|
|
مساء الخير حبيباتي
شلونكم وشخباركم مع الحمال
انا بالتاسع بس امس حسيت نزل علي ماي خفيف توقعت ماي الياهل نطرت عيالي يردون من المدرسه غديتهم ورحت الولاده الدكتوره سوت لي فحص داخلي كسر بيدها انشالله ههههههههههه لو تشوفون ايدها تقولون ريل فيل المهم قالت الرحم مصكر وهذا مو ماي الياهل لا فطريات والتهاب شديد من جذي الرطوبه وسالتها ما تاثر قالت لا بس انا ماحسيت بعوار او حرقه من هالالتهاب والخميس عندي موعد عند دكتورتي بس ولا مره قالت لي صاير معاي جذي وانا يبت اثنين اول مره يصير التهاب او فطريات من زواجي الحمدالله
بليز الي صار معاها جذي شنو سوت وعطوها علاج وهل يطول او له تاثير بعد الولاده
اول مرة اسمع ان الالتهاب يبين من الفحص
أنا خذت مني مساحتين ومزرعة
الرطوبة فعلا احتمال سببها فطريات
والفطريات تعيش علي الرطوبة
اشتري غسول مهبلي من الصيد ليه وضروري ضروي تكون المنطقة ناشفة
بعد كل دخول للحمام
وسعي الله يسهل عليج
اااااااااب
و روحي لدكتور ثاني يمكن يفهم اكثر
ومشكلة الفطريات عادي حبيبتي بسيطة وترا المنطقة الحساسه عند المراة معرضة لهالاشياء وخصوصا للمتزوجة خبرج ماتدرين الزوج يتنظف عدل قبل مايجيج ولايكون رايح الحمام وموب مغسل وعقب يسوس وياج علاقة
واصلا حتى لو تهتمين وتنظفين وتجففين بحكم الافرازات الطبيعية والمكان مش معرض للتهوية بتكون بيئة خصبة لنمو هالاشيء طبيعي جدا وف اغللللب الحريم
وعلاجة وايد يسيط تعطيج تحاميل مهبلية للفطريات او مضاد مدة اسبوع خلي الدكتورة توصف لج اللي يناسبج
رحت لدكتورتي وقلتلها قالت افحصج وانا ماادري
بشي كنت بكر ولااعرف شنو فحص بس شافتني
من غير ماتفحص قالت معاج فطريات واجد وكتبتلي
على تحاميل وغسول وماادري اذا عطتني مضاد او لا
وبعدها بنص الثامن جبت ولدي لانها تسبب ولاده مبكره
لاتنطرين الموعد روحي اليوم لدكتورتج وقوليلها
علشان تلحقين تنظفين المكان قبل لاتولدين يمكن ياثر او شي
والف سلامه عليج
انا وسواسيه نظافه وحاشني!
عطتني الدكتوره تحاميل
حلتلي المشكله شهر وبعدين ردت
اذا مجرد فطريات مو التهاب ما تأثر عالحمال لاتحاتين وان شاءالله مافيج الا الخير
اااااااااب