|
|
بنات انا موظفه يديده بالتربيه ومو عارفه شي كلش جم استئذان لي جم غياب والخصم متى يصير جان زين تنوروني
يلا البنات مايقصرون
حبيبتي زوغة اولا انا بوضح لج الأشياء اللي ذكرتيها
1- الاستئذان : اهو ساعات تحدد للموظف ممكن يستأذن خلال ساعات الدوام الرسمي (مثلا يكون عندج مشوار)
2- العرضي او الطارئة : هي ايام اجازة وماتنحسب من رصيد اجازاتج وتكون الله يكافيج الشر (في حالة مرض أو موت احد افراد الاسرة )
3-الاجازة: كل موظف له رصيد اجازات خلال السنة وطبعا مدفوعة الاجر يعني ماينخصم من راتبج شي
وثانيا يالغالية لاتحاتين روحي لشؤون الموظفين وسإليهم جم رصيد اجازاتج وجم ساعة استئذان مسموحة لج بالشهر 
وربي يوفقج ان شاء الله وكان ودي افيدج زود بس انا مو بالتربية .gif "Eh S(8)")
.. و الي اعرفه لج اربع استئذانات ( كل واحد 4 ساعات ) بالشهر
و الإجازه ( 35 يوما) بالسنه طبعا ما تاخذينها إلا بعد ما اتكملين سته اشهر
..و العرضي ( اربع ايام بالسنه )
و المرضيه ( 15 يوم) بالسنه .
الإستئذان 4 بالشهر لمدة ساعتيـــــن
المرضي 15 يوم من غير خصـــــم..
أما الأجازات ماعندي فكــــرة .
أظن البنات ماقصروا
عقب ما تكملين سنه ينزل لج 35 يوم
الطبيات
اول 15 يوم ..ببلاش
ثاني 15 يوم ..خصم نص اليوميه .. يعني احنا يوميتنا 18 و200 فلس .. يخصمون 9 و100 فلس 
ثالث 15 يوم .. يخصمون ثلاث ارباع اليوميه
رابع 15 .. يخصمون اليوميه كلها
خامس 15 .. فصل .. الله يحدنا لهاليوم
الا ستئذان .. لج اربع استئذانات .. مده كل وحده ساعتين ماكسمم 3
عاد على مسئولج .. اذا طيب بيطلعج قبل
العرضي لج اربع ايام بالسنه
هذا والله اعلم ..
موفقه ياارب