|
|
مساء الخير بنات شخباركم
حيل تعبانه نفسيتي. وصلت لمرحله بس افكر متى الله يرزقني بالحمل تدمع عيوني من غير لا احس
صارلي سنه و 3 شهور. وتعبت من العلاج مايمر شهر الا مسويلي سونار وسحب دم وادويه
لي 9 شهور وانا كله مراجعات.
الحمدالله يارب على كل حال والحمدالله كل اللي تزوجوا بعدي حملوا
بس أنا واحس انيي كاسره خاطرهم
مرات افكر واسوس. لمن اقرا قصص ااخاف اكمل 7 او 8 او لي 10 سنوات مااحمل !
مرات اقول. اخاف كل هالعلاجات عالفاضي ماراح اقدر احمل !
كاس خاطري ريلي مع ان مايشتكي. صابر. ودايم يصبرني
كلما شاف ياهل قام يبوس فيه ويشيله ويوكله وينومه بحضنه
وكلما سمع بخبر احد تزوج بعده وصار عندهم عيال. يقول الحمدالله
أنا تعبت بنات واحس ابي افضفض وتعبت اوسوس بالتفكير. تعبت
احاول اشغل نفسي بس ماكو فايده لان وين مارحت. اشوف الناس يدعولي بالذريه. ويخلوني ارد افكر
أنا معاي تكيسات. وهرموناتي مو مضبوطه وعندي المبايض واحد زين والثاني فيه خمول بسبة التكيس وقاعده اعالج التكيسات والهرمونات وزوجي معاه نقص بالحيوانات المنويه
و بطء حركة والحين اقترحت علي الدكتورة نسوي تلقيح صناعي بعد شهرين على ماخلص العلاج
مرات احس بتفائل ومرات احس باحباط لان موقاعده اشوف ناس حملت من اول تلقيح
مادري بنات والله أنا مشتته حيل وتعبانه من التفكير
تكفون ادعولي ان احمل. من اول تلقيح صناعي ويارب يارب يرزق كل محرومه. يارب
اسفه طولتها عليكم بس ودي افصفص لكم. الله لايحرمني منكم
انا من عقب اجهاضي قمت كل شهر اوسوس اي حامل واحس بكل اعراض الحمل شكو مدري !!!
وتوه قبل جم يوم نزلت علي ..ثالث دوره عقب اجهاضي بس الحين قررت اقوي علاقتي بربي واستغفر وهم ودي اروح الطبيب وابذل الاسباب وبحاول والله يسرلي يارب اقوم الليل وادعي
وانصحج نصيحه قبل كل شي ختقرب ربنا اكثر خنراجع اعمالنا والله ياحبيبتي تمعني بهالحديث
– إن الرجل ليحرم الرزق بالذنب يصيبه ولا يرد القدر إلا الدعاء ولا يزيد في العمر إلا البر
الراوي: ثوبان مولى رسول الله المحدث: المنذري
– المصدر: الترغيب والترهيب – لصفحة أو الرقم: 3/294
خلاصة حكم المحدث: [إسناده صحيح أو حسن أو ما قاربهما]
ــــــــــــــ
والله يارب يرزقني ويرزقج ويرزق كل محروم
شي واحد بقول لج ..
﴿وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ * فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ"﴾
كانت زوجته عاقر وهو بلغ من الكبر عتيا ورزقهم الله بــ ولد
وانتي بس فيج تكيس وزوجج ضعف حبيبتي اللي كاتبه الله بيصير ماتدرين تحملين والتكيس فيج
امي جاها تكيس وقالوا لها مسستحيل تحملين لأنه كان كبير على كلامهم وحملت وهاي أختي شزينها عمرها 10 سنين
لاتيأسين من رحمة ربج ربج موجووووووووود .. 
وتعوذي من ابليس واعملي بالأسباب والله بيرزقج
والله الله بالصــدقة ..
موفقة حبيبتي وعقبال ماتبشرينا بحمالج ..
أنا بعد زوجي في ضعف شديد حتى التلقيح الصناعي ما يفيدنا ماكو الا الحقن المجهري و الله كريم
الله يرزقنا جميعاً يااااااااااااااااااااااااااااا رب
اذكري الله
واريد اسالك اين قوة ايمانك بقضاء الله وقدره؟
اختي الكريمة اصبري
لاتنسي / ربنا كريم
نصيحة مني لك
1-استعملي القسط الهندي ذو اللون البني لفائدته الجيدة وابحثي في النت عن فوائدة
طريقتة – اصغر ملعقة في بيتك من القسط ويخلط مع اي عصير لمرارة طعمة مرتين في اليوم حتى يتم الحمل ان شاء الله
2- شوفي ممرخة ( معالجة شعبية ) ممتازة
والله يرزقك الذرية الصالحة
واي استفسار
واصلي بالعلاج ادري ممل بس معروف العلاج عن تاخر الانجاب عند المراه والرجل يبيلها صبر يعني طولي بالك وانتي توك سنة تصدقين انا مثلك الظاهر اعرسنا بنفس الشهر ولازالو الناس يقولولي عروسة يعني توك عروسة لاتقولين غيري انجب وانا لا .
صدقيني بيجي يوم وربي يكرمك مثل ماكرمهم
بس تبين طريقة سريعه الاستغفار والله مجربته وعلاج فعال وسريع ونتيجتة مضمونة
الله يرزقك حبيبتي
التكيسات جربي تشربين ماي وااايد .. الهرمونات جربي المرقدوش .. ريلج خليه يجرب عسل الفايز للرجل و يحتجم عند البناي .. و انتي بالدوره جربي عشبه القشعه او المدينه نفس الشي من العطار يعلمج طريقتها و شوفي توقيعي يمكن يفيدج و بالذات بتحليل الصبغه .. عسى الله يرزقج ويرزقك كل محرومه ان شاء الله و ادعيلي ربي يحققلي اللي في بالي
ربي يرزقج وكثري الاستغفار وبعديا توج صارلج سنه
ويارب تحملين فيي القريب العاجل
استعملي القسط الهندي ذو اللون البني لفائدته الجيدة وابحثي في النت عن فوائدة
ايضا زوجك يستعمل القسط
صدقيني تذكريني بالخير
يارب الله يرزقني ويرزقكم ويرزق كالمحرومه
مشكورين عالردود فديتكم
ان شاءالله راح اسوي تلقيح صناعي بس اخلص علاج الهرمونات
ادعولي بنات ولكم بالمثل :*
شوفي حبوبه اقري هالكلام وان شاءالله بترتاحين
سأل رجل مهموم الامام علي عليه السلام
فقال: يا امير المؤمنين لقد أتيتك وما لي حيلة مما أنا فيه من الهم؟
فقال امير المؤمنين :سأسألك سؤالين وأُريد إجابتهما
فقال الرجل: اسأل.
فقال امير المؤمنين : أجئت إلى هذه الدنيا ومعك تلك المشاكل؟
قال:لا.
فقال امير المؤمنين : هل ستترك الدنيا وتأخذ معك المشاكل؟
قال : لا
فقال امير المؤمنين : أمرٌ لم تأتِ به، ولن يذهب معك ..
الأجدر ألا يأخذ منك كل هذا الهم فكن صبوراً على أمر الدنيا ،
وليكن نظرك إلى السماء أطول من نظرك إلى الأرض يكن لك ما أردت ،
ابتسم … فرزقك مقسوم
وقدرك محسوم..
وأحوال الدنيا لا تستحق الهموم..
لأنها بين يدي الحي القيوم.
يقول عليه السلام :
يَحيا المؤمن بيَن أمرين يُسر وَ عُسر ) ،
وَ ڳلاھما " نِعمة " لو أيقَن !
…
ففِي اليسر : يكون ☇ الشكر
[ وَسَيَجْزِي اللَّهُ الشَّاكِرِينَ ]
وَ في العسر : يكون ☇ الصَبر !
[إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ ]
كلام رائع يستحق النشر
اذا اردت ان تعيش سعيدا
فلا تفسر كل شي
ولا تدقق بكل شي
ولاتحلل كل شي
فان الذين حللو الالماس
وجدوهـ ((فحمــا)
مشكورة حبيبتي على كلامج اللي يجدد الامل فيني
بنظل عايشين على امل. لين يتحقق يارب
الله يرزقني ويرزقكم. يارب
لا تفكرين ابدا ترى التفكير والوسواس راح يزيد عليك الهم والتعب
هاذي ارزاق يوزعها ال الله على عبادة يمكن رب العالمين راد عنك مكروة
خلي كل شي على الله وارتاحي نفسيا وتوكلي عليه فهو حسبك ونعم الوكيل
وكثير ربي رزقهم بعد سنين ومايهمك عشر ولا خمس اهم شي تنجبين
وزوجك عادي حتى لو عندة بيمسك الاطفال ويبوسهم ويحضنهم لو عندة عشر اطفال
فكري فالاشياء الايجابيه وقوولي راح اجيب واسمعي واخذ كذا ترفعين معنوياك ومعنويات زوجك
وذحين الطب اتقدم مررررة فيه ميت وسيله بعد كرم ورحمه اللهة في تقنيه جديدة بالاردن مررر يمدحونها روحي وجربيها
ربي يرزقك وتجي وتشتكين عيالي سوو وعيالي فعلو بس ترى ما راح نساعدك نخليك تحوسي معاهم ههههه
الله يرزقك