|
|
خواتي وخاصة البنات الى ماتزوجوا ويدخلون اهني
ترى اغلب المواضيع الى تشوفونها بالمنتدى بعضها كذب وبعضها تضخم المووضوع وهو ولا شي
واغلبها قصص من الخيال
فأنتوا لا تصدقون وتقولون الزواج جذي وجذي
مدونة كويتيات صارت مواضيعه اقرب الى مواضيع الاغراء والخرابيط هذي
بنات اعقلوا وخافوا الله
انا متاكدة ان تسعين بالمية من المواضيع كذب ومكررة
والمفروض ماتجذبين الغالبيه عشان الله لايبليج
توني شفت لج رد بموضووع الي ريلها ديوووث علشان جذي كتبني هالموووضوع
حبيبتي يمكن كلامج صح فيه بعضهم شوي يبالغون بس ترى حطي هالشي أبالج أن مو كل مجمتع بالكويت مثل مجتمعكم
فيه بلاااااااااااااااااااااوي تصير اكثر وأكثر بس ماندرى عنها
وفيه اقوي من الي يكتبوونها لنا البنات هنيه
مافيه شي اسمه خيال وجذب
فيه حبيبتي
انا رفيجتي تشتغل بمكان مترووس بلاوي والله قالت بطلب نقل لان تعقدت من المشاكل الي تييلها تقول معقوله يصير جذي بالكويت!!
,,,
عاد تصدقين انا لمن اقرا قصه اتأثر فيها واروح اقولها لزوجي
تدرين شنو يرد علي يقولي يقصون عليج وانتي كل شي تصدقينه هذاي قصص من خيالهم
عاد انا اقول حتى لو قصص ميخالف اتسلى وحرام اسوء الضن خليها على الله
بمعنى اذا عضوه قديمه ولها مشاركات كثيرة ومواضيع عديده
ما اتوقع لها مصلحه بالجذب
عشان سمعتها على الاقل
بس لو العضوه جديده ومشاركاتها قليله او معدومه
وارد الجذب والصدق
<<<<<<ترى مواضيعي حقيقية 100% وحصرية للعلم
فوفو
في سوالف تشيب الراس وما تتصدق لكن فعلا تصير بالبيوت
ما اقولج مافي جذب او مبالغه بس مو الاغلبيه في وايد ناس صادقين بكل كلمه يكتبونها
يعني في اشياء ما تدخل العقل وفي اشياء ما تسوى حتى التعليق عليها ومشكوك فيها
بس هم مانقدر نقول كل المواضيع جذب
مانحط بذمتنا
واتوقع الاغلبيه مو من نسج الخيال لانه اللي اقراه بالمنتدى اشوفه برى
وصج صج الدنيا تغيرت وكل شي صار متوقع وعادي
واحترم راييج
في بنات من صجهم كاتبين مشاكلهم ويبون حلول
وفي ناس يايين عشان يصيرون مشاهير
وفي بنات بعد مايبون اساميهم تنعرف عشان جذي يكتبون بأسم يديد
مو معناته كل وحده لها مشاركه وحده معناته يايه تلعب علينا
والشاطره اهي اللي تعرف ان الوحده تكتب من صجها ولالا
ﻻء معليش شي مو منطقي .. اكو احد يتممنى حق روحه المشاكل .؟
انا ماقلت كل القصص كذب انا قلت اغلبها كذب او مضخمه الموضوع
الكويت للحين شبابها فيه خير وبناتها فيها خير
الحمدالله الامور طيبة والزواج هذا اهو ماتغير مشاكل وتوافق
امور عادية تصير
لكن للحين اقول اكثر مواضيع المنتدى بالزوجية كذب وافتراء او تضخم ومبالغه
احنا الي علينا ننصح و ندعي لهم بالخير و الصلاح
بس هي كلمتين بقولها
يــــــــــــــــــــــــــــــــــــــــآرب يبتليج بريل ازفت من ريلي وتشوفين البلاوي منه
وعساج تشوفينها بنفسج ان شاءالله حسبي الله عليج والله ماسامحج
مثل ما بكيتيني زيادة وضيقتي خلقي ان كنتي تقصديني
والله ماسامحج ليوم الدين
حسبي الله ونعم الوكيل يااارب
|
المشاركة الأصلية كتبت بواسطة الشرقية
 خواتي وخاصة البنات الى ماتزوجوا ويدخلون اهني
ترى اغلب المواضيع الى تشوفونها بالمنتدى بعضها كذب وبعضها تضخم المووضوع وهو ولا شي واغلبها قصص من الخيال فأنتوا لا تصدقون وتقولون الزواج جذي وجذي مدونة كويتيات صارت مواضيعه اقرب الى مواضيع الاغراء والخرابيط هذي بنات اعقلوا وخافوا الله |
شلون تاكدتي
وانتي من ال90 ولا ال10 الباجيه