|
|
السلام عليكم………انا بنت عمتي عروس لها شهرين………عسي الله يتمم عليها بالخير………..
المهم دقت علي مضايقه ……..قلتلها خير ان شاءالله جان تقول نيتنا انا وزوجي بنروح عمره….. قلتلها
يازين مااخترتوا…..شنو المشكله؟؟؟ والا تقولي خالتي ام زوجي من جم يوم نازله عندها والا تقول اي والله
بنروح وياكم العمره اهيا وبناتها ثنتين مو متزوجات ….قلتلها اي خالتي الساعه المباركه…والله اهيا تقول عادي
اهما اهله مافيها شي بس تقول يعني انا بعدني عروس واهيا عندها 3 حريم حما كلهم توهم رادين من السفر
اللي توها راده من باريس واللي تركيا والثالثه الامارات …. تقولي اهنا راحوا وردوا محد لزق فيهم شمعني انا
وتقولي لا بعد…. اليوم وصلني خبر من زوجي ان خالته بتروح بعد وياهم….عاد تقول هذا بيت الله ولنا اجر فيه
بس اهيا تقول انا انحرج منهم للحين ماخذيت عليهم…بعدين تخاف يتعودون وكل مره يلزقون فيهم…
تقول شكلي بتحجج بالاختبارات….وماني رايحه واخلي زوجي يودي اهله…..ها بنات شرايكم؟؟؟؟شالدبره
صح مو حلوة .. بس نصيحة خل تروح وياه حتى ما يتعود يسافر بدونها ..
خصوصا ان السفرة ما بتطول اكثر من اسبوع ..
والله يعينها ..
بس قوليلها تاخذ اجرهم واهي نالها شغل فيهم بس من ترد من العمرة قوليلها خل تروح اهي وزوجها لاي ديرة واذا علقوا فيها هالمرة يطلعون صج مايستحون واهني تكلم زوجها
بعدين زوجها يتعود على عدم روحتها
وتكسب اجرهم بس بعدين ترتب مع زوجها انها تبغى تاخد راحتها
وبصراحة شوية صعب هي يادوب اتعودت على زوجها يجيوا الاقارب كلهم
بس قولي ليها تمشي الهرجة عشان مايشيلوا بخاطرهم عليها
يعني تتوكل على الله وتروح معاهم
وهي عمرة وان شاءالله الجايات اكتر وراح تنبسط مع زوجها بالايام الجاية
نصيييييييييييحه لاتشيل بخاطرها ولاتبين شئ لاتخلي الشينه تطلع منها خل تروح عادي ولاجنه شئ صار وتوسع صدرها بعدها تقوله خل نسافر انا وياك سفره رومانسيه يعني بروحنا وان شاءالله يفهمها
وموفقه حبوبه 
وتقبل الله منا ومنها صالح الاعمال
لي شهرين اتمنى العمرة لو نص يوم
ادعولي الله يرزقني الحج او العمرة قريبا
اتجيها فرصة لمكانها بشوفة بيت الله وتقول بتعذر ؟؟؟؟؟ حرام عليها والله
قولي لها تروح الله العالم ربي بيكتب لها مرة ثانية ولا لا. لا تضيع الفرصة من يدها .
وقولي لها اهل زوجها بيكونون لاهيين بروحهم وبعدين هي رايحة العمرة مافيها شي لا راحوا وياهم
ولما قالت حريم حموانها الي جاية من تركيا ومادري وين . هم مو جايين من بيت الله
توها لها شهرين والحياة جدامهم ان شاء الله ولاحقة عالروحة والردة مع زوجها.
خليها تصفي النية وتروح لعبادة ربها وشوفة بيته … وماعليها من اي احد ثاني .
الله يهنيها ويهديها
رايحه لبيت الله .. وهاذي خالتهـا والبنات حمواتها
يعني هي صارت وحده منهـم
وهو ماودا الا امه وخواته
البنت لاتزوجت لا تظن انها بتملك الرجال لها بروحها
هو له اهل لازم تقدرهـم وتكون مرنه بالعيشه معاهـم
وسالفه يتعودون يلزقون فيهـآ ، ماظن بيخاشرونكم بالسفر الا للعمره
المهـم قوليلها المسأله ماتحتاج كل هالتأزيم
خل تنوي وتتوكل على الله
وبيني بينج ..
الواحد لااعتمر ماله خلق حتى رومنسيات
كله تعب بتعـب
من كثر المشي
لوووول
وبعدين روحو سفره ثانيه
بس اذا دولة ثانية ذيك الساعة عارضي على كيفج
عشان بيت الله
بس المرة الجاية إذا قرروا يسافروا تحاول معاه
إن ماحد يدري إلا بيوم السفرة
.gif "Eh S(14)")
والحين صارلي ثمان شهور متزوجه وللحين لازقين فيني كل سفر وهم معاي.gif "Eh S(16)")
وبيتهم متروس عيال .. حبيبتي لاتخلينهم يتعودون يتلزقون فيهاااا نصيحححححه.gif "Eh S(4)")
قوليلها خليه يودي اهله وبعدين اهي تروح مره ثانيه لحالهم وعذرها انها تستحي.gif "Eh S(22)")
عشان ماياخذ فكره انها ماتبي اهله وعشان اهله يفهمونها انها تبي تاخذ راحتها .. اخخ ندمانه قد شعر راسي ليه اخليهم من اول مره يروحون معاي.gif "Eh S(11)")
..ناس ماتستحي
… ونصيحه خليها تستحي عند اهله تحاول تسوي حالها تستحي هذي صديقتي كذا عندها اولاد وتسوي حالها للحينها تستحي من اهله ولاتختلط معهم حييييل رسميه معهم وعايشه بسسسسسسسلام...gif "Eh S(15)")
.gif "Eh S(9)")
بس هذا بيت الله ما يتقارن بباريس وتركيا
تروح وتكسب الاجر بروحتهم ،، بس السفرات الثانية تحط حدودها