بنات انا حامل بالاسبوع ال19 و .

السلام عليكم

شلونكم شخباركم انشاءالله طيبين وبخير يارب

بنات انا حامل بالاسبوع ال19 يعني بالشهر الخامس ومااحس بحركة البيبي نهائيا هذا شي عادي وطبيعي ولا لا

ادري بتقولون سالي الطبيب انا موعدي يوم الاثنين عند الدكور عمرو عصام بالسلام
بس احسه بعيد الموعد وقلت اسالكم
واشكر كل وحده ترد على مقدما واهديها هالورده

وشكراا

تصدقين انا مثلج انا بالاسبوع ال 21 وماحس بحركة البيبي
قريت بالنت ان عادي احتمال يكون البيبي صغير او انه حجم البطن اكبر من البيبي فما تحسين …

حبايبي انا اللي عرفته اذا بجر ما تحسين بالحركه بسرعه يبله وقت
ويمكن انتي مو عارفتله بس ترا اهوا ما يتحرك يعني يحوس بس تحسين من تحت جنه غازات

ماراح تحسين فيه ألحين

لكن بالسادس راح تبين حركته أكثر

الله يتمم لج

اي عاااادي لا تحاتين الحركه تقوه في السادس

الوضع عادي جدا
ايام تحسين بالحركة
وايام ما تحسين نهائيا بالحركة

انا بجر و ما حسيت بالحركه الا بداية السادس حتى كنت بالسينما و انصدمت و اخترعت و تشنجت بمكاني و كنت اكره الحركه و اخاف منها

بس الحين تعودت عليها

لا تخافين و ان شاء الله تحسين فيها بس نطري على البيبي :*

عادي ياقلبي
انا رحت موعدي بعد كنت بالاسبوع ال 20 ونفس الشي ما احس بولا شي
سبحان الله قالي يومين ثلاثه وتحسين
وبالفعل الحين صرت احس مو واااااايد بس صرت احسن من اول .

عسى الله يتمم عليج ياقلبي ويتمم علينا ونفرح بشوووفتهم 

انا احس بالحركه بس خفييييييفه حيل

يتحرك بس ما تحسين
لمن كنت اروح اسوي سونار اشوفه يتحرك و لا احس بشي