بنات بشتكي على الناظرة وأبي اخذ رايكم بشغلة ؟؟؟

السلالالالالام أعتقد العنوان واضح

هالناظرة لاتطاق مروووا علي ناس مثلها ماشفت

لااسلوب لاتعامل وتجرجر بنات خلق اللّة للتحقيق بالمنطقة وبحجة انها فاهمة شلون تستغل القانون اللي احنا جهلة فية تثبت التهم على البنات ومرااااات تحفظ الشكاوي بس مرييييييضة الا تنتقم ولا يصير فيها شي وهذا اللي لاحظناااااااة

النقل عندنا شغال من اول ماصارت عندنا والافادات والخصم والشكاااوي عدي وخربطي

المشكلة بالمنطقة كاارهينها حيييييييييييل يبون شكوى مدرسات بس المشكلة شنووووو البنات خايفات مادري شلون للحين قاعدة كل ماتسجل نقل المجموعة اللي باقية تكنسل نقلها وللاسف ماتحصل المكان اللي حاطة العين علية تبي روضة بمنطقة معينة وهالناظرات متمسكات بالمنصب واللي تقول حريييمتها ماتجي عندنا لوشيصير

واحنا لو نقدر واللّة نروح جاهية

للناظرات بس يعطونها الروضة اللي تبيها بس تفكنا

روضتنا عاجبتنا والمجموعة حلوة ومرتاحين من بعض وقريبة من بيوتنا بس المشكلة هالعلة

والبنات خايفات يشتكون وتصير السالفة على روسنا سألت شلون اسوي شكوى قالوا توقيع المدرسات ولازم عندها تجاوزات كبيرة

طيب شلون اثبت صج عندنا بعض الشغلات بس ماادري هل يسمعونا ولا لا

ماني عارفة قالولنا باالمنطقة دقواااا على قسم مراقبة الرياض وكلمواا المراقبة بدون اسم بس الروضة وقولوا اللي بخاطركم وهذا اللي راح نسوييييييية

بس مادري هل سمعتوا مدرسات سووا جذي واخذوااااا حقهم ولا طنشوهم

كرهتنا بعيشتنا لو اقوول شنو تسوي فينا تنصدمون اسلوب سوقي وان حطت علييييييييج اعرفي راح تروحين للتحقيق وصارت جدامنا

شرايكم بنات اللي عندهم خبرة ندق ولا نكتب شكوى

الله يعينج يا الغاليه

قطيعه وايد جذي اشكال

مو مصدقة انها ماسكة منصب

شوفي اختي

اول شي

حتى لو اهي فاهمة بالقانون امشي عدل يحتار عدوك فيك

ثاني شي لا اتجازفين بروحج

لازم تكونون مجموعه

عشان ما يقدرون عليكم وما يعاقبونكم

لان مافي عقوبة جماعية

لازم ما يكون بس كلام

كل البنات لازم يوقعون

وترفعون فيها شكوى

مو شرط عندها تجاوزات

كفاية تقولون انها ماتحترم زملاءها ومتعسفة وتسئ معاملة البنات

تقدرين ترفعينها للوزاره على طول

او تكتبينها بالجريدة عند صفحة فؤاد الهاشم

المهم تكونون وايد

اذا هذا ماحصل

انصحج تهدين اللعب وياها

وحاولي تتحشينها

واهم شي

الاشياء الي ماترضى فيها

ابتعدي عنها

عشان لاتنصدمين وياها

لان بيتكم قريب حرام تطلعين من المدرسة

واذا مضايقة انتقلي مدرسة بمنطقة ثانية لو ابعد شوي بس نفسيتج مرتاحة

الله يكون بعونج

مع تحياتي

softlady

.

انا سويتها من قبل جم سنة

بس نصيحة مني لج

قدمي نقل ولاتشتكين

رفيجاتي ما سلمو منها انا اشتكيت معاهم بس الله سلمني

بس باجي رفيجاتي انقلوهم كلهم نقل اداري

مع ان خذينا حقنا والناظرة انقلوها بس نفسيتنا اتعبت

فلا تكونين السباقة ولا تفتحين الموضوع مع احد اذا حابة تكونين بالمدرسة تحاشي الناظرة واذا مو متحملة نقلي

ترى حتى لو مدرستج قريبة بس مو مرتاحة ما تسوى القعدة فيها
انا انتقلت الحين مكان بعيد بس والله مرتاحة ولله الحمد ولو افكر فيها اختار البعيد بس ارتاح

هلا softlady

بالاول مشكورة على ردج انا ماراح اجازف بروحي قلتلج الشكوى بتكون جماعية اذا اقتنعوااا الغالبية موافقين بس اللي يخاف يأثر على الباجي

بالنسبة لماتقولين امشي عدل شقولج اختي تحب التاليييييف وتحط المدرسة بموقف يجبرها ترد بالتالي تقول تطاولتي علي <<<بيني وبينج اسلوبها ينرفز وهذا اللي خلاني ارد لكن ردي مسكتة علي ولانا جاهلين بالقانون كان بامكاني اكتب الكذبة اللي كذبتها علي بالافادة ووقتها اهيي راح تروح بستين داهية بس للاسف كنت اظن مجرد توقيعي على شي اقرار مني بالخطا

عشان جذي حبايبي اخذوا هالنصيحة قالتها لي المحققة بالمنطقة اثاريهم دارين عن سوالف الناظرااات تقول السبب انتم يعرفون يستغلون القانون عدل

اذا عطج لفت نظر ولا افادة في راي المعلمة بالموجهة اليها

عاد ما وصيكم اكتبواااااا باسلوب فية اسباب ممكن تتحاسب عليها الناظرة مو تجذبون لالالالالالالا بنات اكتبواا الاسباب اللي خلتج تقولين ولا تردين على الناظرة طبعا هم ذكيات ماراح يطرشونها لوشنو وهذي غلطتي لو كتبت شنو قالت لي وشنو اتهمتني فية جان راحت فيهااااا للاسف غلطة وجهل مني

ومهما سويت ما عندها الا انا تتعمد تتهمني بس صرت اطنشها وتموت قهر بالتالي راحت لغيري وتسوي نفس الطريقة قلت لكم مريضة يارب لك الحمد

الرسامة هلا ياقلبي

معقولة احنا نتشتت واهياااا قاعدة ياربي ظلم طيب انا بنقل وكذا مدرسة وادارية طيب وبعدين ليش المنطقة ماتتحرك نسبة النقل عندنا رهييييبة

مثل ماقلت المراقبة كارهتها من كثر مشاكلها بس استغرب ما شالوها توها زايرتنا المراقبة وزافتها وناس قريبين من المراقبة قالواااااا تبي شكوى معلمات لانها زهقت منها

احنا بنسوي شغلة ندق على المراقبة ونقول شنو اللي يصير معانا والمراقبة متفهمة حيل بس مدري مترددة

مانقدر نتحمل كورس ثاني وهم مانقدر ننقل الكورس الثاني راح يصير عندنا نقص ويبيلها واسطة نفسيتنا زفت ومتحملين ومع هذا تضغط علينا باسلوبها السخيف

مدري يابنات شوروا علي انا وضاع حقي واللي قبلي وضاع حقهم بندق شرايكم

انا مع الرسامه لا تكونين السباقه ليش اهم ما يشتكون , قدمي نقل مو مهم البعد المهم الراحه النفسيه,
والمنطقه ترى ما يسوون شي انا اشتكيت وكتبت كل اللي بقلبي ومحد عبرني , النقل اهو الحل

ريحي نفسك

الشكوى ما تسوي شي

ولو سوت شي بيكون بملفك نقطة سوده

انقلي وارتاحي

حبيبتي انقلي ولج الله
وراح ينتقم من كل ظالم
بس طلبتج كتبي لي هي بأي منطقه حتى لو برساله خاااصه لاني بقدم طلب نقل وماتدرين يمكن الحظ يجيبني عندها

شمخلي هالناظرات يتفرعن غير ان المدرسات خايفات ليش تخافين طالما الحق معاج ومتأكدة من نفسج لاتخافين لا معاشج بيدها ولا تقدر تفنشج يا جماعة اذا الدين معاملة شينقص منج يا إنسانة تعاملين الناس بالطيب وتشترين الناس بطيبتج بس ما أقول غير حسبي الله ونعم الوكيل

ليش خايفين

بصراحة ذكرتوني بقول :

فرعون من فرعنك قال مالقيت احد يردني

المهم

شكوى جماعية توقع من جميع المعلمااات لا تكونين بالصورة ابدئي برفيجاتج اللي تمونين عليهم وخليهم يتكلمون وياج ويقنعون البقية الباقية اهم شي تكونون يد وحدة واذا تحلفينهم ع القران علشان ما يخونون

حبيبتي

انا مثل ما قلت لج سبقناج بهالشغلة

واتصدقين نفس سالفتكم المراقبة ما تواطن الناظرة وتبي بس شكاوي

وكانت متفهمة

بس سوت اللي ببالها انقلت الناظرة

وتالي اقلبت على المدرسات اللي مقدمين شكاوي وانقلتهم كلهم

والسؤال هني

مدام اهيا مراقبة التعليم ليش ما انقلتها بدون شكاوي ؟؟؟؟ ماتقدر ؟؟؟؟؟ لاء طبعا تقدر ونص بس تبي اتعزز من موقفها فيكم وتكونون انتو الضحية

اتصدقين رفيجاتي كلهم اندمو على الشكوى

واقول حق باجي البنات احنا ما نقدر انحط دوبنا دوب الناظرة لان تقديرنا بايدها واحنا يهمها التقدير علشان براسنا هدف واهو الترقية والا طول عمرنا بنصير معلمات وبس

نصيحة من مجربه مو من تجربة الا من عدة تجارب

بالمدرسة لا تنتقدين اي شئ وبالذات الادارة ترا فيه جواسيس يوصلون وانتي اللي بتاكلينها

حتى لو تقولين انا واثقه منو قاعده اتحجى عنده صدقيني في ناس تنصدمين فيهم

يوصلون للناظره بواسطتج وانتي ماتدرين

اما الشكوى لا ولا ومليون لا اخرتها بيقولون لج فيه شئ او اثبات ملموس اذا ماكو مالج حق

يبا معروفه وزارة التربية الحق ضايع فيها

وترا في ابلات يشيشونج ويقولون اشتكي واحنا معاج ووقت الصجية ماتلقينهم

طيعيني قبل انا كنت نفسج انا الوحيدة اللي اواجة وازف الابلات ليش مايتحجون طلعوا خوافين وهذا اللي مخلي الادارة

لاعبين لعب بالابلات تعاملي مع المواقف بكل برود تراها مو اكبر الهم

فكري عدل قبل تتخذين اي قرار والله يوفقج انا قبل قلت لا ما اقدر انقل رفيجاتي وشلتي

والله نقلت كذا مره ولقيت ناس احسن من شلتي وطيوبين حيل

تعلمت بالدوام شئ واحد ومهم حلجي اسكره ما انتقد شئ والاقسام الباجية بس بيني وبينهم سلام

افتكيت من قرقة الحريم وهذي قالت وافتكيت من غيرتهم وحسدهم

انا مع كلام ريدا مية مية

انتقلى وارتاحى وفكى نفسك من الشكواى واعرف رياض روووووووووعه وممكن اعطيك اياها بالاسم بكل المناطق وبتدعيلى

مشكورين بنات على الردود شوفوا الشكوى راح تخليها تطخ علبالكم السنة الجاية لاقعدت عندنا احد بيقعد خلالالالالالالاص الكل بينحاش منها صرنا ملطشة لها كل سنة مطرشة البنات للتحقيق صج مصخرة

وانا معاكم وزارة التربية عشان تاخذين حقج لازم واسطة

بس يا بنات الخوف خلاهم يتفرعنون علينا فرصة ووصلت لنا مخالفات بالهبل

بس للعلم الشكوى جماعية مو بس انا بالبداية بنسوي شغلة اذا ضبطت ما نحتاج شكوى وعلى اللّة دعواااااااتكم

الناس بعيد وهذي كدرتنا حسبي اللّة علييييها

ريدا ,,,,,,

كل اللي قلتية حاسبة حسابة ويارب تسهل الامور

ما عندي فكرة عن طريقة الشكوى على الناظرات

بس من قبل ابوي قدم شكوى مرتين على مدرسات تربية اسلامية قعدو يسبون في مذهب من المذاهب و نقولهم مدرسة ثانية

و بالصدفة المدرسة نقلوها بالمدرسة اللي اختي الصغيرة فيها و بعدها المدرسة قامت تحسب حساب اختي و تخاف تكلمها ههههههههه

و كل ما شافت اختي تقول لها ابوج نقلني هالمدرسة و قبل النقل كانت تدق على ابوي و تترجاه يسحب الشكوى هههههه ناس ما اييون الا بالعين الحمرا .. و لما اختي قالت حق ابوي تذكر المدرسة اللي اشتكيت عليها تدرسني جان يقول لها قولي حق المدرسة ابوي يسلم عليج لوووووول