بنات الي مسوين تكميم وتحويل مسار يدشوون بسالكم سؤال شخصي

شلونكم حبيباتي ان شاء الله بخير

بنات بالامانه انتو تقولون حق الي معاكم بالدوام انكم مسوين عملية تكميم او تحويل مسار؟

بنصدم يابنات صدقوني معاي بنات من الاوزان الثقيله 140 وشي ويختفون مدة شهرين وبعدها ماشاء الله تبارك الرحمن ضعفت ضعف مو طبيعي اسالها تقولي ريجيم وصديقتها تقول عمليه تكميم بس لاتقولين حق احد
انزين شالسبب ؟ هل انتو فعلا من هالنوع الي اذا احد سالكم تقولون ريجيم ولا عادي تقولون الصج ؟
ابي ردكم

أنا أقول مافيها شيء بس يبطون جبدي اللي يقولون رجيم وعندي وحده وزنها كان 120 وسوت العمليه وضعفت لما أحد يسألها جم وزنج الحين تقول مااادري بصراحه عقليات جباره

بالنسبه لي عادي اناا عندي اقول الصج ولا يقولون عني جذابه

وعموما بالدوام يدرون لاني قلت حق رفيجاتي واهلي يدرون

بنظري انا مو ممسويه شي حرام او عيب عشان اخشه

بس قبل لا اسوي العمليه ما قلت حق احد حتى ريلي ما قتله

لان ان دروا بيبدون كلام الاحباط فلان مات ,انتي مو ممتينه سوي ريجيم , العمليه تذبح من العوار

ومن هالحجي فسكت وقتلهم بسوي المراره ويوم دشيت وعقب ما سويت العمليه ريلي درى بالصدفه

وبعدها بطيت الجربه

يعني الواحد لما يكون وزنه 100 وفوق وبشهرين يصير 60 شهالريجيم حتى السحر مو جذي !!!!!!!!!!!!!!!!!!!!

والناس الحين صارت واعيه ما يطوفها شي وحتى اللي تقول ريجيم ترى الناس تسوي روحها مصدقه بس يدرون انها

عمليه الموضوع حده واضح فماله داعي الجذب

——————————–

يا محبوبة السلامه كلهم جذي عندنا وعندج خير وكل هذا عشان لايصكونها بعين ؟ علي شنو تنصكين بعين ياحياتي !!! والله وحده معاي تخيلي بعد سبوعين خست بطريقه مذهله اقولها تكميم تقولي لا ريجيم لوووول والله شسوي قمت اخذها علي جوها

—————–

خليج من هذا كله وحده من رفيجاتي تقول حق رفيجتها الي كلووز معاها بالدوام انا بسوي العمليه عند الدكتور الفلاني ورفيجتها الي حيييل معاها مسويتها عند نفس الدكتور ومو قايله حق احد وكتشتفت بالصدفه انها مسويه عنده وكل ماتقولها بسوي عنده تقولها لا مو زين روحي سوي عند دكتور ثاني افضلج الكل قام يسوي الخياطه التغليفيه مو بس اهو
انزين انتي شحارج !
خلي البنت علي راحتها يعني جذبتي وقلتي ريجيم وعطيناج علي جوج بس ليش تحرمين رفيجتج الي طلعاتج وروحاتج معاها انها تسوي عنده
صج انانيه
كل مانقولها ضاعفه تقول من المرض والريجيم اي ريجيم الي بسبوعين وثلاث يغيرج وحده ثانيه

اب
اب
اب

شوفي انا بتكلم عن نفسي

انا اؤمن بالعين ومذكوره بالقرآن

كنت مسويه دايت قبل سنتين وضعفت حيل وقايله حق الكل عن رجيمي وكنت اصورلهم الاوراق واعطي اللي يبي

كنت اي مكان اروح يتجمعون علي سواء رفيجات او اهل وكنت صج حارمه روحي بعدين وزني وقف ومايتحرك كلش دشيت نادي وخففت اكثر وسويت رجيم السوائل هم ماكو فايده

بعدين قلت انا استاهل صار فيني رد فعل عكسي واتفتحت شهيتي وزدت كل اللي ضعفته دبلااات لانه الكل كان يقولي شلون تقدرين تتحملين رجيمج صعب زين عندج اراده ووحده قالتلي بعظمه لسانها انتي تلتزمين وبنتي ماتقدر ماعنطها ارادده وكل اسبوع اتجيك علي نزولي

انزين ليش اكون محط الانظار والكل عينه علي ويراقبوني لو مسويه كل شغلي بالكتمان احسن لي

الحين سويت تكميم وماقلت حق احد الا المقربين حيل

انا اشوف انها حريه شخصيه ومابي الكل يراقبني ويراقب نزولي وشسوي وشاكل بس مليت من كثر مايدكققون علي جسمي واكلي

الحمدالله مسويتها ومابي اقوول حق احد ومرتاحه جذي *

ليش يخشوون بعد الحين هالعمليه الكل يسويها
ويبين عليهم لانه يضعفون وايد وبسرعه ولما ياكلون ما يقدرون ياكلون وايد
مادري بس وااضح
واذا يخافون من العيين بلعكس ضعفت بعمليه وبفلوسها ما سوت رجيم وتعبت نفسهاا واسبوع وتضعف واسبوعين لا والوزن يوقف شهر ههههههههههههههههه
وكل الي يسون الحين يقولون لانه صار عاادي

والله انا عندي ان الوحده تقول مسويه عمليه ولا تقول ضعفت كل هالضعف من الرجيم
وحده من رفيجاتنا ضعفت حيل ماشاء الله تبارك الرحمن والكل قام يتكلم عنها
قلنالها لا تقولين رجيم والله بيعطونج عين لانها فرقت حييييييييييل لا اله الا الله
قلنالها قوليلهم انج مسويه عمليه احسن لان لما يشوفون نزولج هذا وشلون تغيرتي ممكن يعطونج عين على الاراده
فا الافضل تقولين عمليه
مع العلم ان البنت تغيرت تقريبا ب6 شهور وكانت غايبه عن رفيجاتها فا لما قالتلهم رجيم ما صدقو
مع ان 6 شهور مو شويه لو كل شهر تنزلين 5 كيلو!!

لكن اللي مسويه عمليه وتخش ماعندها سالفه لان العمليه بصراحه مو سهله وحتى الوضع عقب العمليه مو سهل اعرف شكثر مسوين عمليات والله يعورون القلب خصوصا اول شهر من بعد العمليه فا الله يعينهم بصراحه اذا بيجيهم شخص ويعطيهم عين على هالتعب اللي مرو فيه

============

الله يحفظج من العين يارب
بس حبيبتي هالشي يكشف نفسه بنفسه يعني الي شفتها بالدوام مشاء الله عليها الله يتمم عليها
ان شاء الله بضرف شهرين اول شهرين وشي ضعفت ضعف مو طبيعي
من ناحيتي اذا متنت وبسويها مبدئيا ماراح اقول حق احد وبعدها اذا سالوني مسويتها ما اقدر اجذب بصراحه واقول لاء

============

انا اوافقج الراي
وبعدين اذا الوحده خايفه من العين تقري علي نفسها المعوذات والله يكفيها شر العين
اقولج هذي العمليه مثل السحر ماشاء الله شنو شهرين وشي اصير غصن البان
جودي هاا معزمه لووووول

مشكوره حبي

===========

اي والله صاجه ياوخيتي كلامج عدل واوفقج الراي
لانه عيون الناس ماترحم وعندج القريب يطقج بعين قبل الغريب استغفر الله
ختقول يعني اهيا قاطه مبلغ محترم وبعدين اهيا ماسوت هالعمليه الا واهيا مضايقه من السمنه وعوارضها استغفر الله
اقولج وحده من صديقاتي مسويتها وليومج تقولي ريجيم وهذا واهيا كلوز معاي ونطلع وتغدي بيتنا
ويوم اكتشفت هالشي صدفه يوم رحت حق عيادة الهيفي مع صديقتي الي بتسوي العمليه ولا اشوفها هناك صدفه
ياسبحان الله لوووول
ناس ماتعرف تجذب اي قولي مسويتها ولا المشكله تقول حق رفيجتي لاتسوينها عند الهيفي مو زين روحي حق السميط او العنزي انتي شكو بالبنت كيفها فلوسها وكيفها تسويها عند الدكتور الي ترتاح له

كثرت عليج وايد حبيبتي
شاكرتلج