
فمالج الا الصبر لحد ما تسوين التحليل

حبيبتي احيانا لما تكوووونين حامل تحوووشج اعراض الدورة عادي
وانتي نطري بعد جم يوم سوي تحليل
وانشاالله حاااامل
وبشريناااااا

يارب حامل يافوووفه الله يفرح قلبج

ويرزقج الحمل السليم العافى يارب

مادام طلعتلج النتيجه ايجابيه معناته في حمل بس توه في بدايته

نطري شوي وان شاء يارب العالمين يارزاق ياكريم انه ترتفع النسبه وتقر عينج بشوفت ضناج كامل الخلق والخلقه وسليم ومعافى

بس لا تحاتين اعراض الحمل نفسهاا بالضبط اعراض الدوره

اهم شي لا توسوسين واقري سوره البقره والمعوذات

والله يثبت حملج ان ان شاء الله وتبشرينااا

توكلي على الله
واقري اية الكرسي و المعوذات

انشاء الله تكونين حامل واعراض الدورة اهي اعراض الحمل
وبشريناااا

تفائلي حبوبه
ان شاء الله خير يااااااااارب
نطري بعد 3 ايام وشوفي
وبشرينا

مشكورين بنات وايد وايد عالردود

وعسى الله يرزقني ويرزقكم بالذريه الصالحه

اذا ما نزلت عليك الدورة بعد 14 يوم من التلقيح وسويتي تحليل حمل وطلعتي حامل يعني حامل حتى لو نسبة الحمل ضعيفة ترتفع بعد جم يوم ان شاء الله

عيدي التحليل بعد جم يوم ان شاء الله تتطمنين

مبروك مقدماً

أنا ماسويت تلقيح صناعي بس صار معاي نفس إللي صارلج
سويت تحليل طلع الحمل ضعيف ورحت عند الدكتورة وقالتلي 50% في حمل أو 50% مايكون في حمل وقالتي أعيد تحليلج بعد ثلاث أيام …. واااااي مرت على أصعب ثلاث أيام والحمدالله نتيجة التحليل إيجابية وإن شاء الله تكونين حامل ويفرح قلبج يارب

شوفي حبيبتي اذا كانت اعراض الدورة قويه يعني عوار البطن قوي ومع الظهر معناتها راح تنزل الدورة حتى لو كان في نسبه حمل وهذا يسمى بالحمل الضعيف او الحمل غير طبيعي يعني ما صار التلقيح البويضه عدل
اما اذا ييلك عوار بين فترة وفترة وخفيف ان شاء الله يكون حمل
بس اهم شي لا تشربين سوائل حاره

بعد عمري بناااااااااااااااااااات

بعد بعد رفعو معنوياتي أكثر ….أمس ريلي مسكين ابتلش فيني بس سألني شفيج قلبتها مناااااااااااااااااحه

بعد حسيت بتأنيب الضمير ليش اني ضيقت خلقه بس ليش اني وايد كنت متضايقه وما تكلمت حق احد ابد من طلعت من الدكتور .. بس والله ريحتوني

عسى الله لا يحرمني من كلامكم الحلو اللي يرفع المعنويات

يارب الله يرزقني بالذريه الصالحه ويرزقكم معااااااي