|
|
السلام عليكم بنوتات
انا ولدت بالسلامة الحمدلله و الحين طبعا نفاااس لاعت جبدي بنات احس اني ابي اروح بيتي
مادري اشتقت له (زوجي)
مادري و الله لدرجة اني ساعات ابجي
صج اني عند امي و خواتي بس مليت منهم
انزين شنو اجهز حق طلاعتي ان شاء الله؟
بنات ابي اردله بإذن الله وحدة ثانية شلووون يعني ميخالف بصبغ و بسوي نفس كل بنت بتطلع من النفاس هالشغلات التقليدية
بس اسمع ان في سوالف مثل طعم و شغلات شوي اكشن يعني ادلع فيها زوجي
انا وسواسية اخاف اطلب من المنتديات مادري يعني تعرفون محلات تبيع هالسوالف انا حدي اشتري قميص و اطلع لا و بعد قمصاني من عرسي !!!
مليت وع النفاس مو شي
توكلي على الله واذكري ربج ومافي الا العافية انشالله
وان شاء الله المتزوجات يفيدونك يارب <<< آنا عزابيه للحين
بس يبي قميص نوم مشخلع ومغري حيل ويكون لونه اسود واذا على النكهات تلاقين كوشك بالعربيد بلازا تحت عندهم نكهات تينن وجميع الفواكه وييبي ابجورات مضيئه وحطي موسيقى سلووو واذا عندج طاولة طعام ييبلج شمعه وحطيها عليها ويبي كيكه صغيرة او الكيكه الي نشتريها من الجمعية حطيه فوقها كاكاو سائل مع عصير وفراولة وحطي على الارض شموع صغار وميك اب
مشكورين بنات بعد ابي استفيد
احس املق فتره
والله تسوقي وشوفي الي يناسبج
لان انا عن نفسي ما احب سوالف نكهات
شفيها لو تنفست ببيتها ماراح يسير شي
خففي اكلج عشان تضعفين وتروح كرش الحمال
قبل الاربعين بيومين روحي الصالون
سوي حمام مغربي وقصي شعرج وصبغي وحفي وسوي مانيكير باديكير
واشتري لج قميص نوم حلـو وجريء
ومن تردين البيت سوي شعرج وتعطري ومكياج ناعم وعدسات
وطلبي فطاير تقديم وكيكه صغيره وفتوش
ولاتكثرين عشان طلعة النفاس لان البيبي بيأذيج
وطالعه من الشر ان شاءالله
ومبرروك مآجاج
بالنسبه لـ سؤالجّ
مآدري (:
ماعي افكر للأسف عشان افيدج فيها بس نصيحتي لج ترى البيبي بيأذيج فلا تجتهدين وايد أول ما ترجعين ألا بحاله وحده انج تحجزين فندق ليلتين و تسوين ألي تبين و تغيرين جو النفاس
انا قبلج تونى طالعه من النفاس
و زوجج اذا الله عطاكم عمر بتروحين له وبتملين بعد ههههههههههه
وربي يوفقج
فتره وراح تعدي
وعندج بعد النفاس بدعي بالحركات مو شرط نكهات لو ماتحبين تجربين
جربي قصة شعر ومكياج جديد
ملابس كاملة من بجايم وقمصان جديده
حركات غير
وانتي وشطارتج
ومبروك ما جاكم