بنات الي جربت الخروع للولاده ترد ضرووووري عسى ربي ينولها مرادها

اشلونكم يا حلوات
انا موعدي طاف وايد وكل ما اروح قالوا الرحم مسكر بس التخطيط فيه طلق والحين قاعد اييني عوار بس الي ممكن اتحمله واحيانا تنزل عليي رطوبه
اخاف اروح يقولون الرحم مسكر
وودي اشرب خروع استغفر الله مليت
بس لازم يكون الرحم مبطل ؟ولا يصير اشربه والرحم مسكر ؟ تكفون فيدوني
لان الدارسين مايصير اشربه الا والرحم مبطل
تكفون الي جربته هل اشربته ورحمها كان مسكر ولا مبطل ؟
والي تفيدني عسى ربي ينولها مرادها دنيا واخره

ومن شربته زاد عليه الوجع

اقتباس:

المشاركة الأصلية كتبت بواسطة دو^ري^مي^ عادي حبيبتي شربيه والرحم مسكر لان هو فايدته ينزلج راس الياهل اكثر كل مارحتي الحمام وفضيتي بطنج اختي بكل ولاده تاخذه واذا حابه تتاكدين اكثر سالي طبيبتج او اي صيدليه

اي انا سالت الدكتوره بطواري الشفا قالت شربيه بس بسال الصيدليه بعد احسن
ماقصرتي

اقتباس:

المشاركة الأصلية كتبت بواسطة brettey اشلونكم يا حلوات انا موعدي طاف وايد وكل ما اروح قالوا الرحم مسكر بس التخطيط فيه طلق والحين قاعد اييني عوار بس الي ممكن اتحمله واحيانا تنزل عليي رطوبه اخاف اروح يقولون الرحم مسكر وودي اشرب خروع استغفر الله مليت بس لازم يكون الرحم مبطل ؟ولا يصير اشربه والرحم مسكر ؟ تكفون فيدوني لان الدارسين مايصير اشربه الا والرحم مبطل تكفون الي جربته هل اشربته ورحمها كان مسكر ولا مبطل ؟ والي تفيدني عسى ربي ينولها مرادها دنيا واخره

اول شي الله يهون عليج ..

الخروع ينظف بطنج ماله شغل بالولاده كللللللللللللللللللللللش .. ولا سااعد على الطلق ولا شي .. يعني عشان ما تخرجين وقت الولاده .. والا يعطونج ابره شرجية .. شربي خرووع عشان للي فبطنج كله ينزل .. عزكم الله

اما الدارسين يساعد على الطلق يقولون بس ما يجيبه .. وما يضر شربتيه مسكر رحمج او مفتوح .. امي كانت تشربه بالتاسع ما ادري بالثامن .. وما كان يأثر والحمد الله ولدت وما فيها الا العاافيه ..

الدكتور ما يقدر يوسع

وليش ياأم عبودي الدكتور مايقدر يوسع؟؟؟ منو قال هالحجي؟؟

انا رحت المستشفى بولادتي الأخيرة ماكان فيني طلق ولاااشي مجرد مراجعة عادية بأول التاسع

لكن الدكتورة وسعتني لأن ماي البيبي قللللل وكان لازم تولدني وفعلا عقبها قالت لي شربي خروع مع عصير

وتعالي بعد ساعتين أولدج ..