|
|
بنات شخباركم ؟؟
وحشتوني كلكم
اخيرا حصلت باسوردي 
بقولكم سالفتي واللي ابي لها حل مستعجل
ريلي مسافر بره عشان يدرس
وهو من قبل يشتكي من ركبته بسونه عمليه
الغضروف في الاقامه القصيره
عاد امس صار بينا نقاش وانه كنت حدي هاديه واتناقش عادي
هو تنرفز مره وحده وقالي ياالخايسه يعني القصد منها اهانه او سب وسكر في وجهيي
انه انصدمت حيل حيل حيل حيل
وقعدت ابجي ونمت وانه ابجي والله وكيلكم قعدت من النوم وراسي يعورني احسس اللالم نزل في راسي
من زود البجي
انصدمت منه حيل ومن رده فعله
باجر موعد عمليته وشفته اون بالمسن وماكلمته ولاهو جه كلمني
وماني قادره اتصل له لانه اهانيي صراحه
وبنفس الوقت مو قادره انام وماتطمنت عليه وحسسته اني واقفه وياه بالعمليه
رغم ان العمليه بسيطه ادري عنها والدكتور شرح له شلون بتكون
بنات تكون ساعدوني شسوووووووووووي
اتصل فيه ؟؟ او اواصل زعلتي رغم اني للحين مانقط الا بقلبي عليه
وللحين راسي منفجر من صدمه البارحه
لاتخلوني ابي رايكم الحكيم
ترى محتاجج بالوقت هذا
عتاب المحبين
منه تبينين له انه غلطان وتبينين انه غالي لو مو غالي ما عاتبتيه
الله يسخره لج
والريال مايحب يعتذر ودامه شابك اون هذا معناه انه يبي يكلمج بس تعرفين الرياييل صعب يقولون اسف وكان يبيج تكلمينه
اتعوذي من ابليس ووقفي يم ريلج ولا كنه شي صاير وعقب لي طلع بالسلامه لكل حادث حديث
عشان يحس بغلطه وبنفس الوقت يعررف غلاته عندج
وقوليله أنا هامره بسامحك
لاني خايفه عليك واحاتيك أكثر من نفسي صحيح زعلتني بس بسامحك هامره
وأنت طمني عليك شلونك <<بهـ أسلوب قوليله يعني طاقه ثقل
وسعي بالج ودقي عليه والحب اللي بقلبج له اكبر من الزعل وعسى ربي يقومه بالسلامه
دقيت عليه ورن رن رن بعدين رد
وصوته انه قاعد من النوم بسس قلت له اقعد شووي بكلمك ورد نام
كلمته ويبين انه شوي شايل بخاطره عليي رغم انه غلط عليي المفروض اني ازعل
سلمت عليه وتطمنت عليه وسالته ادا اكل زين اولا << قال لي انه مو جاهل
سالي اولادش هالاسئله ياربي ابتلشت بهالريل هههههههههه
المهم قعدت اكلمه واقوله ماتشوف شر ان شاءا الله
والله يرجعك لنا بالسلامه والصحه
يارب
وهو بالغصب يرد
اخر شي يقول لي اللي يبي يتصل يعرف يتصل من وقت مو وقت نومتي >> يدل ع شنو ؟
بعدين مارديت عليه عشان يعرف اني زعلانه
وغيرت الموضوع وسلمت عليه وقلت له تصبح ع خير وباجر بتصل فيك ويلا خد راحتك ونام