بنات سؤال عن امتحان القدرات ردو بسرعه

بنات بليز ابي حد يرد وابي كلام اكيد انا ب11ع اوكي ورفيقاتي يقولون انه امتحان القدرات بشهر 12
واحنا نقدر انقدم هل الكلام صحيح يعني مو لازم اكون ب12 علشان اقدم بأمتحان القدرات ورفيجاتي كلهم بيروحون يمتحنون معا الملاحظه انهم ب 11ع اذا ينفع امتحن صراحه راح امتحن وادخل كلية الهندسه ان شاء الله

ردوااااااااااااااااااااا تراني حايره وبليز الي ما يدري شسالفه لا يتفلسف الي فاهمه بليز اترد

واذا مارديتو راح ازعللللل واحول ادبي

وآنا بعد بغيييت اعررف
بليييز علمونا
ماندري عن شي احنا

انا اللي اعرف اخر سنه يعني ب12 حبيتي انصحج حتي لوجيتي 12 لاتقدمين لانه اذا شديتي خليج وجبتي بنسبه راح تدخلين الجامعه بدون قدرات صدقيني وان شاء الله اكون فدتج

ينات يعني اقدر ادخل هندسه وراثيه اوهندسه كيميائيه اويتروليه بدون قدرات يعني فوري كيف كم النسبه الطلوبه بس لازم اقدم علشان اغطي كل الاحتمالات يمكن لا قدر الله نسبه قويه وشكرا لكل الي ردوا بس ابي بعد ردود علشان كلنا نستفيد

القدرات شرط من شروط دخول الجامعه !!
و لا تستخفين فيه .. وااايد بنات ضاع مستقبلهم لأنهم ما امتحنوا قدرات و عبالهم انه مالا معنى.. و نزلت نسبهم من 95 الى 70 !!!!!
و حتى الجامعه ماقدروا يدشونها !

اي القدرات تقدرين تمتحنينا من الحادي عشر !!
لج 3 محاولات بـ 11
و 3 محاولات بـ 12

و اذا تبين ادشين هندسه
لازم تمتحنين رياضيات و English و كيميا
و تيبيييين نسبه بالرياضيات و الانجليزي .. و الكيميا بس تنجحين فيه فوق ال 50 !
و ترا القدرات عمره ما يرفع !!.. يا يثبت نسبتج يا ينزلها !!
فا حطي بالج !!!
دشي دورات كيميا و رياضيات .. و حتى الانجليزي !

ولا يقصون عليج و يقولولج لا تمتحنين و اخذي تمهيدي .. هذا اكبر غلط!!
لأنه اذا ما يبتي نسبه في القدرات راح تنزل نسبتج و ما راح ادشين الكليه اللي تبينها و اصلا ما راح تقدرين تاخذين تمهيدي
فااا شدي حييلج !!!
و ترا سهالات انشالله القدرات بس دشي دورات من ألحين و كثر ما تقدرين امتحني قدرات !!

~ Untitled ~

مآ قصرت وكفت ووفت

بس نصيحة مني اذا صج خآطرج بهندسة وتبين تدشين هالكلية

استغلي المحاولات اللي معطيينج اياها بالقدرات
وسجلي بكل امتحان
وحتى لو صادف وقت امتحان القدرات امتحان قصير او امتحان فترة بالثانوية

بنات اللي متأكده تقول لو سمحتوا لا تقولون لها مو الا تقدمين و بس لازم تشدين حيلج بالثنويه .. شكو!
في كليات مثل الهندسه لازم تكون ناجحه بالرياضيات و الانجليزي عشان يقبلونها
حبيبتي .. القدرات لج 6 فرص بس عشان تمتحنين و تقدرين كل مره تختارين تمتحنينهم كلهم او لا يعني عادي تمتحنين الماده اللي تبينها بس انصحج كل مره قدمي على كل المواد احسن
و في موضوع بالقسم حاطين فيه مواعيد التسجيل للقدرات و الامتحان
و بالتوفيق

امبيه بنات خرعتونا
يالله ان شاء الله ننجح فيهم وندش الهندسه

يصير تقدمين واحسلج قدمي من الحين مو تقولين انطر 12
عشان لا سمح الله لو مانجحتي بالقدرات لما كنتي ب11 لج فرصه ثانيه وانتي ب12
في بنات اعرفهم جابون 94 ومادخلو هندسه عشان القدرات
نصيحه قدميه من الحين

ان شاء الله انقدمه
الله يوفقنا وننجح فيه

حبيبتي ديري بالج ينزل مستواج
لاحقه عليه
انا اخوي ياب 74 ودش كلية علوم مادري شنو انزين وبيحول ع الهندسه عادي ترا

^^
ماعتقد ان له داعي انها تدش العلوم بعدين تحول هندسه ..
ماندري احنا شيصير عقب سنتين
فضمني روحج من الحين
انا من ناحيتي انصحج تقدمين .. بس انتي وكيفج
سألي عن القبول بالهندسه قد ماتقدرين عشان ماتحسفين اذا ماقدمتي لاني ماعندي الخلفيه الكافيه عن هالكليه ..
والله يوفقج ويوفقنا وننجح بهالامتحان