بنات شالفرق بين الكمام وابرة الظهر!!!

منوره كويتيه
الحال من بعضووووو

انا سمعت ان ابرة الظهر موزينه وممكن اتسبب شلل وخفت من هالسالفه

وانشالله اللي عندها معلووومات تفيدنااااااا

هلا ام مرايم حتى انا سمعت عن هالشيئ بس يقولوون يعتمد على شطارة طبيب التخدير الي يعطيج الابرة بس صج احس مكانها خطؤ يعني اي شيئ يحووش العمود الفقري يمكن يصيب بالشلل لاا قدر الله ويقوولوون لج انهم لازم يغزونها بين فقرتين بالظبط وهذا الي يخرررع

بنات وينكم افيدوناااااااااا

هلا حبيبتي انا جربت بولدي الاول كمام ومسكنات وابر مخدر عاديه
تحسين بالاعوار بس احسن من ابره الظهر

لان انا جربتها بولدي ثاني الله لايوريج من اليوم ثاني انا ما احس بريولي جنهم شلل وعوار الراس الله لا يوريج توكلي على الله واخذي كمام واولدي ولاده عاديه احسن

واذا انتي ماتحملين عوار الطلق سوي قيصريه بس ابره ظهر لا تفكرين تاخذينه وهذا راي وانتي لج حريه لاختيار

تسلمين فراشة1

انا زوجي محذرني من ابرة الظهر

الله يهون عليج

والكمام احسن اكيد واامن

منوره وخري عن ابرة الظهر واخذي الكمام احسن لج والله

انا عوار الدوره ما اتحمله تخيلي ولما ياني الطلق خذيت الكمام وعطوني ابره مخدره والله صج في عوار بس حفيف ومع الكمام ادوخين وماتدرين عن شي وناسه بس العوار الصجي لما تقرب طلعت البيبي وترا لحظات بس تتحملينه والله ولج اجر فيه ….

الله يسهل عليج حبيبتي وتولدين بالسلامه يالغاليه وتبشرينا

انا ماخذه ابرة الظهر خمس مرات بعيالى عملية قيصريه ومافينى شيى ولو بولد مره ثانية باخذ ابرة الظهر انتو لاتسمعون حجى الناس يبه الابره مايقزونها بالحبل الشوكى شكو يغزونها بره بالماى المحيط بالحبل الشوكى اشيابها حق الحبل الشوكى بسكم اشاعات واللى تقول ثانى يوم ما احس بريولى موثانى يوم اول يوم بعد العملية لمدة ساعتين بس يروح مفعول البنج اتصير اريولج زينه اما سالفة ثانى يوم مشلوله اريولج قويه اشويه وفى نوعين من ابرة الظهره نوع يخدر من البطن لين الريول كلها ونوع بس يخدر البطن كله بدون الريول واذا انتو ولادة طبيعية ليش تاخذونها اهيه زينة حق القيصريه والحين مستشفى الولاده صارله 20 سنه يسوى ابرة الظهر ولا عمره مرت عليه حالة شلل انا ماتكلمة الا انى مجربتها مو سامعه ولا قالولى ناس انها اتشل ياكثرهم على وكالة يقولون

منوره انتي اشتبين بابرة الظهر الحمد لله كله عوار ومردج تتذكرين هاللحظات الحلوه وبعدين ترى كل شي فيه عوار لاتقولين ما ابي احس بعوار اصلا الوحده من تحمل ليمن تطلع من النفاس وهي كله عوار بعوار
بالنسبه للكمام ترى مستشفى عن مستشفى يفرق عندج الهادي اقوى كمام وكمامهم معروف يخليج مهلوسه لي ثاني يوم بس لحظه مايطلع البيبي بتحسين بكل شي
والعمليه القيصريه تعب بتعب وتعبها يظل معاج ليمن تعدين السنه او اكثر
والابره بالنسبه لي اخاف منها ما ادري ليش شاللي حادني عليها ؟ عوار يوم ولاعوار سنين

فراشه ما عندها سالفه الي ما تاخذ ابره ظهر انا اخذتها ابره الظهر قبل 9 شهوور بمستشفى المواساه والله اغلب اليلا يولدون بالمواساه ابره ظهر ومافيها اي خطوره كلش الشي الوحيد اي ممكن انه يصيبج مو الكل صداع بعد الابره او ان مفعوول الابره مايتم عن طريق حقن الابره بالسائل ويطلع السائل عن المكان حبيبتي امي دخلت معاي الولاده وقالت الي ما تاخذهاا خبله وانا سائله اكبر دكتور تخدير بالكويت قبل العمليه عن اضرارهاا قالي مالها اي ضرر ومستحيل تسبب الشلل لان مكان الشلل غير عن مكان اعطاء الابره وشرحلي بصوره عنده نصيحتي فراشه اخذيها واتكلي على الله سبحانه وتعالى
واي سؤاال انا حاضر وعلى فكره ترى انا فيني ديسك بين الفقره الرابعه والخامسه والحين مافيني شي
وتسلمين يارب

انا جربت الابره ببجري
تخدرت ساعتين بس والتخدير من البطن لي االريول وبعدين عادي
بس تحسين بدوخه بعد الولاده

وحزه الولاده تكونين قاعده ومبطله عيونج لما يطلع البيبي وتشوفنه وانتي مصحصحه

والكمام من تاخذينه تنامين ماتحسين بشي بس حزه الولاده تحسين بطلعه البيبي بس بدون عوار

مدامج بجر اخذي الكمام اريح لج
من ادشين الولاده شفطي بالكمام لما تنامين

صج ريحته خايسه بس تحملي

والله يهون عليج ان شاءالله

انا ولدت اول رمضان وخذيت كمام وما كنت ناويه اخذ ابره ظهر بس لاني خوافه وفضحتهم بالمستشفى وخرتها بالمستشفى وطرت حتى الدكتوره اللي يت تفحصني وريلي كل اشوي افلعه بالكمام
بعدين خذيت ابره ظهر وبالعكس ايد الكتور حيل خفيفه وما تحسين فيها كلش
حتى وقت الولاده ما تحسين بشي كلش
انا ما حسيت غير بالمشيمه يوم اطلعت مني بس

ممممم يعني في بنات تأيد الابرة وبنات تايد الكمام بس انا ودي اعرف شالفرق بينهم بالظبط

عموما انا كاشه اصلا من ابرة الظهر ماادري احسها خطررة وشكلي بقعد على الكماااااام وهاااااااااااااات يا شفففففففففط

الله يهون عليج يارب