بنات ساعدوني نبي نعرف اهو يسكر ولا لأ

السلام شلونكم بنات

بنات احنا في حال مايعلم فيه الا الله بنت خالتي صغيره عمرها 18 سنه متزوجه من 5 شهور وحامل وتلاحظ من زمان تصرفاته مو طبيعيه الين ياها اول امس يغني ويرقص وعيونه حمممممممممممممر وفيه بفهاق لي الصبح وفوق هذا وانتو مكرمين تبول علي روحه

ولما صار الصبح بوديها بيتهم كالعاده علشان يروح الدوام قام يعولص بالسياره ورقع سيياير الاوادم الواقفه صوب البيوت لين دش بالصبه لاحظو كللللل هالعلامات الواضحه ان الريال فاقد ومو بوعيه المهم البنيه اختبصت وكشت من السالفه خذت اغراضها وراحت بيت اهلها واليوم يو عمها وخالتها وحماها العود يبي ردونها يحلفون بالله ان ماكان سكران وان كان فيه هبوط حاد ودايخ وحتي لما قالتلهم كل العلامات اللي لاحظتها فيه مصممين ان اهي ظلمته وان اهو ماعنده هالسوالف بالله عليكم مو شي يقص الراس نصين

المهم الحين بنت خالتي شلون تتأكد ان اهو حشاكم يشرب ولا لأ فيه تحليل معين يبين ان اهو يشرب واذا ضل 5 ايام او اكثر ما شرب هالغبر وراح سوا تحليل يصير دمه عادي ولا لأ مفعوله يبين ان صاحبه يشرب ولي يعافيكم طالبتكم تساعدون هالمسكينه صغيره ووحيده امها وابوها نبي حل نعرف فيه اذا اهم صادقين ولالأ ولو ان السالفه مبينه عدل بس اهم مصممين ان اهي ظالمته ومتوهمه ومبالغه واهي تحلف ان ماكان طبيعي والحين احنا محتارين بين حانا ومانا

ومشكورين مقدما

شمت منه ريحه غريبه ويمكن فيه هبوط ليش تظلك الريال خل تنظر والحين اهيا حامل يعني تدبست فيه خل تصبر عليه وكل شي بتفاهم

الله يسخره لها ان شالله

حبيبتي خل يحلل مثل اليوم

ثاني يوم المغفول يروح بالجسم

والله يطمن قلبكم

والله يالغاليه من اعراض الى قلتيها مبين يشربقص

بالله اكو احد دايخ مادري فيه هبوط يغني ويرقص؟

اتوقع يقصون عليها على ابو صغيره ومايبون بيتها يخترب

مشكوره اختي عالرد ….

اي تقول ريحته فطيسه مخلوطه بريحه زقاير وهم بقولج شافت ولله ما كنت بقول والله قصت ويه بس بقول علشان ااكدلكم ان وضعه ماكان طبيعي لما رد البيت بالليل يرقص ويغني وفيه بفهاق وعيونه حمممر وبعدها دشت عليه الغرفه الا لابس شلحتها ويغني وعقبها علي طول قط عمره علي الفراش ونام وعقب جم ساعه قام ولا متبول علي نفسه وهذا غير سهراته اليوميه مع ربعه بالصليبيه يعني مبييه السالفه بس اهم ينكرون احنا نبي شي فاصل بينه وبينهم تحليل اواي شي يوضح لنا

واشكرج اختي ماقصرتي

عسى الله يهدى سرهم
تقبلى مرورى

الله يعينها بس اذا طلع يشرب انصحها تنفصل عنه لان اللي يشرب الحياه معاه متعبه

وي حبيبتي الله يعينها عليه

لا التحليل عقب 5 ايام ماكو فايده لانه اغلبه يروح

لكن

اذا اهوا يشرب منزمان

ممكن بالتحليل تبين نسبه كحول صغيره

ما قصرتي اختي وهذذا اللي كنا خايفين منه ان يروح مفعوله ياااارب سترك

ماقصرتو بنات كلللللللللكم والله هذا العشم فيكم والنت صاير ثقيل حيل مادري شفيه صج مو وقته استغفر الله

والله مانى عارفة شقولج

الله يهديه

استغفر الله و اتوب اليك

الله يهدية ياارب اي صح خل يحلل بنفس اليوم وحتى لو هبوط حااد اشدعوه مايصير كل هذا

الله يعينها ويهديه

بس لا اتطلق في واجد يشربون وعقب الله يحسن من حالهم ويهديهم

المهم هو شنو تعليقه على الي صار ؟؟

واذا طلع اكيد يشرب خل تزعل عليه زعله قويه وان شاء الله بيتركه..

اي اهي الحين زعلانه وقاعد بيت اهلها بس يتآكدون علشان امها ابوها مصممين علي طلاقها والله العظيم اول مره تصير بعايلتنا والله نحس انها مصيبه استغفر الله

والله مادري انا دايما ضد مبدأ الطلاق اذا كان فى عيال

وتري الريال مايعيبه ان يشرب ياما سمعنا رياييل شنو كانو اوين صاروا الحين وخل تتاكد اول يعنى خلال سنه كامله ماشافت اعراض
ولا حست الا الحين؟ اخاف صج تعبان الريال
منو يربي هالياهل اذا شرف؟ ام مطلقه؟ واى حسافه الطلاق دماااااااار رجاء لاتتسرع