بنات لحقووو علي بموت من العواار تعالووو بسرعه

بنات اشلونكم////بنات انا توه طالعلي ضرس العقل وطالع عوي حيل واحس انه يطق بعظم الفك ويعورني شسويله هوه توه طالع راس الضرس اللي مبين بس منو عندها فكره او شاله قبل هالمره ويعور وغند منو راحت خايفه ان يسوولي عمليه ويفتحون الخد ويشيلونه اقول لان مايقدرون يوصلوله ردوو علي تكفوون واللي بترد راح ادعيلها بكل صلاه فجر من كل قلبي……

يا حياتي والله ماعرف

بس انتي اقري الفاتحة عليه 7 مرات

راح يخف الالم اذا ماراح

انااا نفسج خاااايفه

روحي للدكتور ولاتخااافين حبيبتي

ألف سلامه روحي للطبيب .

انا لما طلعلي كان حاد ويجرح خدي وعادي بنج وشاللياه الدكتور بكل سهوله ولا حسيت بس بعد ماراح البنج حسيت شويية الم وكنت اخذ مسكن ومضاد

نقعي مسمار (قرنفل ) ابماي وتمضمضي فيه وروحي حق الدكتور افضل لاتنطريين

الله يعييينج يااارب الضرس ماينسكت عنه حبيبتي

اول شي تمضمي بمسمار ولا حطي مسمار عليه او نقسي مره وتمضمي حييل فادتني

وروحي للطبيب لاتخافين ولا شي هو ادرى منا في العلاج

وطمنينا عنج

ماتشوفين شر ياقلبي
انا صارت معاي وتحملت العوار لاني خايفه اسوي جراحة شيل سن العقل
بس ليتني ماخفت
لانه طلع نصه والباقي داخل
والله خرب صفت اسناني كلها وانا الحين مركبه تقويم كلف علي الف وشي ولا شلت سن العقل قبل مااركب التقويم
نصيحه مني شيليه وقولي للدكتور يشلهم كلهم
لان سن العقل (الله لايعقله) ماله فايده لانه مايطحن ولا ينفع الاسنان بشي
اختج ام ابو شهاب
واجر وعافيه

حبيبتي روحي شيليه وارتاحي ولا تخافين ماراح يشقون خددج ماله علاقة

ممجرد يعطونج ابرة بنج و ويخدرون المكان ويشلعونه سهالات باذن الله

آنا شالعة ضرس العقل ومرتاحة والحين الثاني تووه بادي يطلع بشلعه وبفتك

عادي حبيبتى روحي الطبيب وترا الحكومه يسوونه بعد تخدير ويشيلون الضرس ماله شغل بخدج وكلها يومين وعقب ماتحسين بشي وتفتكين
اف من عوار الضرس الله يعينج انا بعد اعانى من عوار الضرس بس لانى حامل ماقدر اسوى شي قاعدة على زيت المسمار مسكن من الصيدلية

يا حياتي الله يعينج تمضمضي بمرة و روحي للطبيب الالم عند الطبيب دقايق و الراحه ساااااااااعاااااااات