بنات " حلقة المعدة " خل نفيد بعض

سلام عليكم بنات منتداي الغالي

شلونكم ؟؟

انا الحمدلله و الشكر لله .. سويت عملية تحزيم المعده من يومين …

سويتها عند د.متولي عفيفي . الي بعيادة الصفاة الامريكي ، و سواها لي بمستشفى السلام

كانت عمليتي 8 الصبح

دخلت المستشفى 12 بالليل … صايمة .. حطولي درب و نمت .. قعدت الصبح بدلولي هدومي و خذوني

اذكر لفولي ريولي بغرفة العمليات بشاش ضغاط … و بعدين ماذكر شي غير انهم قامو ينادوني و انا نايمة على جنب و كان بطني يعورني شوي

الحين الحمدلله ماكو عوار

بس مكان القرص المعدني الي الدكتور يقز فيه الابره عشان يصغر و يكبر … احس مكانه غلط ..

محطوط تحت صدري بالظبط ماقدر البس ستيان .. مادري هل كلكم محطوط بنفس المكان ولا انا بس ؟؟

و احس فيه لما احط ايدي …

بنات بليز ابيكم تشجعوني لاني بديت احس حالتي النفسية تنزل …. و بديت بمرحلة الندم اني سويت عملية و مو قادرة انام من الالم الي تحت صدري .. و مو قادرة اتقلب عالسرير

ادري انه شي طبيعي و الدكتور قالي بتحسين بجذي عقب العملية ..

بس ابي تشجيعكم و دعمكم بنات ..

شجعوني بليز و خل نتبادل المعلومات و التجارب …..

الحين انا اسبوع كامل ماقدر اشرب ولا آكل غير سوائل ماي مايوه .. عصير تفاح .. عصير ليمون … شاي … ماي .. شوربة خفيفة حيل

up
‘

up

up

حبيبتي هذا كله شي طبيعي اللي تحسين فيه

انا قعدت اسبوعين ما البس ستيان من العوار بس راح يخف واايد وشوي شوي

لا تحسين بندم إنج سويتيها بالعكس كملي والله راح تستانسين على النتيجه

اول مره اسمه عن هالدكتور

انا سويتها بالسلام دكتوري باسل السميط

بالتوفييق حبيبتي ومع الوقت راح تاكلين بس اكلج واايد راح يقل

الحمدلله على سلامتج
و اللي تحسين فيه شي طبيعي
بس لاتضغطين مكان الخزان" اللي تحت صدرج"
و إذا اشتهيتي الأكل تذكري العملية و أنج سويتيها عشان تقللين أكلج… و بالتوفيق

عااااشقه الكاكاو ..

اسبوعين ما ألبس ستيااااااااااااااااان !!!!! 😐

امبي لأ لأ لأ … ! ! ! !

مافي حل ابدا ؟؟؟ الف شي على بطني و البس الستيان فوقه ؟؟ اي شي اي حل .. ماقدر ….

احس روحي سايحة على بعضي !! مفتقده ستياني !! احس بالامان لما ألبسه

لووووووووووووووووووووووووووووووووووول

اهو الي اشد الظهر فيه !

عاشقه انا اصلا كنت اراجع عند دكتور باسل .. بس بعدين اضطر يسافر و أجل عمليتي وايد و انا كنت مستعيله لازم اسوي العملية ببداية الصيف عشان بعدين رح يصير عندي ارتباطات بالشغل و ماقدر اخذ اجازة بنص الصيف ..

فرحت حق دكتور متولي عفيفي .. و بصراحة واااااااايد واااايد انصح فيه خوووش دكتور ..

عاد تصدقين والله انتي يمكن ما تذكريني بس انا دايما متذكرتج و انتي وحده من الناس الي شجعتني عالعملية مشكوووورة
————

و MhMh الله يسلمج يارب

لا ما قاعده اضغط بس احط ايدي احسه .. مو محتاي ضغط أساسا

و بالعكس وايد قاعده اشجع روحي و اشوف الهدوم و الاجسام و اللبس اقول حق روحي يلا يلا كلها مسألة وقت و رح اسوي كل هالاشياء هذي

حبيبتي الحمدلله عالسلامة
وفاالج الرشااااقة ان شاءالله

اتمنى انج تقرين بمنتدى الدكتور سلطان وتشوفين رابطة التحزيم فيه اعضاء ماشاءالله يشجعون بعض وراح تستفيدين من تجاربهم ونجاحهم حبيبتي

https://www.temyatt.com/vb/index.php

يا حياتي الحمد لله على السلامه…

في حل لستيان انا اقولك : روحي زارا منزلين بديات قياس اكس لارج قطن بااارد ومنها وفيها الستيان يعني اهو الم الصدر بس ما يظك..

تونه .. مشكووووورة يا قلبي عالموقع الحين ادش و اجيك ما قصرتي الله يسلمج

—————-

لورا … من صجج ؟؟ وناسة خل اقول حق امي تروح تشوفلي ! ما تتخيلين شكثر موضوع الستيان مسببلي ازمة مستحية اقعد بالصالة جدام ابوي و اخواني احس روحي مو مظبوطه ! كله قاعده و متحلفه !

مادري شلون بروح مراجعه الدكتور يوم الثلاثا !

عاد تدرين شنو فكرت ؟؟؟ اييب شريط اسفنج نفس الي يحطونه حق الجرجوب مال الباب و الدرايش الفه على بطني و البس الستيان فوقه عشان لا يحز على جلدي !

فكرة قابله للتطبيق بس احس روحي بصير مسخره !

بس والله خل اشوف موضوع البديات الي عند زارا … مشكووووووووووورة

حياتي شنج نازلتلي من السما أبي وحده من زمان دلني على دكتور أبي سوي حلقه وعندي أسئله وايد بس أول شي جم وزنج يشترط يكون وزنج كبير أو شنو رينج الوزن أدري نسبه وتناسب الطول والوزن بس ممكن أ‘رف وزنج أبي أتابع معاج مشتهيه أسويها حدي وبعرف جم كلفتج بالضبط

هاي كلاس ..

اي انا ملااااك انزل من السما يا حلاتي أهبل

شوفي حبيبتي

اهي يشترط انج تكونين اوفر ويت و دخلتي مرحلة السمنه ، يعني مو تكونين متروسه و تقولين بسوي الحلقة

لانه ما تسوى عليج عملية و بنج و حالتج حاله على 10 ولا 15 كيلو !!

و اساسا معظم الدكاتره " الي عندهم ضمير " ما رح يرضون يسوونلج ياها ..

لانه مهما كان هذي عملية و بنج و نومة مستشفى .. ما تسوى على 10 كيلو

مرحلة التحضير للعملية :
الله يسلمج اي دكتور لما تروحيله

رح يقيس وزنج

و طولج

و يحسب معدل كتله الجسم …

و هذا موقع يحسبلج معدل كتله الجسم … حطي وزنج و طولج يحسبج ياه

https://www.nursing4all.com/weight.php

غالبا اذا كان فوق 35 أو 40 .. يسوونلج العملية

اول ما تروحين يقعد معاج الدكتور و يكلمج عن العملية

اهي تعتبر ابسط عملية من عمليات تخسيس الوزن ، و أقلها خطورة ، و فيها ميزة انها قابله للإزالة . يعني لا سمح الله في حاله تعبتي . صارتلج اي مضاعفات . ضعفتي و وصلتي الوزن المثالي و خلاص .. تقدرين تشيلينها بسهولة

بعكس باجي العمليات الي اهي تدبيس المعدة و التحوير

اهو في كذا دكتور بالكويت مشهورين بهالعملية

1- د.خالد الشرف .. طبعا هالدكتور مشهووور و خبررررة و يسوي العملية بالحكومة و عنده عياده هم بعد

بس يسويها ب 2300 تقريبا شي جذي ..

2- د.محمد الجار الله … هم ما عليه اي كلام و وايد زين .. و يسويها الله يسلمج بتقريبا 2500 …

عندج بعد دكتور بالمستشفى العسكري اسمه محمد العجمي على ما اعتقد .. اشوف البنات وايد يمدحونه
و هم عمليته ب 2300 تقريبا ..

و هم بعد عندج دكتور باسل السميط يسويها ب 1800 ..

و دكتوري متولي عفيفي يسويها 1700 …

طبعا الارقام هاذي قابله للزيادة بالمستشفى … خذيتي مسكن زيادة .. خذيتي مادري شنو .. يزيدون

بس اجره الدكتور تكون ثابته

انا الدكتور نفسه اخذ مني 1300 دينار … و اهو يقولج انه رينج المستشفى بين 400 الى 500 دينار … قابله للزيادة او النقصان على حسب الغرفه الي تختارينها في المستشفى و الدوا و اذا الدكتور احتاج مساعد بغرفة العمليات .. جذي يعني

طبعا انا راجعت عند باسل السميط اول شي و كنت ناوية اسويها عنده ، بس بعدين فجأة عقب ما حددت موعد العملية صارتله ظروف و سافر و السكرتيرة ما دقت قالتلي انه سافر و انا رايحة قبلها بيومين العيادة عشان اتفق وياه على موعد دخول المستشفى جان تقولي السكرتيرة انه عمليتي كنسلوها !

صكت فيني الدنيا و قلت مابي الا اسويها الجم يوم اليايين

جان اروح اراجع عند د.متولي عفيفي ، عيادته بمركز الصفاة الامريكي بالسالمية عالدائري الرابع ..

و كنت انا اصلا مسويه التحاليل المطلوبة

فخذيتهم و رحت الدكتور و شافهم و حددلي موعد العملية ، و رحت نفس اليوم اخذت تحاليلي و رحت مستشفى السلام شفت دكتور التخدير و الدكتور المساعد و شافو تحاليلي و فحصو وزني و طولي و قالولي الساعه جم رح تكون عمليتي .

طبعا اول زيارة عند الدكتور رح يطلب منج التحاليل ..اهما 3 تحاليل

بالحكومة : تحليلين ياخذون 3 ايام على ما تطلع نتيجتهم ، و تحليل واحد ياخذ اسبوعين " مال الغدة "
بالخاص : تحليلين يخلصون بنفس الوقت ، و تحليل واحد ياخذ 3 ايام " مال العدة "

فانتي سوي حسابج انج اذا بتسوينه بالحكومة يكون قبل العملية بوقت كافي

و بصراحة دكتووووووووري يهبل .. تحسينه أبو .. ينصحج و يقولج كل المعلومات الي تبينه و تسألينه عن كل شي و يجاااوب بكل سعه صدررر و حنووووووووووووون

قبل العملية بيوم :

تسبحت و شلت شيرة ايديني و ريولي و بطني " عن الفشيلة طبعا " و رحت المستشفى بالليل دخلت و ركبولي الدرب و نمت .
و عمليتي كانت الساعه 8 الصبح …

يوم العملية :

و يوم العملية و انا بغرفة العمليات الحين قاعدين يعدلون و يشيلون و يحطون الاغراض اهو يه مسك ايدي و يقولي يلا كلها ساعات و بتصيرين وحده يديدة و يبتسم و يطبطب عليج

صج صج جزاه الله الف خير

و بعدين مادري متى بنجوني فجأة قمت لقيت روحي بغرفة ثانية و السستر تنادي اسمي و قمت حسيت شوي عوار .. مو حيل .. بس كان اكو عوار بس محتمل يعني مو العوار الي يخليني اصارخ و ابجي و اهستر !

قمت صحصحت حطوني عالنقاله و صعدوني داري …

جان أرد انام مره ثانية

و بعدين قمت حسرانه دخلوني الحمام … القومة من الفراش كانت شوي صعبه حسيت اني دايخه و بطني يعورني ..

بس والله عادي مشيت و تحركت يعني العملية سهاله مو قاتله كلش

و دشيت الحمام و كنت مستوعبه كل شي حوالي و قمت انكت ويا رفيجاتي و امي و اسولف .. بس طبعا سوالف خفيفة و دايخه !

و على بالليل شربوني جقمة ماي …. عقبها بشوي زادولي جرعه الماي …

بعد العملية :

طلعت ثاني يوم من عقب العملية ، و شربت بالمستشفى شوربة و جاي و عصير تفاح و كلو تمام و آخر حلاوة .

و يه الدكتور شافني و فحص بطني و كل شي تمام رخصوني و رحت البيت

اول يومين تحسين روحج مهدوده و مو قادرة تتحركين و لا قادرة تسوين شي ، بس لااااااااااااازم تمشين و تتحركين عشان الدم ما يتجلط .. كلش كلش و انتي بالفراش حركي ريولج جنج ترافسين !! لوووول

او جنج راكبه قاري .. بس المهم تحركين ريولج

و تحاولين تتمشين

و طبعا انا ليلحين صارلي 4 ايام من سويت العملية ، و كل الايام الي طافت انا بس اشرب سوائل شفافه و خفيفه

عصير عنب ، تفاح ، شوربة " بس ماي الشوربة مو خضار و لحم و جذي ، و طبعا من غير كريمة " ، ماي ، شاي ، عصير كرز .

و الالم الحين ماكو الام كلش ..

بس مكان القرص الي يصغرون و يكبرون فيه الحلقة ، محطوط تحت صدري اليسار .. هذا شوي لي حطيت ايدي عليه او جندست او ثنيت نفسي احس فيه و بألم خفيف مكانه

بس كاني شابكة و عادي امس نمت على جنبي و اليوم صعدت الدري و كل شي تمام ..

اي انا نسيت اقولج انه الحلقة عقب شهر لازم تروحين الدكتور يضيقها لج

شلوووووون ؟؟

من خلال هذا القرص يحقن سائل يخلي الحلقة تنتفخ و تضيق فتحة المعده ، فتصغر و تاكلين أقل تشبعين بسرعه

بس انا ليلحين توني مسويتها و ما ضيقولي الحلقة كلش لحد الحين

حمدالله على سلامتج شدي حيلج اول الايام تعب بعدين ترتاحين اهم شي لاتخربطين وتغشين التزمي عدل وبالنسبه للمخزن اللي تحت الجلد عادي لانه يكون تحت الجلد عشان جذي تحسين فيه بس لما تضعفين راح تحسين فيه اكثر لانه الدهون اللي حوالينه راحت وطمنينا عليج حبوبه

علبركككه حبيبتي انا ليلحين متردده اسويها ولا بالون بالسلامه يارب وتصيرين سمبتيك

شلون صاير القرص يعني حزة اللي يعطيج ابرة التضييق تعور الابره؟؟؟؟؟؟؟؟؟؟؟؟؟

انزين انا خبري البالون من زمان أسمع فيه للحين يسوونه ولا بطلو منه؟؟؟؟؟؟؟؟؟؟؟

ماشاء الله ياليت اتشجع وسويهاااا خاطري اضعف
طيب مالها اثار او مخاطر …..؟؟؟؟؟؟؟؟؟؟؟؟؟؟ويعور لما يضيقون الحلقه وشلون يشلونهااااا …؟؟؟؟؟وبالحكومه يسونهاااا ولاااا لاااااااااااااااا

أدرررررررررري موضوع قديم
بس الله يخليج حبيبتي كويـــــــــــن

طمنينا الحين شلون هل يشجعين ان نسويها
وعند نفس دكتورج

بلييييييييييييييييييييز ابي ردج