بنات دورات خاصه ؟؟(متى التسجيل ؟؟ وشنو التخصصات؟؟)

الـــــــســـلام علــــــــــــيكم

بنات شلونكم وشخباركم

بقيت أسأل متى التسجيييييييييل حدي مليت من قعده البيت
عفيه الي تعرف لا تبخل علينا
وشنو التخصصات الي فيها
ويعطيكم ألف عاااااااااااااااااااااااااافيه

ان شاء الله على الاسبوع الياي التخصصات

وان شاء الله مايتاجل

مشكوووووووووره حبووبه بس انشالله أكيييد مو نفس كل مره

العفو قلبي

ان شاء الله اكيد وايتاجل

وضحت العنوان..

حسبالي خلصتوا عموما كل تاخيره فيها خيره يارب..

وموفقين يارب..

انزين ما قلتولنا شنو التخصصات و شنو شروطهم ؟؟

انا كنت بالدورات

انتي جم نسبتج؟

ترى الدورات يبون 55 وأقل

مع ان نسبتي بالستينات

بس قطوني اهناك ظلم واحتجيت عند العميد وحطني بالإتصالات

المهم مااتذكر شنو التخصصات لإني ما طولت عندهم شهر وقبيت

بس اتذكر اول كورس المواد اللي درستها اهي

1- بزنس -بالعربي عن الأعمال بس حفظ كلام
2-كمبيوتر- بس شلون تشغلينه وتتعرفين عالجهاز عملي
3-كمبيوتر-ايورنج الجهاز من داخل وكله نظري وانجليزي
4- انجليزي -قواعد بسيطه

ومادري اذا في شي نسيته

انتي اذا قصدج من الأساس شنو التخصصات

انا اتذكر كان في

1- محضرات مختبر علوم
2- قانون الدوحه قالوا فيه ممكن تكملين بكالوريوس بنفس المعهد مالهم اسمه الاكاديميه الامريكيه
2-سكرتاريه حولي
3- سياحه حولي
4-تجميل حولي
5-تشغيل حاسب الي-هذا كان تخصصي سالميه صوب المرينا معهد وردي وهمن في بلازا حولي
ومادري شنو نسيت والله

عموما ترا نظامهم نفس الروضه يعني من 8 ل2 الظهر ماكو مسائي صباحي وقت محدد
ولا بعد مافي نفس نظام المعاهد والكليات ماكو فراغ مواد متتابع ورا بعض 3 محاضرات يوميا
بس بريكات ربع ساعه بين محاضره ومحاضره

تدرين طلع قبولنا بشهر 9 مع العالم بستدرينمتى درسنا

بشهر 12

كلمه انروح يأجلون يعطونا موعد من شهر 9 كل شهر وكلما انرووح بعد هالشهر يعطونا بعد شهر لين مروا 3 شهور

وحجتهم انهم ناطرين موافقه المعاهد الخاصه

ودومنا بشهر 12 قالوا ما في عطلة نص السنه اتداومون فيه يوميا
وتكملون لينص شهر 4 وبعدين عطله نص السنه اسبوعين وبعدين تكملين لبداية الداوم اليديد بشهر 9!!!!!!!!!!!

الكل اعترض بس قالوا كيفكم اللي ما يبي محد حاده طبعا ما قالوه اشكره ما ني قايله بس احد فتن عليهم من الأساتذه وقال

انهم قايلين بيعاملونكم مثل الروضه بالضبط واللي عاجبها كيفها!

واللي يقهر قوانينهم صارمه مثلا الغياب ما يعترف فيه اذا يبيتي طبيه

يعني اذا غبتي بامتحان ويبتي طبيه ما يعترفون فيها

15 يوم حدج

بعدها باباي مثل ما سووو معااااااااااااي

ودي اقولكم سالفه اتدل على حقاره المدير اللي عندنا

واحذركم من وعوده انا عدني بشغله وجذب علي متفق مع الرزبشن ماله

ولا قص علي بسالفه واشتكيته عند العميد عشان جذي دخلني العميد الأتصالات

لإن الأول مابي اجرح بس جذاااب يبي يفتك من الطلبه !!

الله شاهد كل اللي قلته صج وواني ما اتبلهه على احد او على المعهد

انا حتى ما حددت ويين معهدي بالضبط كان

فبس كنت بحذركم لا تثقون بأي وعد من مدير الدورات طبعا المعهد الخاص مو الدروات بكبرها

اذا في بنات اللحين بالدورات ايدوني ؟؟

نسيت اقول عن ظلمهم اذا تعبتي او شي لازم ايي ولي امرج يطلعج ممنوع انتي مثل المدرسه بالضبط ما يخلوونج تطلعين متى ما تبين

كنت بدون علمهم أطلع شكل المعهد يساعد وما كانوا يدرون ثاني يوم لأني قلت انا طالعه طالعه منه سحبت اوراقي وقبيت!!

بس كانوا وقتها يسجلوني غياب لمن اطلع حتى لو عندج عزا لا سمح الله حدج يومين ولازم يكون من امج او ابوج او اخوانج

الله يكتب لأهلكم طولة العمر يااااااارب

وحده معانا يدتها اتوفت ما عبروها غياااااااااب!!!

اهني موضوع حق بنات الدورات الخاصه متناقشين اتمنى تجيكون

https://q8yat.net/showthread.php?t=211255

وهني وحده بالسكرتاريه اللي صار معاها نفس اللي صار معاي
https://q8yat.net/showthread.php?t=211255&page=14

بغيت اذكركم بشغله اللي تحت 56 على ايامي قبل سنه

كانوا ياخذون تمهيدي

التمهيدي ما يعتبر كورس اول اهو صفر ما ينحسب مع المعدل الأساسي

واللي فوق56 ما ياخذون تمهيدي يبلشون تخصص سيدا مثل ما صار معاي لإني نسبتي بالستينات

عطوني ورقة اختار تخصصي اخترت كمبيوتر ححطوني فيه على طول

اما اللي تحت ال56 حطوهم موعد برووح ومادري وين رااحو بس اخذوا تمهيدي

انثى حبيبتي مشكوره عالمعلومات بس صج القانون نقدر نكمل بعدين بكالوريوس زين والله بس المعهد بعيييييد بدوحه !! مافي معهد غيره فيه نفس التخصص ؟؟
وانا انشالله ناويه اتخصص حاسب الي شرايج فيه ؟ سهل ؟ ودوامهم الصبح ؟
وانا اخنار المكان اذا بسالميه ولا حولي ولا اهما يختارولي ؟؟

.

حبيبتي أنا نسبتي 60 وقابليني بدورات خاصه وبالصراااااحه حده ضايق خلقي ماااأبي أدش دورات خاصه بااايخ
فشلووووون اذا بنقل أرووووووووح اتصالات وملاحه عفيه لا تنطشيني

والله يا خواتي مادري شقولكم انا مو العميد

يعني قالوا هالسنه في ضغط عشان جذي ياخذون اعلى نسب

ماعندي فكره والله اذا يصير تنقلون بس بسألكم لمن اداوم الأحد عن هالشغله ان شاء الله اذا في تحويل

انا قبل سنتين اول ما تخرجت حطيت برغباتي اتصالات حطوني تجاري الكورس الثاني قعدوني كورس بالبيت والسبب قالوا ما نقبل الا فوق ال65 ورفيجتي اتخرجت معاي يابت 62 وقبلوها ترا يجذبووووون!!

ثاني سنه سحبت اوراقي من التجاري وقدمت حطيت رغبتي اتصالات حطوني دورات ونطروني ليشهر 12 وبعدين دوامت شهر وسحبت اوراقي وقدمت عالاتصالات بطلعة الروح العميد دخلني لإن نسبتي تساعد ويمكن لإنه ماكو مكان ثاني يقطوني فيه واهم قالوا ما يردوني لمكان كنت فيه فما كان جداهم غير الاتصالات لإني ادبي

بس مادري عن نسبتج وعن هالسنه
اذا يقبلونج أو لأ؟؟ اهو على حسب الضغط عندهم بس اتوقع ما كو غير الواسطه والله
الله يفرج والله حاسه فيكم تعذبت هناك

اللي يقهر المفروض هالسنة اتخرج بسبة نظامهم ال….. علقوني معاهم يحطوني بمكان غصب ماابيه

الله كريم

باربيه حبيبتي

انا اول ما حضرت ندواتهم قالو عن القانون ان بالأكاديمية الأمريكية اللي بالدوحه وقالو لم تخلصين سنتين عندهم
اتكملين بنفس المكان بكالريوس.. مادري هذا اللي قالوه بس ما اعرف احد بالقانون ولا اعرف اذا صج
بس اللي كانت بالندوة كانت اتقولنا جذي لم نشرح عن هالتخصص وقالوا يبون نسب عاليه فيه عشان يقبلون مادري
اما اذا في معهد غيره قانون ما اتوقع لإن هذا اللي قالوه بس اما اذا في يديد مادري

انا السنة اللي طافت دشيت حاسب الي كاان واايد سهل بصراحه يعني المواد مثل ما قلت

1-كمبيوتر: مادة بس اتشوفون الجهاز من داخل وتحفظين اسمائه بالانجليزي كله وتعريفات وانواعه وجذي بس سهلل
درسنا فيه استاذ ايينن اسمه احمد العبدالله كان استاذ بجامعة الخليج درسنا اسبوعين وراح لإن الظاهر ماكو مدرسين فدرسنا علما يابولنا واحد ثاني

2- كمبيوتر: عملي بس سهل كله اتطبيقين اشلون اتشغلين واتغيرين سطح المكتب وتشتغلين عالورد السوالف البسيطه ودرسنا استاذ مااجد عسل والله كاان طيوووووب وااايد وحبووووب وحيييل متسااهل مع البنات ما يعصب كلش

3- انجليزي: قواعد بسيطه مالت المتوسطة البرزنت سمبل والماضي والمستقبل وحروف الجر و والمكان والزمان والله اشياء بسيييطه حدها

4- البزنس مادة بالعربي درستنا المادة استاذه اوربيه عسل والله مع ان الماده عربيه بس مالقوا غيرها وقتها كانت تدرس بجامعة الكويت ويت عندنا جم شهر وراحت والماده تتكلم عن العمل بالحياه العامه ووإدارة الوقت اشياءعربية كلها حفظ

5- احس في ماده خامسه بس ناسيتها مادري شنو

بالنسبه لإختيارج المكان على حسب التخصص مثلا الحاسب الآلى
قالولي اما تختارين اللي ببلازا حولي او اللي يم ماركس اند سبنسر على يساره ورا الكورنيش صوب المرينا في معهد وردي توه يديد اهو راااقي من دااخل تحته في مااكس نسيت اسم المعهد طبعا انتي تختارين مادري عن هالسنه اذا تغيرت الأماكن أ لأ

ان شاء الله افدتج اختي

مشكووووره اختي ويعطيج العافيه شكله التخصص سهل لأنه المواد احسها وايد سهله بس سؤال اخير ادري اذيتج شسم المعهد اللي درستي فيه بالسالميه ؟ وثاااااانكس

.