|
|
معاي نزيف و معطيتني الدكتورة اجازة بس القانون ان 15 يوم و بعدين خصم شلون
– تنخصم مباشرة بعد 15 و الا يحولوني مجلس طبي ؟
– شنو الخطوات اللي لازم اسويها عشان آخذ موعد من المجلس(الحين انا ما اداوم)؟
بلييييييييييييز بنات ردوا علي بسرعة …………….
تروحين دوامج ومعاج تقريرج الطبي عن حالتج الصحيه كتبي كلشي فيه لاتخلين شي
اخذي تقريرج وروحي دوامج او بالبيت كتبي كتاب لمدير ادارتج بطلب تحويلج للمجلس الطبي بهالطريقه :
ارجو الموافقه لتحويلي للمجلس الطبي وذلك لما اعانيه من ضروف صحيه مرفق بالتقرير الطبي وتحطين اسم دكتورتج وادبسين تقريرج وتودينه للقسم المختص ( اتوقع شئون الموظفين ) وبعدين اهم يكملون باجي الاجراءات بس بعد جم يوم تمرين تاخذين الرد علي كتابج وتروحين فيه الصباح احطولج موعد للمجلس الطبي واتوقع يبيلج واسطات عشان الموافقه انا مخليتها علي الله والله كريم
ماتشوفين شر حبووووووبه والله يفتحها عليج يارب
ملاخظه اختي :
اذا تقريرج من الحكومه مثلي من قسم الحوامل وديته مستشفي مبارك الكبير بالجابريه اطبعوه عندهم واختموه بعدين وديته الصباح لانه خذيته من المستوصف بخط الايد مع تحاليلي كلهم وحالتي الصحيه
وهم اذكرج لاتخلين شي ماتكتبينه بالتقرير (ترجيع – الالام بالبطن – نزيف كل شي كل شي ) ولما تروحين الصباح روحي بعبايه وبدون مكياج ولاشي 
شنسوي بعد بس يوافقون ونرتاح
يا ريت البنات يفيدونا
انا بقولج بالتفصيل الممل
انا مدرسة ومن اول الحمال ماداومت لاني مسويه عملية ربط واول موعد خذيته من المجلس الطبي كان شهر 9 اول مافتحت المدارس خذيت تقرير من الدكتور اني مسويه عملية وديته اول شي المدرسة كتبولي كتاب تحويل للمجلس الطبي وبعدها وديت الكتاب المنطقة التعليمية وبعدها ورقة من المنطفة التعليمية الى مستشفى الولادة اللي اهو المجلس الطبي
وهاللويه طبعا خذتلها اسبوعين وطبعا يبيلج احد متفرغ عشان يراكض بالاوراق لان تدرين لازم انتي بنفسج تاخذين الاوراق من المدرسة وتودينها المنطقة وتودينها المستشفى انا الحمدلله زوجي وابوي ماقصروا اهم بنفسهم ياخذون الاوراق و يودونها بايدهم
وعطوني موعد بعد اسبوعين يعني طاف شهر على المدرسة كنت ماخذة طبيات من دكتوري
وعلى ماصار موعدي رحت المجلس ومعاي تقريري واهمه عندهم طبياتي ونسخة من التقرير وكلها دقيقتين وطلعت بس قالولي انتي فلانه ؟ متى سويتي عملية الربط؟ وبأي شهر انتي الحين؟
وبعد ماطلعت قالتلي السكرتيرة صدقوا طبياتج ملوت شهر وعطوج راحه شهر ولج موعد بعد شهر
وعلى هالحالة من بداية الحمل للحين وانا كل شهرين اراجعهم يعطوني اجازة 8 اسابيع
بس يوم الموعد لازم احد يروح ياخذلج رقم الصبح الساعه 9 لان بالدور يدخلونا وبعدين انتي تروحين الموعد عالساعة 11 ونص تقريبا وبعد الموعد بجم يوم تتصلين ويقولولج تعالي اخذي اوراقج جاهزة وديهم المدرسة والمنطقة التعليمية وبس
وانا اخر موعد عطوني اجازة لي الولادة انشالله لاني بداية الثامن.
والله يتممملج على خير انشالله حبيبتي
وبقولج شي ترى الوحدة اللي فعلا محتاجة راحة يعطونها وانا ماحسيت فيهم نحاسة او قسوة بس اللهم انهم نفيسه شوي ومايعطون ويه 
وما عندهم واسطات او رشاوي مثل ما سمعت.
وسوري على الازعاج والطواله