|
|
بنات انتوا عارفين
انه انا ما فين يشي
وزوجي فيه ضعف
انا تزوجت وعمري 21 والحين هلاسنه بيصير لي 4 سنين
طبعا بدايه زواجي كنت ادرس وما كنت حاسه بتأخر الحمل كان عندي هالشي عادي لكني بس تخرجت
كان صاير لي سنتين ما حملت
ورحت الراشد وقالتلي ما فيج شي بس قامت تعطيني بالكلوميد
ماكنت اعرف زوجي اهو الي فيه ضعف
بعدين وحده دلتني على دكتور البكري بدار السلام
وفعلا رحت له
سالني جم سؤال وسالني عن زوجي كنت واثقه زوجي مافيه شي
لان الي يشوف زوجي على العافيه الي اهو فيها ماشاء اله ما يقول فيه اي شي
ولا كنت احس فيه شي
بس الصدمه بالتحليل
كان عنده بس 10 الاف وكلهم ميتين
وبالتحليل الثاني عدد 3 بس مافيهم شي
ولله يا بنات مااتصدقون اشلون انصدمت وقمت ابجي
رحت الخاص عند بكري
قالي مافي حل الا اطفال الانابيب وبالتحديد الحقن
قلت هينه كلها 80 دينار
لكن الصدمه كانت مو اكثر من الف ونص
واله يا بنات انا سكرت كل الابواب بويهي زوجي ظرووفه الله يعلم فيها وانا ما اشتغل
اشلون بسويها
والدكتور يقولي على عمر المرا
واله قعدت ادعي وادعي طول هالاشهر ربي يفرجها حلم الصراحه بالنسبه لي لو سويت عمليه وحده
سبحانك يار ب رحمتك
قلبي وعمري كله والله لو مهما اقول ما اوفيها حقها (امي)
ساعدتني واهي سوتها لي
ما كنت قايله لها
بس قلت عشلت ما اتحن علي بس لما قلت لها قالت لي انا بسويها لج لو قايله من زمان جان سويناها
وفعلا تدبرت وقعدت كل صلاه احمد ربي واشكره نعمه كبيره بالنسبه لي
اني اسوي هالعمليه سواء انجحت او افشلت
وفعلا سويتها عنده
ولما شفت الاجنه سبحان الله
حسيت اني صج حامل هالشي ما يصير طبيعي
بس ربي سخر هالدكتور يسويه
حسيت فيهم جني صج كنت حامل
بس ربي لك الحمد ماكان في حمل وانا ما اسمها فشلت العمليه لان الدكتور مهمته تلقيح الاجنه ويحطهم
بس ربي اهو الي يثبتهم بس ربي للحين ما كتب لي
عقب استلام النتيجه نجتف صكت فيني الدنيا اشلون عن العمليه الثانيه
اشلون بسويها
ربي ربي رحيييييم وسعة رحمتها كل شي
الدكتور قالي بسويها لج 600 وبسويلج تقنيه الليزر لان معطيني نسبه النجاح 50 بالميه مع الليزر اتصير 70 بالميه
نسبه واايد زينه احمد ربي عليها
بس السالفه اشلون
لاتستغربون بنات انا صج اعيش ظروف مع زوجي وانا مقدره له هالشي
واهو مو مقصر معاي من ناحيه المعامله والدلع والحب متعلقه فيه حييييل
قعدنا مع بعض عقب فشل العمليه
كان بوقتها فيه جمعيه بالف وشي قلتله اشرايك اندشها
اشلون قالي اندشها والاجار والمصرف
100 دينار بالنسبه لنا مصرف والياهل اهو كل شي اهو تكمله لحياتنا
بنات انا ما اسمع كلام احد انا عندي اهم شي زوجي بي واني بغير شي من حياتنا
قلنا خلاص نطلع من شقتي واقعد عند امي واهو عند اهله لين ربي يفرجها
وانسوي هالعمليه
ان فشلت خيره وان انجحت ربي لك الحمد على هالنعمه وراح اقعد بيت ااهلي لي الولاده
بنات مدام في امل الواحد يتحمل كل شي
بنات لازم ما نيأس ولا نوقف مدام فيه علاج وفيه امل انسعى وراه
انا اشوف بنات بالقسم ييأسون اذ انتوا تيأسسون انا شقول
انا بظروفي صوب ومرض زوجي صوب واهل زوجي صوب
بس انا شريت زوجي وقاعده اعامله كحبيب مو كزوج فاعده اعطيه حب كثر ما اقدر
اطلع والبس وما اخلي هالشي يأثر فيني لان اهم شي النفسيه
انا ادري طولت عليكم بقصتي بس اتمنى كل وحده لا تيأس
وتدعولي شهر عشرا اسويها واحمل
ويثبت الحمل في رحمي وربي لا يضيع تعبكم
وربي يصبرني على بعد زوجي حبيب قلبي وربي لا يفرقنا ويجمعنا على خير
الله لا يفرقكم ويلم شملكم من جديد ياالله
لا تتضايقين مدام انتى وريلج متصافيين ما عليكم من اى شى بالدنيا عسى ربى يرزقكم ويعطيكم ما عليج روحى مستشفى الصباح او حاولوا علاج على حساب الدولة والله بيرزقكم انشالله
بس مايصير انتي ساكنه عند اهلج واهو عند اهله واختي هالة الصباح صاجه سكني عند اهله لو بغرفه وحده ليش مسوين بنفسكم جذي
الله يفرجها عليج ويبرد على قلبكم يارب
انا اهله ما ساعدوه بعمليتي الاولى
ولا احد حتى ياني
بس دقوا يبون يعرفون اشلون حاطيلي 3 اجنه وان صار حمل ب3 وين ادويهم تخيلوا
انا على ضحك قلت حق حماتي عندكم
قالت لايبه لااتيبين عيالج ترا ياخذون غلا عيالنا
ما يبوني اصلا احمل واهم ماشاء الله خير
خايفين خواته انه ايب ياهل وعيالهم يروح الدلع منهم
لان زوجي وحيد اهله الولد الوحيد
تخيلوا هذا رد حماتي لي حتى ما قالت ماشاء الله 3 اجنه واهي ماشاء الله عندها يهال مو ناقصها شي
خافين عيالنا تدلع وعيالهم ينسون
اكيد خالتي ام زوجي او ابو زوجي ماراح يفرقون بين احفادهم انا واثقه من هالشي
بس اهم وعقلهم ربي يهديهم
بيت اهلي احسن ما ابي احد يجرحني بكلمه بيت اهله ولا احد يجرح زوجي بيت اهلي
ربي لا يذوق اي وحده الحاله الي انا فيها .. ويرزقكم يارب بدون عمليات ولا علاج طبيعي يارب
ليش ما تسوين كتاب علاج علي حساب الحكومه
انا سويته والله الحمد الله وفقني
ليش تدخلين جمعيه او تعبشين عند اهلج مالي داعي كل هذا
واي سوال عن الكتاب وطريقه انا حاظرة
صدقيني ربج بيرزقج لانج طيبه ونيتج صاافيه
وعلي نيااتكم ترزقوون
ومثل ما قالو البنات ..قدمي على العلاج بالداخل عن طريق الحكومة … والله يرزقج بالذرية الطيبة ان شاء الله
بنات الحين فرصتنا ان نكثف الدعاء والاستغفار….
مثل ما قالوا البنات لا تتكلمين الا بعد ما تحملين