بنات بجريـة نصحوني وين أولد مستشفى السيف والا رويال حياه والا دار الشفــا

ههه أم فيصل ثانكيو ع الطله

انا جربت رويال حياة وجربت قبله دار الشفاء ابصراحة ماكو نسبه بين الاثنين .. رويال حياة وايد احسن ووايد افضل والحين قريبه ولادتي وراح اولد برويال حياة
بس ما اقدر اقارن لج بالسيف لاني ماجربته ..
واذا على السعر الي دفعته في رويال حياه او دار الشفاء فكان نفس السعر الي معروض بس زياده عليه سعر الدكتور وانا اخذت يوم زياده وهم نفس السعر الي حاطينه بالاعلان فكانت حسبتي مضبوطه بس انا ما اخذت ابرة الظهر ..

كاندل مشكورة حبيبتي الله يتمم عليج حمالج و يسهل ولادتج يا رب

والله شكلي بشيل دار الشفا من راسي .. :

اهم شي الكمام يعني بدار الشفا و رويال شلون كان ؟

انا ولدي بدار الشفا

وهالمرة ناوووووووووووية رويال حياة انشالله

السيف ماجربته ماسمعت احد جربه

سكورة ما قلتي شلون كان بدار الشفا شرايج بالكمام و بشكل عام عجبج او لا

و الله يسهل ولادتج حبيبتي و يرزقج بالبنوته الحلوة

انا الي والله ضايعه ما ادري وين اروح

ولا سألت عن ولا مستشفى ولا شيء اراجع عند دكتوره ماتولد ههههه يعني احتمال تقول وقت ولادتج اولد

ورفيجاتي يقولون شلون تغامرين عندها ضعت ما ادري وين اروح احس ببجي والله

والله انا نفسج تبطي حدي ضايعه و اراجع عند وحدة مو معروفة بس ارتحت لها و السهالات من الله انشالله

شوفي انا بجريه مثلج وكنت محتاره وين اروح وين اولد

بس خواتي والدين بالشفا عنايه واهتمام والسعر حدا زين حتا لو تاخذين ملكي وتولدين قيصيريه

والوحده لازم تحسب حسابها ان يمكن تولد قيصيري

بالنسبه للسيف مرت ولد خالتي ولدت فيه كل يوم يقوولولها الياهل فيها شي خلوها بالحضانه اسبوعين مع انها والده بشهرها بس حدا نصب

كل يوم بالخضانه ١٥٠ x اسبوعين غير سعر الولاده حدا غالي ومايسوا لانه غرفهم مو فخمه حتا لو خذتي الاغلى يفرق بالمساحه مو بالاثاث

وبالنسبه لرويال حياة شفت اكثر من وحدا بالمنتدى والده فيه يذمون فيه من ناحية العنايه واهو بالاساس يهتمون بالشكل اكثر من العنايه

والسموحه اذا وطولت عليج سوي سيرج اكثر بالمنتدى راح تلاقين شنو الافضل*

انا من رايي

السلام او دار الشفا

يعني وين نولد .. بالبر ؟!
انا جربت الهآدي .. بالنسبه لي زين ولآ آحلى كماآم وابرة ظهر وعنآيه وكل مادق الجرس تجي السستر ركض مآتتاخر علي .. بس بالنسبه لولدي كل يوم مطلعين فيه عله وخلوه 3 ايام بالشيشه حتى ما قدرت اشيله ولا المسه ممنوع
وبالاخير مآعرفوآ شفيه .. ومستشفى الاحمدي عرف مرضه شنو وقتها ..
يعني تحاليلهم للبيبي خرطي ..!
ومحتاره بين الامومه ورويآل حيآة ..! حتى دكتوره مآخترت للحين آرآجع بالسلام !!
حدي مخربطه الدنيآ ..

انا عاجبني دار الشفا اغلب عايلتنا ولدو فيه والسسترات شطار

رويال مادري عنه

سيف يديد ويخوف

جبووره

رويال اكيد
الشفا ×
السيف بنت عمي جربته وفعلا وايد غالي بس تقول زينين ودكتورتها كانت من عندهم هم زينه
بس انا انصح برويال لانه خبره اكثر من السيف وطريجه احسن من السيف والشفا

الشفا حطي عليه ××××××××× من التجارب الفاشله والسيئه الي مرينا فيها عندهم

هلا حبيبتي أتمني تاخذين بنصيحتي بالنسبه للسيف ما انصحج فيه كونه جداً مادي وغالي عالفاضي علشان يكملون بنيان المستشفى الدولي التابع لهم ، بالنسبه للي يمدحون دار الشفاء ترى بس والدين فيه و مالهم أي تجربه مع مستشفى ثاني علشان يقارنون بس اللي جربوا غيره حسوا بالفرق من ناحية الرعايه و الإهتمام ، فتوكلي على الله و أولدي برويال حياة روعه من الخدمات الطبيه والفندقيه .

رويال حياة انصحج والده فيه من سنتين ومسويه تنظيفات قبل شهر صراااااااحه اينن