|
|
——————————————————————————–
السلام عليكم و رحمة الله و بركاته
والله اني عادتكم كلكم نفس خواتي واتمنى انكم تساعدوني من كل كل قلبي
شوفو سالفتي انا عمري 20 ..
وابوي من النوع اللي يحبنا حيل حيل بصوره ما توقعونها و عندي 3 خوات اكبر مني كلهم متزوجين الحمدلله
ومستقرين ..
ويوم انخطبوو ابوي طبعه يعلق الناس شهرين جذي على ما يرد عليهم
واللحين جا دوري انا خطبني واحد كل كل شي في زين ما شالله تبارك الرحمان ما خلينا احد ما سألنا عنه محد ذمه الكل يمدحه و الدواوين تشهد له و تقريبا في نص المواصفات اللي ابيها من عايله زينه و عندهم خير والولد ما عليه وسمعته حلوه و اهله حبوبين بس المشكله وين ان عمره 31 سنه والمدح له من كل مكاان
وسبحان الله الا مع هذا الوالد قال هذا لا تسألون عنه و لا تطوفينه وتمسكي في يقول لمي و ابوي يعرف كل كل شي عنه و عن اهله
وانا احس فرق حيل حيل كبير
وحدي محتاره اخاف ما اوافق ويطلع زين و كل شي
واخاف اوافق و احس ان حيل كبير
فسؤاال هو .. ؟؟
تشووفوون ان الفرق واااجد
؟؟
وانتوو شنو تشووفوون تكفوون ساعدووني جزاكم الله خير
وما يصلح لي او شنو
واهم شئ انتي مرتااحه واستخيري ياوخيتي وشوفي وين اللي ربي كاتبه لج
وعسى ربي يتمم عليج ويوفقج
تبين الصج اهو الفرق حييل كبير
11 سنه مو شويه بس السؤال شنو اللي خلاه ينطر لي 31 ما تزوج..؟>> اهني تخافين وتترددين بس اسالي عنه عددل واسالي عن امه وخواته>> لاتقولين شكو بس هذيل ناس بتعيشين معااهم
ولا تخلين صلاة الاستخاره استخيري استخيري استخيري
صلي مره ومرتين وثلاث لين تتاكدين من احسااسج والله يقدم اللي فيه الخير ويرزقج ياا رب
شنو اللي بقى ؟؟؟ انج تستخيرين وتطلبين ربج انه اذا في خير لج ييسر امركم ويتمم لكم على خير واذا فيه شر الله يصرفه
عنج " وماخاب من استخار الخالق" واحسن مليون مره من السؤال عنه بالدواوين وغيره توكلي على الله حبيبتي واستخيري
واقدمي على فعل الشي وشوفي ربي شنو كاتب لج كل شي يبين ان شاء الله ….
موفقه ياقلبي والله يكتب لج اللي فيه الخير ويتمم لج على خير يااارب .
وشوفي انتي مقتنعه ولالا ؟؟
ممكن بنات يقنعونج بس انتي تحسين هالشيء مايناسبج
وتوج صغيره والفرص قدامج فيعني اهم شيء راحتج
تكآنه + وآعي ..
أنتي إستخيري والله يكتبلج اللي فيه الخير ..
انا متزوجه والفرق بيني وبين زوجي تقريبا 9 سنوات ونص
قولي 10
والله العظيم رجال تكانه وماعنده خرابيط
مع انهم خوفوني ان كبير ومش عارفه ايش
وليش قعد كل هالوقت ماتزوج
وافقت على سمعته وسمعت اهله
والحمدلله كل شي تمام
ورفيجتي اخذ واحد بينها وبينه سنه
الله لا يوريج كل يوم تطيح عليه يغازل
وبعدين لا تنسين التوفيق من ربج
انا اقول وافقي
ومبروك مقدما
يكون عاقل وتكانه وفاهم وكبير
نصيحه من اخت صلي استخاره
وعسى ربي يووووفقج يارب
11 سنة معقول..
عن نفسي احس حول الـ 10 سنين فرق اوكي
بس اكثر لا
و هو بأول الثلاثينات..
يعني ثقيل و ما عنده طيش شباب
و سمعي كلمة ابوج
دام انه شايفه واااااايد زين و ابوج من النوع اللي يسأل و يتقصى عدل مدل << مثل ابوي
لا تخافين عيل من الريال
بس عاد لازم تستخيرين
و ربي يوفقج
|
المشاركة الأصلية كتبت بواسطة جذابه بنت ذيابه
 احلى عمر للزواج للرياجيل 30 وفوق
يكون عاقل وتكانه وفاهم وكبير نصيحه من اخت صلي استخاره وعسى ربي يووووفقج يارب |
رآيي من رآي جذآبه واستخيري والله يكتب اللي فيه الخيـر 
وإذا ع العمر ياكثر اللي بينهم فرق بالعمر وعايشين حياتهم على احسن ما يرام..
وأنا الصراحة أحسة أفضل عمر حق الزواج بالنسبة للرجل لانة يكون ناضج وفاهم وواعي…
وبالاخير ع ما ترتاحينله يا عمري…
وبعدين العمر مافيه شي وحلات الرجال اكبر من البنت
وبالعكس تاخذين واحد اكبر منج وفاهم الحياه وعنده خبره ويعرف يتصرف ولا جاهل بكل دقيقه اهواش ولا يمن عليج الشي ولا ماله خلق
وكل ماكان الرجال كبير صدقيني يتصرف بعقلانيه وحكم
وثاني شي عمره حيل حلو خصوصا لج لانج صغيره يعني لو تاخذينه طقة ال21 وحولها والله تتعبين توه مو مال مسؤوليه وماتعتمدين عليه بشي عالاقل تبين واحد تعتمدين عليه وماعنده طيش وترى الريال الكبير يكون حنون ويخاف عليج لانج صغيره
وابوج مامدحه من فراغ تأكدي من هالشي واستخيري واذا ربي كاتبلج نصيب بتاخذينه
والله يوفقج …