بنات تكفووووون بموووت من القهر من زوجي ؟

السلام عليكم

بنات بختصرلكم السالفه انا كل مده والثانيه اشيك على حساب زوجي بالبنك عشان ما اضايقه بالطلبات اذا ماعنده المهم شهر 3 اللي فات لقيت بحسابه مبلغ 1000 د.ك من غير معاشه طبعا

ولمن شيكت لقيته تحويل مبلغ من الانترنت لحسابه وزوجي واعرفه ماله بسوالف النت وحتى الاسهم المهم تكررت السالفه الشهر اللي وراه وبعدها ماكو شي بس المعاش وبدل الايجار اليوم هم نفس الطريقه جاله تحويل من الانترنت بس كان المبلغ 450د.ك ولاتقولولي سأليه لانه لويدري اني اشيك من وراه راح يعصب وماراح يقولي وماكون استفدت شي

تكفون اللي عندها فكره ترد علي اوتسال احد يعرف بهالسوالف لاني ميته من القهر واعرف شلوووووووووووووون
ولاتبخلون علي بردودكم بريح قلبي الله يريح قلوبكم

؛

يمكن الفلوس مو له لـ شخص يعرفه يعني زوجك ماله دخل ..
وماعليه إلا إنه يسحب الفلوس ويعطيها هـ الشخص ..

لأنو في شركات او جهات ماتتعامل إلا مع بنوك معينه ..
ويمكن هذا الشخص ماعنده حساب بهالبنك ولجاء لزوجك ..

شلون مو له وهو كل شوي يسحب منهم؟

الحل انج قوليله ابى شغله فلانه بمبلغ جذى شوفيه شنو يقولج عنده ولا لا

يمكن عنده شغله وقاعد يجمع ومايبى يقولج والله ما ادرى

مادري حبيبتي والله

امكن رزق من ربج هههههههههه

؛

على كلامك إنو شهر تلقينها وشهر لا ..!

مثل ما شفتي بدون ما يدري يا انج تسكتين يا انج تقولين له وتحملي الي يجيج

والله يعينج

ماتدرين يمكن عنده شغل بره ولارزق يجيه

اي عادي لمن تعرفين ان فيه بحسابه قووليله ابي كرت البنك بليييييييز بروح مع اختي بشتري شي نفسها جم تبين اسحبلج؟ قولي وااي شدعواا بس هلمره عاد يالله عاد … بعدين سحبي … وقوليله بالوصل عندك جذي من وين !!؟ وبس

يمكن عنده وضيفه ثانيه يترزق الله منها يعني يمكن بلسبوع يداوم مره او مرتين
او مكافئة عمل يعني انا نزل لزوجي اعمال ممتازه 800 دينار
او داش مع ربعه شريك في في بضاعه هليومين يمشون البضاعات الي من بره لان حماي طلب من النت بضاعه سعرها الوحده 4 دنانير ويبيعها 11 دينار
يمكن كان مسلف واحد من ربعه ويردهم بقساط اخوي مسلف واحد من ربعه 3000 دينار ويعطيه كل خمس شهور 1000 دينار
ارباح وديعه ونزلت علي حسابه لان ارباح وديعتي تنزل علي حسابي كل سنه
اهم شي ما تضنين ضن السوء وخلي بالج مرتاح وكل واحد فينا له خصوصياته لا تنبشين اذا عرف السبب بطل العجب مدري صح المثل او لا

نصيحه نطري فتره وشوفي تتكرر هالتحويلات او بس مؤقته
وحاولي تعرفين من وين وحاولي تسولفين معاه عن معاشه وفلوسه
بس لاتبينين انج عارفه نهائيا
وشوفي شنو بيقول عندي او لا

بس نصيحه لاتقولين له شي عشان مايعصب نطري وقت احسن
يمكن بعدين بيقولج

والله مادري ان بعد ما اعرف بسوالف النت هذه
بس قيسي النبض بطريقة غير مباشرة

بناااااااااااااااااااات قاعده اقولكم تحويل من الانترنت موسالفه وديعه ولا مسلف فلان انا مو هامني انه يعطيني او لاء اللي بعرفه شلون يجيه تحويل بهالمبلغ
يحلوج ياحورف من ذهب تبينه يشتغل دوامين اهو دوامه ومشالله عليه مضبط نفسه مع مسؤله لمن ماله خلق يداوم دق تليفون واهو بالفراش يقوله بو فلان اعذرني اليوم ماقدر اداوم عندي كيت وكيت يامعوده

انا اللي حارني بعرف شلون يحصل فلوس عن طريق النت واهو ماله بهالسوالف الزبده بستفيد حالي حاله …!!

يمكن بونص

او كان مسلف احد ودزلة تحويل عن طريق الانترنت

اول مره اسمع بهالسالفه

بس سوي روحج جنج ماتدرين وقوليله انج تبين شي ( غالي) وشوفيه شيقول