بنات تكفون ساعدوني ولاتنصدمون من هالابتلاء

مدري شنو اقول انا دشيت التاسع واكتشفت انه اطفال اخو زوجي فيهم قمل والخدم وهم مقابلينا انا حاسه انه فيني خصوصا اني اشوف زوجي يحك شعره ولحيته مو طبيعي

المشكله يقولون صعب ازاله الصبيان ونا حامل يقولون ما اقدر اخذ شامبو ولا شي طيب شلون وودي اقول حق زوجي يستخدم بس بيقول مافيني شي وشلون اقنعه

ويابنات ابي حل اتصل علي المستشفي محد يرد وفشله اقول هالكلام للدكتوره وزوجي معاي

ابي اقضي عليه قبل الولاده وخايفه علي البيبي لاتنتقل له العدوى واحاتي زوجي واللي مخوفني انه وباء ابتلاء من الله وصعب الواحد يقضي عليه

مني مستوعبه ونفسيتي تعبانه تكفون ساعدوني واللي ماعندها حل تتصل ولا تسال دكتوره تسوي فيني خير

وقمل الجسم وشلون اقضي عليه وقمل العانه وربي قرفانه وربي فشله وخايفه ع البيبي بكره

والحين لازم اغسل ملابسه بشنو قبل لايلبسهم

ماعندي فكرة ان شاء الله البنات يساعدونج

اللة يعينج

واااي الله يعينج شخباااري منو الحين يصير فيه قمل !
هذا ما فيها لا فشله ولا عيب صاارحيه وقوليله امبيه شي موطبيعي
قوليله لاتسكتين ولاتستحين
النظافه من الايمان
الله يساعدج يااااااااارب

أسألي صيدلي ..

وبعدين زوجج لازم يعالج نفسه يعني ما يخاف عليج وعلى البيبي !!!!!!!!

الله يشافيه يارب

اولا : قريت مره موضوع عن القمل والسوالف هذي , ان شاءالله راح ادروره وبس احصله راح اكتب لج شنو العلاج اذا في علاج ..

ثانيا : لاتستحين من زوجج , قوليله بطريقه تناسبه وماتحرجه بنفس الوقت ..

ثالثا ,, غسلي ملابسه بمااي حاار وكلوركس , لان الماي الحار والكلوركس يقتلوون الجراثيم >> على حد علمي

والله ما عندي فكرة
ان شاء الله البنات يفيدونج

لا حول ولا قوة الا بالله

لازم تكلمين زوجج وتلقين حل حق هالمشكله

مثل ماقالوا البنات النظافه من الايمان

الله يكون في عونك حبيبتي جربي سوي بحث يمكن تلاقين اشيا طبيعيه

من الطب البديل

ثانيا اسالي الصيدلي اخذي رقم صيدليه ودقي وقت مايكون موجود

ولو اني شايفه انك تقولين له واذا كلش مستحيه اكتبي له مسج عالجوال وقت مايكون برا البيت

وطمنينا عليك

الله يعينج
آب ماعندي فكرة

الله يعينج انا جبت خدامه هنديه وكان فيه قمل انجنين لما شفته استعملتها بخاخ وشامبو من صيدليه وخالتى قالتى نقعى ملابسه بتايد و وجيبي صحن وخلطى تايد فيه وحطيه على راس لانه هذا الى نفع معاه مع مشط القمل من صيدليه بس خليج بحوش مو داخل البيت خوفج يطيح علي فرش وتبتلشين وزوجج خليه يقرع احسن ويغسل بشامبو وعادي قولي مرت حماج علشان تسوين تنظيف كامل حق العايله كلها والخدم بعد والله يعينج على هذا البلاء

وعع شخباري القمل انا عبالي انقرض من قبل الغزو ليش ريلج مايتسبح على طول ؟؟؟؟النظافه من الايمان قطيها بويهه وبعدين قولي حق مرت حماج ختنظف عيالها وقولي حق الخدم شنو هذا استغفر الله الله يعينج لو احنا قاعدين بالبر السالفه عاديه بس احنا بديرة ارخص شي الصابون والصيدليه والماي ببلاش شفيهم عيال حماج ؟؟وشفيه ريلج؟؟؟ هذا من رفالة مرت حماج عيالها وصخيين …سوري انفعلت بس شغله تحرق

شنو ليش ساكته جذي كل هذا علشان مستحيه وانتي بالتاسع يعني بأي وقت ممكن تولدين والله محد راح يتضرر كثر هالبيبي المسكين اللي بيصير ضحية امه المستحيه والله لو زوجي جذي الله لايقول ان شاءالله لااقولها بوجهه ويشوف له حل مع عيال اخوه وهالخدم. عالعموم الله يشفيج ويبعده عنج اوالله يعينج