بنات كليه العلوم الاجتماعيه حيااكم

..السلام عليكم ورحمه الله وبركاته..
:
بما اني شفت شكثر بنات من كليتنا موجودين بالمنتدى فحبيت احط موضوع كامل عن الاستفسارات عن الدكاتره والمواد انا باقلي سنه واتخرج وعندي خبره بالدكاتره وخاصه تخصص خدمه اجتماعيه وعلم نفس ..

فلي حابه تستفسر عن الكليه والمواد حيااها الله

وانا بعد متخرجه من علوم اجتماعيه علم نفس ومساندي علم اجتماع

اى استفسار انا جاااهزه

حـــياج الله ياا قلبي’’

ومشكــــوره عالمبادره الطيبه

وتووقيعج رووعه والله’’

نووور انا خدمة ابي اسألج عن دكتور بدر بن عيسى شلونه ؟ ماخذه عنده ؟ انا ماخذه عنده سياسية وتخطيط بالصيفي

اهلين بناات كليتي

^_^

شلونكم ؟

انااا تخصصي علم اجتماااع
سنه ثااانيه

^_^

بدر بن عيسى << مايمدحووونه انا ما اخذت عنده لكن مايمدحوونه ..

…

لناا رجعه

اقوول قرقااشه حطي رجلج منه ..موصاحي بمعنى الكلمه يقعد ويهذر طوول المحاضره وعقب اف او دي والله العظيم رفيجتي عطاها اف وماخذتها عند عبدالوهاب الحين لان امتحانه كان كميه وبالاخير سؤال مقالي يبيله شرح من كل الكتاااب وهم رفيجتي الثاانيه دي تقوول صدمه عمري من هالدكتوور ..بس انصحج بزكيه الهاشمي صج شديده على الحضور والغياب وكميه بس تضمنين قريد احسن من عبدالوهاب اللي نص الشعبه سي واحسن من بدر بكثيييييييييير..والله يووفقج..

هلا حبيبتي حيااج

ومعاج حق بدر اكتفي بردي اللي فووق

والله يووفقج

بنات ساعدوني الله يخليكم و الله ماعرف هالدكاتره و مو سامعه عنهم كلش … امينه السماك في اكلينيكي .. مادري يقولون زوينه بس ابي اعرف اكثر .
و الثاني في قسم الاجتماع ناسيه اسمه و السايت مو راضي يفتح معاي بس جنه اخر اسم عبدال !!! و الماده اهي علم سكان بلييييييز احد يرد علي

امينة السماك اختي خذت عندها وماتمدحها من ناحية الحضور دقيقه وتطرد وامتحاناتها صعبة تقول اختبار ذكاء

بسالكم عن حامد المطيري خدمه اجتماعية شلونه ؟؟

واااااااااااي الله يعيني بالصيفي عليها … عاد انا كلش مو مال حضور و الدليل هالاسبوع ما داومت ولا يوم .. ماخذه اجازه بروحي من يوم ما توفى الشيخ سعد الله يرحمه

امينه السماك اخذت عندها اول كورس كان امتحانهاا صعب نص الكلاس ساقط بالميدتيرم بس انا مو منهم راحت عادته للبنات..عموما تهتم بالغياب والحضور امتحاناتها دقيقه ويبيلهاا دراسه من قلب وكل التوفيق لج..

عبدال..اخذيها عن لبنى القاضي وايد احسن ..عبدال اخذت عنده احصاء اجتماعي يشرح شي وبالامتحان اسئله مو موجودين لا بالنوت ولا بالكتاب والله العظيم صج صج ضلمنا بصرااحه.. اخذيها عند لبنى فضيعه..

حامد دكتور اخلاق واحترام وطيووب لابعد الحدود.. امتحاناته سهله واكثر شي يجيب من شرح المحاضره فكتبي معاه كل شي الحضور والغياب عنده شي ضروري ويعطي كيرف حق اللي مو غايبين اخذت عنده مادتين كلهمA وبالتوفيق لج حبيبتي

امينه السماك رفيجتي ما تمدحها ,

وعلم السكاان إنتي معاااي ,, انا ماخذتها صيفي عند يحيى عبدال ,,, والله كريييم

اخذته عنده
شوفي

اهو شديييد بالحضور والغـيااب والتآخييييير << ماعنده مشكله يطردج اذا تاخرتي 10 دقايق يقولج برا

بس امتحاناته سهـله وشرحه زوين هاادي يييبلج النووم

بالتووفيق