|
|
انا معلمه تربيه موسيقيه خريجه تربيه اساسيه
وصلتنا نشره من اداره التطوير وتنميه المجتمع للمدرسه قبل يومين للبعثات الماجستير لجامعه الكويت، و جماعه الخليج العربي في البحرين
في بعثتين ومحتاره وايد على شنو اقدم والحمدالله تطبق علي الشروط، وهذا السبب الي خلاني اسجل في المنتدى بعد ما نصحتني رفيجتي فيه
المهم
1- بعثه لجامعه الكويت
وفي ثلاث تخصصات
– مناهج وطرق تدريس ( لخريجين جامعه لكويت فقط ) .gif "Eh S(14)")
-اصول تربيه ( لخريجين جامعه لكويت فقط )
اداره تربويه ( لخريجين تربيه اساسيه وجامعه الكويت ) وهذا التخصص الوحيد الي لازم تاخذن فيه تفرغ كلي يعني اجازه دراسيه كامله سنيتن
بنات بصراحه كان بخاطري اخذ ماجستير في المناهج او اصول تربيه لان اداره تربويه احسها مو تخصص قوي مثلهم
بالنسبه للبعثه الثانيه
2- بعثه جامعه الخليج العربي في البحرين
ماجستير ( تربيه خاصه )
-تربيه موهوبين
– اعاقه ذهنيه
– التوحد
– صعوبات التعلم وغيرها في بعد اشياء ناسيتها
المطلوب يا بنات نصيحتكم انا محتاره وايد
وين تنصحوني اقدم على اي جامعه
ابي رايكم من جميع النواحي
محتاره بشكل مو طبيعي
جامعه الكويت ولا الخليج في البحرين
بس اخذي فكره عن التخصص اللي موجود بالكويت , و شوفي شنو مستقبله !! و تآلي استخيري و شوفي اللي ترتآحين له ,
اممممم انتي ع كلامج تحسين ان اداره تربويه تخصص مو قوي !
اسألي عنها اكثر
والميزه بالكويت انج ماتتغربين
اما بالبحرين صج انها مو غربه حيل لان تقدرين بكل نهاية اسبوع او اجازه رسميه تجين الكويت بسهوله وبسياره بعد
اذا اخذتي تخطيط تربوي ممكن لما تتوضفين تصيرين استاذه في الجامعات او المعاهد
اما بالنسبه لتخخصات جامعة البحرين مادري وين راح يكون مكان عملج او حتى يمكن استاذه بالجامعات او المعاهد
اذا انتي ودج بمناهج او اصول تربيه وموجوده هالتخصصات بالبحرين استخيري وروحي البحرين
ثانكيو غلااا
ثانكيوالريم
فديتكم