بنات ضايق خلقي من النتيجة

ما توقعت هالنتيجة ! قلت الظاهر ان أثر الإبرة التفجيرية ليلحين موجود في دمي مع ان المفروض ان يختفي من أربعة أيام !

ان شالله ياااااااااااااااااااارب حامل ما تدرين مرات ما يبين بتحليل الدم الا بجم يوم ياااااااااارب يرزقج ويرزق كل محرومه اميييييييييييييييييييين

ان شاء الله تكونين حامل وقادر ربي على هالشي بس انا اللي سمعته ان الابرة التفجيرية مفعولها 10 ايام والله اعلم
نطري جم يوم وعيدي التحليل وان شاءالله تبشرينا

يارب يا من تسجد له الجباه ارزق اختى فى الله طفل معافى اللهم اميييييييييييييييييين

ان شاءالله تكونين حااامل يااارب .. ساعات تحليل الدم ما يبن لازم تحليل هرمووون يااااااارب تبشرينا هالشهر ان شاءالله

الله يرزقج بالحمل السليم المعافى.

حبيبتي انا صار معاي جذي وكان مفعول الابره وحدي تحبطت .. بس ان شاءالله يارب تكونين انتي حامل ..

ان شاء الله حامل لا تفقدين الامل وخليج متفائلة

جم يوم لج من الابره
مفعول الابره يتم مرات من 10 الى 14 يوم
على حسب قوه الجرعه
انا صار فيني نفسج وطلع حمل
لاني يبين بالبول قبل الدم سبحان الله
سويت تحليل البيت باليوم 12 من التلقيح
صادف اليوم ال13 من الابره

اذا ماخذة الابرة ام 1000 اعتقد يبيلج 14 يوم احسن شيء التحليل الهرموني

اذا ما انزلت في امل
واذا انزل قدر الله وما شاء فعل
لا تزعلين يا عمري حاسه فيج انا قبلج طقيت هالابره ومن غير تحليل ولا شي انزلت
وهذا انا قاعده اعيد السالفه مره ثانيه كلوميد وبعدين سونار وبعدين ابره وبعدين ننطر النتيجه الله يعدي هالمشوار على خير وصبرنا ولا يضيع انشالله تعبنا
صبري وديري بالج على روحج لين تنزل وانشالله ما تنزل حبيبتي الله يرزقج ويرزقنا يارب

يارب يارب يارب حامل وتبشرينا

مشكوورين بنات على ردودكم الحلوة .. أنا سويت تحليل دم هرموني بنفس اليوم اللي المفروض تنزل فيه الدورة .. و المفروض ان مفعول الإبرة يروح بعد 10 أيام لأن جرعتها 5000 و اليوم سويت مرة ثانية تحليل منزلي و طلعلي خط خفييييف ما يبين عدل! شلون ؟ مو المفروض تحليل الدم أدق !؟

احتي نطري بعد اذا ما نزلت الدورة عيدي تحليل الدم

التحليل الهرموني جم نسبته ؟

ان شاء الله تكونين حامل وتبشرينا