|
|
ما ابي اطول عليكم بدش بالموضوع على طوووووول
عندي وحده من رفيجاتي عمرها 15 سنه يعني المفروظ هي داشه عاشر السنه هاذي بس مع الاسف هي في سابع وعليها دور ثاني السنه واذا اتنجحت بتروح ثامن واذا عادتها ماراح يقبلونها صباحي لانها بتكون ثالث سنه عايدتها ………..
المشكله الحين البنت توها متملكه وللحين ما تحدد عرسها تقول اذا تحدد عرسي وانا ما معاي شهاده شلون اعيش من ويلي مرتب زوجها يالله يكفي اجار ومصاريف بيت وقالتلها وحده روحي (( معهد تطبيقي شوفي يقبلونج ولا لا )) وهي تبي تعرف بيقبلونها ولا لا واذا ما قبلوها شتسوي تقول اذا ما اقبلوني اروح قطاع خاص وشلون نظامهم تكفوووون بنات فهموني عشان افهمها وجزاها الله خير الي بترد علي
خليها تشد حيلها .. وتدرس و تنجح ..!
لاحقه على العرس و الزواج و الوظيفه
اقنعوها تدرس و تجابل الدراسه .. محد بفيدها غير دراستها ..!
مااعرف للتطبيقي اذا يقبلونها او لأ لان حاليا ماعنها شهاده .. يمكن في الدورات !
حبيبتي هي ودها تكمل لاكن دراستها مو شي وبعدين مو بكيفها بتتزوج اهلها من النوع المتشدد وابوها قال غصب تاخذين ولد عمج وهي كاسره خاطري تقولي انا بدراسه مو شي يعني حتى لو انجحت بتكمل بس قالو لها التطبيقي احسن لج
زين حبيبتي شنو سالفت الدورات ياليت الي تكتب شي توظح مو تعطيني راس السالفه وتطلع
ومشكورين
انا اللي اعرفه شلون تاخذه شهاده تسبق شهاده ..!
يعني الدورات من ضمن التطبيقي بس ياخذونها اللي ماعندهم شهادات عرفتي
يعني تكون مسمى شهادتها دورات .. وليس دبلوم او ثانويه او بكالريوس عرفتي قصدي ..!
ميخالف خل تشد حيلها .. وحتى زوجها لازم تفهمه انها لازم تكمل و تدرس ..!
الشهاده مو بس للعلم .. الشهاده للعلم و للتوظيف وللمعاش ..!
ربي يوفقها ان شاء الله .. و يعطيها على قد نيتها
والبنت ماعندها شهاده متوسطه عالاقل عشان يقبلها مكان
يا تكمل دراستها وتشد حيلها حبيبتي ولا تقعد بالبيت لا شغل ولا شي فا حرااام خل تشد حيلهااااااا
والله يوفق الجميع
نصيحــــــــه : تشد حيلها .. ولازم تقابل الدراسه حتى لو مسائي ..
عمرها 15 توها .. لا تهدم مستقبلها 
الله يوفقها .. كل شي ملحوق عليه الزواج وكل شي ملحوق عليه
واسفه ع الاطاله 