بنات عندي سؤال ارجو الدخول لكل حامل

السلام عليكم حبيباتي…
بغيت اسألكم انا بالشهر الثالث و احس انا راحت عني اللوعة و ماقمت احس بثقل انزين بس التعب للحين موجود و كل اشوي ابي انام و معدتي تعورني من صج و في الام تحت السره…؟
هل هالشغلات طبيعية والا لا؟ و ارجو الافادة
و شاكرة لكم

ان شاء الله طبيعي والحمل يختلف من وحدة للثانية

والله يثبت حملج ويرزقج بالذرية الصالحة

اي عادي حبوبه هذا شي طبيعي انا حامل بالثاني واحس بنفس الاحساس اللي تحسينه مافي لوعه او لوعه عالخفيف بس مافي ترجيع وكله ابي انام ليه درجه ساحبه عالدوام الصبح :// واحس بعوااار بالرحم على قولتج حبيبتي تحت السره
ومثل ماقالت اختي فراوله الحمل يختلف من وحده ليه وحده وان شاءلله ماكو الا الصحه والعافيه

الله يثبت حملج ويرزقج ويرزقنا بالذريه الصالحه يارب :*

لا عادي حبيبتي لا تحاتين
انا بالرابع وما اقدر انام مثلج
اهم شي عشان ترتاحين ليمه تيين تنامين لا تتكورين لا كله خلي ريولج ممدوده
وطبعا لا تنامين على بطنج !
وان شاء الله ماكو الا العافية انا معاناة بالنووم كل ساع قايمه من الالم بس يقولون تتعودين بعدين

ان شاء الله طبيعي

الله يعطيكم العافيه حبيباتي ان شاء الله و الله يسهل علينا كلنا يارب…!
انا عندي نص شهر يوليو مراجعه ان شاء الله خير بس الام الظهر ماقدر انام منها و ايضا الام الجنبين الايمن والايسر

الله يثبت حملنا ويتمم علينا ويرزقنا الذرية الصالحة المعافاة

صح كلام البنات الحمل من وحده لوحده يختلف .. حسيت بهالشي من تجربتي لأنه في اشياء ما صارتلي مثل ما تصير حق البنات

وان شاء الله على خير بموعدج الياي تطمنج الدكتورة

لاحبيبتي طبيعي

لاتحاتين

انا بالثالث وللحين اللوعه والترجيع
بس سوي سونار وتاكدي