|
|
السلام عليكم
بنات عندي لكم طلب مو لي ، للحبيبه الكويت
و للأمانه هالموضوع مو فكرتي .. كلمتني عنه رفيجتي و قالت ان رفيجتها بالدوام كلمتها فيه و انا حيل تحمست له و قلت ليش ما نسوي حمله لهالموضوع ؟
المهم الموضوع عن الطرارين اللي ترسوا الديره و اللي ينبشون بالزباله و كل ما مريتي سلموا عليج .. و كثرة اللي يبيعون بالاشارات من يهال يعورون القلب و اللي يبيعون عند المجمعات و يعلون قلبج بالتلزق
و امس كلنا شفنا بالجرايد شلون ان موظفات وزارة الاعلام تعرضوا أكثر من مره للسرقه من بنغالي بمواقف الوزارة يهددهم بسكين و آخرهم مسكينه انصابت بطعنات بإيدها لما قاومت !
احنا الكويتيين كل من يكسر خاطرنا . مع ان هذيله بشهادة الشرطه انهم يقومون بسرقة منازلنا ، و وجودهم بالزباله ينقل امراض خطيره و تكثر جرايم الشرف و السرقات و غير ان شكلهم بالديره بايخ و يشوه منظرها . والله ما يخلى شارع و لا مجمع و لا اشاره منهم !!!! لي متى عاد ؟
صاحبة الفكره ما قصرت و كتبت ايميل لجهاز خدمة المواطن و ما قصروا ردوا عليها .. لكن الداخليه اهملت الموضوع
قلت لها ليش ما نساعدها و نسوي حمله معاها .. الأيد الوحده ما تصفق ، و لو شافت وزارة الداخليه و جهاز خدمة المواطن كثرة الشكاوي أكيد بتسوي شي
المهم انا فكرت اكتب بهالمنتدى .. علشان اطلب منكم تكتبون شكوى للجهاز نفسه و تطرشون بعد ايميلات حق رفيجاتكم و اهلكم بأنهم يكتبون بعد .. و بجذي فعلا نسوي حمله كبيره .
و لما ان شاء الله نقضي عليها نفكر بحملات ثانيه تفيد ديرتنا.
الحين المطلوب بالنقاط الواضحة :
1- ما نعطي هالطرارين فلوس ، لأننا نساعدهم عالبطاله و الطراره و نساعد تجار الاقامات انهم اييبون من هالجنسيات اكثر و اكثر و يقطونهم ..
2- نروح لموقع خدمة المواطن https://www.c2g.gov.kw/ .. ونضغط على شكاوي المواطنين
3- نضغط على " إضغط هنا لتسجيل شكوى " .. و كتبي بياناتج كامله .. ترا ما اكو شي يخرع 
4- بالمربع اللي فيه بيانات الجهة اختاري" الفئة : الوزارات " و " الجهة : وزارة الداخليه " و " المجال : الخدمات الأمنية " و " الموضوع الرئيسي : الخدمات الأمنية " و خلي الموضوع الفرعي خالي
5- كتبي شكوتج بأسلوبج .. ما نبي نكتب صيغه وحده و يكشتون فيها .. و لا تقولين ما عندي اسلوب .. لو كلمتين و حتى لو باللهجه الكويتية . و ضغطي أرسل
6- بعد يوم راح يدقون عليكم جهاز الخدمه عالتلفون اللي كتبتوه أو بالايميل . يشكرونكم على المشاركه و يوعدونكم بتوصيلها و متابعتها بعد
7- بعدها بيوم بتلاقون مندوبه عن وزارة الداخليه تكلمكم . بتطلب منكم تحديد مواقع معينه .. قولوا لها بكل الكويت . و اذا بتعطون امثله مافي مانع .. و لا تقولون انكم كتبتوا بس جذي لما شفتوا الموضوع . لا حسسوهم بقناعتكم .
و عسى الله يحفظ ديرتنا و نشوفها كل يوم أحلى و أحسن
وعددل كلامج لازم نحط حــد للي قااعد يصير 
.. ..
وحتى اللي يبيعون بالاشارات
ماحب قطع الارزاق بس شسوي ياربي
لززززززززقة وطق بالجام علشان اشتري
يعنى انت رجال شاب و متعافى و كاشخ شلى يحدك للطرارة و انت قادر تشتغل
و السوريات اللى يشيلون اطفال رضع و يشحذون فيهم عند المسجد انزين قومى صلى عشان الله يرزقج ؟؟؟!!!!
صراحة نصب و احتيال … يعتبرونا مغفلين
اللى تبى تتصدق او تسوى خير ترسل للبنانيين اللى صج يستاهلون المساعدة الحين
مشكوووووورة اختى على ايجابيتج و على حبج لديرتج و تفاعلج مع مثل هالقضايا
مشكوره حبووبه وبروح ادز شكوى
الحمدلله والشكر على النعمه اللي احنا فيها
تدرون زوج رفيجتي شقايله واحد من هالبنغاليه
كويتي مجنون قوله سلام عليكم يعطيك فلوس عمى!
وترى البنغاليه شعب مجرم صج والله ديروا بالكم
صج مو كفو نعمه هالأشكال
وبعد فيه اللي بالنقره وبلازا حولي اللي يبيعج كوبون بدينار مادري شسالفة هالكوبون يعني تخيلو يبيع 100 كوبون بيوم هذي 100 دينار
بشهر جم يطلع
أحنا نعطي الحمدالله بس المشكله أن الشين والبطران خرب علي المحتاج والفقير اوأحنا ضعنا بينهم
supermarket : هلا والله .. و الله مافيها قطع ارزاق . الحمدلله احنا شعب معروف عنه بالعطاء .. لكن فيه ناس والله منتفه ما تتكلم .. لازم ما نعطي فلوسنا لأي أحد و نخليهم ما يشوفونا الا براميل نفط . فلوسنا ان شاء الله للمحتاجين و في لجان خيريه ما تقصر نقدر نوصل لها ..
بريسم : تسلمين يا رب على مشاركتج .. و فعلا شكلهم زاد و مشوهين شكل الديره ..
زلابيا : عدل يا الغاليه .. نبي التفاعل اللي جذي . طرشي شكوى و اللي يعافيج . و مثل ما قلتي والله يقل الامان بالديره كل ما كثرت هالاشكال اللي لا وراهم لا رقيب و لا حسيب .
هدوي : حسبي الله عليه .. هذي نظرته للكويتي ؟ والله احنا اللي يبناه لعمرنا
QUMAR : والله كلامج عدل .. و محد شجعهم و زيدهم الا احنا لاننا نعطيهم و الداخليه اللي تشوفهم و مخليتهم .
بنات عاد نبيكم تكتبون شكاوي للموقع مو بس نتكلم بالمنتدى . همتكم معانا . ترا والله لو سطرين .. هم ياخذونها بعين الاعتبار
الدول تتقدم الى الامام واحنا نتراجع ظاهرة منتشرة بشكل مو طبيعي
محذوفين بكل مكان ما تعرفين الصاج من الكذاب كل واحد يقولج قصة شكل
والحين موبس البنغالية الحين ناس نفسنا وتتكلم بلهجتنا وكاشخين ويطرون
ويلحقون هالحريم يدرون ان عندهم معاشات لا واذا عطيتهم ما يعجبهم
تدرين انهم خربوا على المساكين الحقيقيين
قبل المسكين ما يرفع عينه وحالته كسيفة ولا يكثر الطرارة
هذول كل مارحنا السوق شفناهم
ملاحظة : الي تكلمت عن اليمنيين ترى فيهم عزة نفس يعني يبيع اي شي بس مايطر
والله ماودنا نقطع ارزاقهم بس شي زاد عن حده وجودهم بهالكثرة خطر علينا
ياريت تنقلون الموضوع للركن العام لانه فعلا مهم وحساس
ذاك اليوم بسوق الديره يه باص ونزل بو 12 -23 وحده من هالسوريات
وعسى عينج ما تشوف الشر اعوذ بالله والله ان امي اتعبت من كثر ما عطتهم
ملت وطلعنا من السوق قبل ما نخلص والسبه هالطراروه ……….
انا وحده معاكم والحين بدز لخدمة المواطن مسج
يلا كويتيات همتكم
انه مخلوقات فضائية تغزو الكويت …وهالمخلوقات ما تتأثر لا بحرارة ولا بالشمس ولا بغبار …!!!!!!
قصدهم عن هالعمالة البطالية …
ماادري ليش حسيت صج مخلوقات غريبة .gif "Eh S(10)")
الله يكافينا شرهم
(