بنات منتشر مرض حصبه ويقولون خطر على جنين .طمنوني

اكيد سمعتو عن مرض الحصبه اللي منتشر بمطقه الجهرا وحده من اهلنا خرعتني تقولي لازم ادير بالي مع ان صاير فيني حصبه يوم صغيره بس يقولون الياهل مو صاير فيه ومو زين عليه خرعتني وقعدت احاتي …. يا ريت اطمنوني

لو في شي مو زين اكيد راح ينشرون تعاميم حق تطعيم الأطفال … لا تحاتين ان شاء الله ماكو الا العافية …

بس انتي لا تسمعين حق الإشاعات

مشكوره اختي قمر على الرد وما ودي اسمع اشاعات بس في ناس يحبون يخرعونج ويشوفونج اتحاتين والاشاعات اتيي عندج حتى لو اتحاشيتيها

اللـــــــــه يستر

الله يحفظنا

لا لا لا لا
انا سمعت بالراديو ان مرض الحصبة ماله شغل بالحامل
اللي ينخاف منه اهو الحصبة الألمانيه و الخطورة ان الحامل تصاب بهذا المرض مو تمر على ناس حاملين للمرض.

هذا كلام رئيس فريق مكافحة المرض د.مصعب الصالح و اذا تبون ترتاحون شوفوا مساء الخير على تلفزيون الكويت

وقال اللي مو بالجهرة ومتأخرين في تطعيم عيالهم خل يستعجلون و يطعمون عيالهم..بس الكبار ما عليهم شر والحامل ينخاف عليها من الحصبة الألمانيه فقط

بسم الله لا تخرعونا
ان شاء الله مافي شي بس في الجرايد حاطين تطعيم لليهال

صج انا اليوم بالراديو سمعت سالفه التطعيم
وبنات حاولوا ما تأخرون تطعيمات عيالكم الله يحفظهم

ليلحين ماطعمت بنتي

التطعيمات من سن 1سنه الى 7 سنوات

يعني بنتي الصغيرونه مالها تطعيم

ام زيزو بس المرض اللي منتشر الحين الحصبه والا الحصبه الالمانيه طمنيني واللي يعافيج يعني ما علينا شر انشا الله

انا بعد ولدي الصغير تطعيمه متاخر اسبوع اليوم انشا الله بروح اطعمه