بنات ساعدوني توني والده وذبحني الخياط حيل مضايقني ساعدوني لاتخلوني

بنات انا عندي مشكلتين

الاولى:
بنات انا توني والده لي 8 ايام وذابحني الخياط
حيل مااقدر اقعد ولا اقوم
وانا مسوين لي خياط من داخل وبره يعني تجميلي
مسويته مع الولاده عند الراشد
والجرح نصه ملتحم ونصه مو ملتحم ماادري شلون
يعني مو ملتحم من بداية الخياط لنهايته؟
لا شويه ملتحم شويه مو ملتحم
ماادري اذا هو جذي كل الحريم ولا بس انا
مع العلم هذي اول ولاده لي يعني بجر

الثانيه:
صدري يعورني ماقمت ارضع ولدي منه
لأن جتني صخونة الانفاس اسم الله عليكم الله يكفيكم شرها
والله بغيت اموت وصدري اليسار مورم من الحليب ويعورني
اسوي بالشفاط يطلع حليب شويه بس اما صدري الثاني عادي مافيه شي
ابي حل لان بعد بكره برضع ولدي من صدري على مااخلص فترة علاجي

ســــــــــــــاعـــــــــــدونـــــــــــي الـــــــلــــه يـــــخــــلـــيــــكم

الله يعينك اختي هدا شىء طبيعي بسبب الجرح اهم شى تنتظمي عل العلاج و تقعدين عل الجنب وتمتنعي نهائيا عن الجماع لين ما يصير الم مرة لنو يزيد الطين بلة وممكن يسوي التهاب ما تشوفين شر حبيبتي والله يقومك بالسلامة ويشفيك ان شا االله لا تحاثين مع الوقت والالتزام بالعلاج راح تلاقين الالم راح

حبيبتي ألف ألف مبروك عليكي و حمد الله على سلامتك ماا تشوفيين شر
و الله ماا دري حبيبتي عن الخياط و هالسوالف لأني بعد أنا بكرية و ماا دري شي بس و الله عورتي قلبي و ان شاء الله البناات يفيدونك يا رب
الله يقومك بالسلالامة ياا قلبي

حمدالله على سلاااامتج ومبروك ما ياااج

ما عندي فكرة بس سمعت ان أفضل حل لالتئام الجرح تتنقعين بحمام دافي ذايب فيه مرّة

وتستخدمين ماي+ملح كغسول

الف سلامة عليج <<< عشتو صايرة دكتورة آخر عمري خخخ

حبيبتي اول شي حمدلله على سلامتج و ما تشوفين شر
بالنسبه للخياط يبيلج من الصيدليه مطهر بيتادين مال الجروح و كريم ميبو ولادتي اللي طافت و لاحسيت بالخياط و الجرح التام باسبوع من هالمرهم و الطريقه عقمي المنطقة بقطنه و محلول بيتادين و بعدين حطي ميبو على الجرح و قطعه شاش و سويها 3 مرات باليوم بسرعه بترتاحين
بالنسبه لصدرج ديري بالج لا يقلب معاج احتقان الشفاطه ما راح اتسوي شي فاللي عليج اتسوينه انج اتحطين كمادات ماي حاة على صدرج بعدين اتعصرينه بايدج على المغسله وايد بترتاحين و عموما انا حتى بعيالي صدري اليسار يدر اكثر من اليمين ما ادري ليش
واي سؤال انا حاضرة يالغاليه

اي اختي انا بعد جربت كريم ميبو اللي بالسمسم مرة ممتاز ويسرع التئام الجروج والله المعافي

احسن شي بيتادين وميبوو للجرح ومسحي على الجرح بمره حطيلج
بطل نقعي فيه مره مع مااي وكل مادخلتي الحمام كرمج الله مسحي على الجرح

وماتشوفين شر ان شاء الله

نصيحة لا تنعين بماي حتي اا دخلي الحمام لا تتشطفين بالماي مباشرة مسحي بكلينكس كثر ما تقدرين تجنبي الماي علي الاقل لين يطيح الخياط اما الالم وشد الخياط فدواة تمسحين علي الكوتكسة بشوية زيت زيتون وشوية منقوع المرة وكلمرة تغيريناتمسحين بهالشيين وتلبسنها وان شاللة تللين الخياطويبرا بسرعة ,,,,وادعيلي اذا فادج ه ذا من تجربتي بكل عيالي

ماشاء الله البنات كفو ووفو كنت باقولج تتشطفين بمنقوع المره وتطهرين الجرح ببيتادين وتحطين مرهم وميبو ممتاز

اخذيلج ميبوو بقطن وحطيه على مكان الجرح و حاااولي تنظفين مكان خياطج عدل بالغسول اللى معطيج اياه الدكتور
الظاهر على العسل و غسلى منه

ونسيت اقولج تره عااااااادي الجرح مو الحين يبرا ويطيح الخياط انا الغرز كلهم طاحوا عقب ما كملت 22 يوم عادي المهم اعتني بالجرح

الحمداللة على السلامة ومبروك ماياج الخياط اللة يعينك علية يعور اهوا بس كلة هذا يروح بس احس لج اتراحعين دكتورج بعد 10 ايام من الولادة عشان يجيك على الجرح وماتشوفين شر انشاء اللة

حبيبتي الحمدالله على سلامتج وماتشوفين شر ان شاء الله اهم شي للخياط

انج تحطين المضاد الحيوي

جربي دهان نسيت اسمه بزيت السمسم فضييييع وابتعدي عن العطورات

واشربي مره نقعيها في بطل ماي صحه وشميها بعد زينه ,,

بالنسبه للخياط عادي تحسين انهم مو مخيطينج عدل ومخلين اشوي عااادي

مع الوقت يلتئم عدل الجرح ويصير مكانه طبيعي 00

اييييييييييييه تذكرت اسم الدهان ميبو فظييييييييييييع

حطيه على قطعة شاش ولزقيه على مكان الجرح

ايه تذكرت بعد اذا تعرفين الخوا جوا فضيعه ومضاد حيوي

وتساعد على التئام الجرح وتشيل الاثر بعد 00 كل ماتذكرت شي بقولج عنه 00