بنات بنت خالتي دقت علي قبل شوي منهاره من البجي بليز خنساعدها ولو بنصيحه

مرحبا بنات

شونكم

بنت خالتي هذي خل اقولكم سالفتها…

كانت تدرس في جامعةالكويت كلية العلوم

وكانت ناويه تحول هندسه……

بس صارت لها ظروووووف(امها مريضه بالسرطان واهي وحيدها الي توديها مكي الجمعه و المستشفيات ومراكض فيها)

ماقدرت تدرس وكل يوم ساقطه ابماده….

وكل ما تعيدها وتحاول تشد حيلها ما تقدر تتابع وتسقط فيهم

مسكينه نزلولها انذار اول و ثاني

وحاول تشيلهم ما قدرت المهم الحين صارلها 3 كورسات بالكليه وما قدرت تكمل سحبت اوراقها وقدمت على التطبيقي

وانشاء الله يقبلوها

بس الموقف الي صارلها انه بنت خالتنا قام تحرها انها حولت هندسه وقاعده تشمت فيها لانها حقيره

والي ابيه منككم كل وحده تحاول تشد حيلها اولا

ثانيا:::بنت خالتي تبي تتخرج من التطبيقي و تكمل بكالوريوس بس مو عارفه شلون واذا عطيتها الحل الحين راح تتشجع وتييب معدل عالي بالتطبيقي

بس اهي ما تبي تسافر بره عشان امها ما تقدر تهدها

عشان جذي ما عليكم امر عطوني اقتراحاتكم

حبيبتي أول شي ما عليها من كلام بنت خالتها وما تدري يمكن خيره لها انها سحبت ودشت تطبيقي

وخليها تشد حيلهااا وأهم شي تكمل دراستهاا وتاخذ الشهاده

أما عن شلون تكمل بكالوريوس ما عندي فكره وانشالله البنات يفيدونج..

تتوكل على ربها وتشد حيل ولاتقصر بأمها وربي ماراح يضيع تعبها والله وياهاااااااااااااااااا

ان شاء اللهـ خيييرهـ لها

و ختشد حييلها بالتطبيقي تحاول تييب a

و عندي اقتراح ليش ما توقف قيدها بالجامعه سنه ع الاقل و بعدين تكمل

و اللهـ يوفقها ان شاء الله

حبيبتي تقدر نكمل عن طريق البعثات الداخليه .. ختشد حيلها اهي بس والباجي عند رب العالمين ..

مثل ماقالت اختي صب القفشه توقف قيدها احسن لها منها تتفرغ لامها واذا ردت بعدين تشد حيلها..
والله يشفي امها يارب

قدر الله وما شاء فعل… يمكن خيره اللي صار لها.. قوليلها تشد حيلها وتييب معدل عالي عشاان ان شاء الله تقدر تكمل بعثة داخلية بالجامعات الخاصة..

خليها تدخل التطبيقي تربيه اساسيه وتشد حيلها ترااا الدكاااتره حييييل طيبين وحبوبين ويتفاهمون مع ظرووف البنت خصوصا اذا كانت طالبه حريصه …… وراح تتخرج منه بشهادة بكالريوس مو دبلوم اذا دخلت تربية اساسيه …وتكمل بجامعة الكويت ماجستير اذا تبي تكمل
والله يوفقها

حبيبتي خل تدش التطبيقي و تشد حيلها و إن شاء الله الدكاترة بيساعدونها و هم الدراسة فرررررق عن كلية العلوم
و إذا جابت نسبة زينة إن شاء الله تقدر تكمل

و الله يشافي والدتها و يقومها بالسلامة و يخليهم لبعض
و جزاج الله خير حبيبتي ،، و الله يكثر من أمثالج

حبيبتي الاساسيه اهي بكالريوس اذا يابت نسبه حلوه
في قرارا من سنه اللي بتكمل ماجستير بجامعة الكويت والدكتوراه بعثه بره الكويت
يعني الاساسيه لها مستقبل لان دراستها 4سنسن حالها حال الجامعه مودبلوم سنتين

مشكورييين والله يعطيكم العافيه

انا ودي اعرف شنو الجامعات الخاصه الي تقبلها

الله يوفقها ان شاء الله ..
اذا لها مجال ترد الجامعه انا مستعده اساعدها في المواد اللي متوهقه فيهم لاني خلصتهم والحمد لله جبت فيهم قريدات زينه
واذا مالها مجال ان شاء الله يكون لها خيره بانها سحبت اوراقها

الله يشافي والدتها ان شالله

و خلها من بنت خالتها اللي اتحرها

وان شالله تدخل الاساسيه سهله و تجيب a بكل المواد

الله يوفقها

ياقلبي عليها ..

مداام اهي باره بامها وخلت دراستها علشاان تشووف امها .. الله ماراح يخليها ..

خليها تدعي ربها وتذكر محاسنها خليها تقول اللهم اني تركت دراستي واهملتها علشاان ادير بالي على امي اللهم وفقني بدراستي ونجحني .

وخلي امها تدعيلهاا دعاة الام مستجابه …

وان شالله ربي مايخيب رجاها ..

وخليها تدرس تشت حيلها اول بالاول خليها اذا راحت لامها تجيب كتبها وتدرس ..

والله يوفقها وينجحها ويسعدهاا يااارب ويشفي امهاا يااارب

الله يوفقهااا,,,

خليها تدش كلية التربيه الاساسيه,,,وتقدر تكمل بالبعثات الداخليه

وان شالله خيره لهااا