|
|
مثل مو مبين من عنوان موضوعي … بغيت استفسر منكم عن عملية الليزك .. انا مفكره اسويها باذن الله قريبا …
وخايفه شوي من هالموضوع اللي سووها من قبل او يعرفون احد سواهاااا ياريت يفيدوني عن العملية
حزت العملية تحسون بالم او عوار ؟
وعقب العملية تقدرون تشوفون تلفزيووون عادي ولا لأ ؟ هالموضوع مهم بالنسبة لي .gif "Eh S(16)")
وشلون على الصدااااع انا سمعت ان وايد يعانون صداع شديد عقب العملية ….انا حيييل احاتي هالنقطة لاني اصلا اعاني صداااع نصفي وايد يتعبني فخايفة اتعب زياااادة .gif "Eh S(2)")
واي معلومة زيااادة ياريت تفيدوني فيها ومشكوورين مقدما
العمليه مدتها 5 دقايق كل عيون دقيقتين و نص
ما تحسين بعوار أبد لان يحطون لك قطرة مخدره ، و راح يطلب منك الدكتور انك تركزين على نقطه ضوء في الجهاز لونها أحمر طول وقت العمليه و ماتحركين عيونك منها
و عيونك بتكون مفتوحه بكماشه
بعد العمليه راح تتحسسين من الضوء لمدة يوم تقريبا ، أذكر إني كنت ألبس النضاره الشمسيه حتى داخل البيت
تقومين بالسلامه يارب 
^
نفس الشي
بس على فكرة فيه كم وحده معاي فالدوام سوو العمليه وأذتهم
يعني العملية تعتمد بعد توفيق الله سبحانه على الطبيب ان كان شاطر والا نص ونص
يعني تاكدي اللي سووا العملية عنده
انا سويتها عند عباد
و الرد الاول الاخت ماقصرت قالت التفاصيل
اي سؤال تفضلي
ماتعور ولاتخافين ,
اهم شي تاخذين الدواء بعد العملية بانتظام عشان ما تتحسس الجروح اللي بالعين او تلتهب
اتبعي نصائح الطبيب بالضبط
والاهم استخيري رب العالمين
اهم شي تلتزمي بالادوية والقطرات وما تطلعين الا وانت لابسة النظارة الشمسية انا كنت البسها اول اسبوع حتى لما اطلع بالليل عشان الغبرة او اي شي ما يطخ العين
صارلي سنة بالضبط مسويتها والحمدلله نظري ممتاز ولكن استعمل للان القطرات للترطيب وان شاء الله بالتوفيق
^
اي صحيح
يصير الجفاف مزمن
لازم على طووول ترطيب
|
المشاركة الأصلية كتبت بواسطة سـما
 العملية ممتازة , بس اختاري طبيب زين وابتعدي عن ساامي ربيعة ترى خرب عيون ناس اعرفهم
ماتعور ولاتخافين , اهم شي تاخذين الدواء بعد العملية بانتظام عشان ما تتحسس الجروح اللي بالعين او تلتهب اتبعي نصائح الطبيب بالضبط والاهم استخيري رب العالمين |
والله من صجج ؟؟؟ سامي مو زين ؟؟؟ اشوف المدح عليه ؟؟ ،،
بعدين العملية الليزك صارت قديمه الحين هابين بالجديده
يعني شلون اللي سوووها تأذوا.؟؟
انا سامعة عن الدكتور اللي حاجزة عنده جمال مرجان لانه كان مسوي حق ابوي عملية ماي ابيض والحمدلله رب العالمين وايد كانت زينة مع انه ابوي ريال عود و ضغط وسكر …. انتو شرايكم منو احسن طبيب لهالعمليات ؟؟
اهم شي الصداع ؟؟ شلونكم معاه ؟ وايد عانيتوا منه ولا لأ؟؟
اسمه محمد وجيه
شاطر ماشاء الله و ايده خفيفه
و طول العمليه يسولف وياي و يحاول يخفف من التوتر
و على الصداع انا بس حسيت بصداع خفيييييييف اول يومين و هذا شي طبيعي
موفقه
|
المشاركة الأصلية كتبت بواسطة mareea
بصراحه انا ماعرف غير الدكتور الي سوالي
اسمه محمد وجيه و على الصداع انا بس حسيت بصداع خفيييييييف اول يومين و هذا شي طبيعي موفقه |
هالدكتور عليه مدح مو طبيعي ماشاءالله
ريحتوا بالي…يعني اللي فهمته ان الصدااااع يحتمل عادي مو متعب حيييل صح ؟