بنات كليه التربيه-جامعه الكويت نبي متبرعه تودينا مكتبه الشويخ

بسم الله الرحمن الرحيم ..
السلام عليكم ورحمة الله وبركاته ..

اشلوووووونكم يالتربوييييييات ان شاءالله بخير ..

هالفكره يتلي من شهر يمكن وقلت بحطها بوقتها ..
هالفكره تخص الكتب ومكتبه الشويخ اللي انا اعاني منها ولامره داشتها ..

يابنات نبي وحده تتبرعلنا احنا اللي مانعرف نروح المكتبه , تتبرعلنا وتودينا , طبعا بالباصات اللي عمري ماركبتها ولاادري شسالفه ..

يعني الحين الزبده من الموضوع , نبي بنت نتفق معاها على يوم نروح فيه مكتبه الشويخ عشان نشتري الكتب ..
طبعا هاليوم ياانه يكون اخر ايام الاسبوع , او ان يكون على ثاني اسبوع من نداوم بالجامعه , واذا فيه اكثر من متبرعه هم زين , عشان نشوف شنو الاوقات المناسبه اللي يكونون البنات فاضيين ونروح , طبعااااا روحه ورده لوووووول , يعني مو نروح وننقط على صخر مانعرف نرد ..

ماادري اذا الفكره اعجبتكم يابنات والا لا ؟؟

يالله الحين نبي متبرعين , ونبي محتاجين لوووووووول ..

وابي الحين وحده تتبرع تضبطلنا الوضع وتنسق معانا لان انا حاطه هالموضوع مجرد فكره وموعارفه شلون بنضبط الروحه حق المكتبه ..

يعني ياريت وحده تنسقلنا ..

واذا الفكره مو عاجبتكم قولولي عشان نسكر الموضوع ..

و عليكم السلام ورحمة الله و بركاااااااته ..

سوسيتا .. يعني انتي ولا مرة رحتي للمكتبة ؟!

زين قولي لي علشنا أقدر أفيدج إن شاء الله بتروحين للشويخ عن طريق الباص ولا على سيارتج ؟

والله انا اطرش السايق

بس ترا مايصير تطرشينه

و الله كسرتي خاطري اصلا هذي مشكلتي الازلية من دخلت الكلية لان لو تذبحيني ما دليت دخلتها و دايما اروحلها مع اختي الكبيرة لانها ما شاء الله دليلة و دارسة من قبل بالشويخ و آخر كورسين قزرتها طرارة من البنات اللي بتروح اطرشها بدربها بعد عمري و الله ما يقصرون بس طمنيني شيصير عليكم

حبيبتي بالعكس ترا ما تضيع

روحي بالباص من كيفان لي شويخ

الباص يقطج لي يم الباب

اي بنات انا ولامره داشتها , صارلي كورسين اوصي وحده تصيرلي , بس عاد لي متى فشله مايصير ..
ابي اتعلم ..

قلت اكيد فيه بنات مثلي , اذا كلش كلش ابي وحده تتبرع تعلمني , انا خايفه اروحلها بروحي واتوهق شلون ارد ..
وانا بروحلها بالباص

سوسيتا دخلي هالموضوع وشوفيه انشالله بيفيدج

https://q8yat.net/showthread.php?t=225457

تقدرين تتأكدين من الكتاب اذا موجوده او لا بدل ماتروحين ……وانشاء الله يفيد البنات بعد

الله ونااااااااااسه ماقصرتي لطوفي ..
تصدقين جم مره تصير فيني اخلي احد يروح ومايلقى الكتاااااااااااب ..

تسلمين اختي ماقصرتي

ولووو سوسييتــــــا ماسويت شي و انا فادني وأبيــــــه يفيدكم …

الكتب بسرعه تخلصوا روحوا مبجر اضمن..

سوسيتا اخذي رفيجتج او اختج معاج..

واذا مالقيتي احد انا اوديج خخ..

موفقين يارب..

ورحوا اول ماتبطل كل ماتاخرت تصير زحمه..

روووووونه ماعندي احد اروح معااااااه
ماقصرتي ..

عيل الحين ابي وحده تتبرع تعلمني على الباصات , مااعرف شنو اسوي ووين اروح !!
واذا وصلني شنو اقوله ينطرني ؟؟
سايق ابوي ؟؟

سوسيتا كليه التربيه يفتحون معرض و تقريبا كل الكتب موجوده فيه

شوفي يا قلبي مادااام بتروحين بالباص .. أسهــــل لج وااااااااايد ..

أول شيء روحي لمواقف الباصات و شوفي الباص اللي مكتوب عليه (الشويخ/كيفان و العكس) أوكي ..

و ترى كل 15 دقيقه يطلع باص لكل الكليات .. بعد ما توصلون الشويخ راح ينزلكم الباص عند مواقف الباصات مال الشويخ ..

نزلي وسألي السكيورتي وين باص مكتبة الطالب.. أو حتى سألي سايق الباص اهو راح يقولج ..

عاد الباص راح يوصلج لي باااااب المكتبة .. و يرد المواقف

و لي خلصتي .. طلعي و وقفي نفس المكان اللي نزلج فيه الباص ..

لين إيي باص ثاني ينزل بنات للمكتبة وياخذ البنات اللي خلصوا يردهم المواقف ..

و بالمواقف شوفي وين باص كيفان وردي معاه ..<<< ترى لهم مواعيد معينه تلقين جدول المواعيد في غرفة الإنتظار

و حسبي حسابج علشان ما تأخرين على محاضراتج الطلعه هذي تاخذ ساعه كااامله أو أكثر شوي من زحمة الشويخ ..

و كل مارحتي مبجر يعني الصبح الساعه 8-9 كل ما كانت الزحمة أقل والوقت أقل ..

وبسسسسس سلااااامتج .. ترى سهالات أنا قبل كنت أروح مع الباص لأني جم مرة ضعت بالشويخ وكرهتهااااااا

بعدين مع الوقت و الخبرة هههههههههههههه تعلمت صرت أروح بروحي على سيارتي ..

امممم نسيت أقولج شيء .. ترى مراااات .. لي طلعتي من المكتبة ما تلقين الباص و يطوووووول على ما إيييييي ..

الظاهر ينطر لين إيون بنات يبون يروحون المكتبة يقطهم وياخذكم .. عاااد إذا مستعيلة ردي مشي لي المواقف ..

ترى إهيا مو بعيييده حييل ..بس إذاا لابسه كعب .. الله يعييييييييييينج <<<< صاااارت فيني مره ردينا انا والبنات مشياً بالكعب العالي

شوفي حبيبتي احسن روحي بسيارتج لان الباص يقث على مايوصل ينقعج وترا اهيا سهلة اول ماتدخلين الشويخ عاليمين سيييييدة

مكتوب مكتبة الطالب واذا ضيعتي سئلتي السكيورتي مطشرين بكل مكان..

وموفقة..