بنات اليوم رحت المستشفى

مرحبا صبايا ..
بنات اليوم رحت المستشفى اشوف معدل التبويض كيف ..
وقالت لي الدكتوره تقريبا ما في تبويض .. وبطانة الرحم ضعيفه ..
قالت بتعطين ثالث يوم دورة كلوميد وبتشوف شنو بيصير ..
.أو اعيد فحص التبويض الشهر الجاي ..
أنا لي خمس شهور من تزوجت ..
وعادة تنزل علي الافرازات أيام التبويض ..بس هالشهر ما نزلت ..
وما نفسي أخد كلوميد أحس بدررري ..
يابنات الي عندها خلطات شي اسويه ياليت تخبروني …
وأدعوا لي بالذريه الصالحه عاجلا غير أجل وكل محرومه ياااارب
تحياتي لكم

يارب يرزقج ويرزقنا بالذريه الصالحه

الله يرزقج انشالله بالذرية الصالحه
انا انصحج ما تسوين شي الا بعد سنة من الزواج
وعقب السنة اذا الله مارزقج روحي للدكتور(( اختاري دكتور شاطر)) واخذي كلوميد من 2 يوم من الدورة
وخلال هالسنة تكفين لاتخلين سورة البقرة اقرأيها يوميا خليها شي اساسي بحياتج واكثري من الاستغفاروالصدقهوخلي املج بالله كبير
بس ها … عقب السنة لاتسكتين على نفسج..وخلي زوجج يسوي تحليل للسائل المنوي
والله كريم يرزقنا وياج

أختي نطري الشهر الياي وروحي عند دكتورة ماجدة اليتامى وإن شاء الله مافيج شي الكلوميد يتفخ حرام توج عروس

الله يرزقج بالذرية الصالحه عاجلا غير اجل

خلي الدكتوره تعطيج علاج للتبويض ما فيها شي و اتشيك على هرموناتج و ان شاء الله ما تمر هالسنه الا وانتي حامل.

العسل ، غذاء ملكات ، الحلبة ، ماي زمزم بيقين و نية ، و ان شاالله تحملين

مشكوررين خواتي ..
يعطيكم ألف عافيه

حبيبتي لاتسكتين مدام عندش التبويض ضعيف وغشاء الرحم ضعيف عالجي نفسش افضل وشوفي السبب
انتي الدورة تنزل كل شهر؟؟ ادا ماتنزل خليها تشوف لش المبايض معاش تكيس او لا
والله يرزقش انشاءالله

حبيبتي انا انصحج انج تروحين حق ماجدة اليتامى صج مواعيدها تطوول بس بصراحة شغلها حلووو

وعسى ربي يرزقج الذرية الصالحة القريب العاجل يارب

خبيتي اهم شي زوجج يسوي تحليل .. وبعدين تبدين العلاج

الله يرزقج يااااارب وانا انصحج بالدكتور حسام بدار الشفا شاااااااطر انا رحتله وقالي كل شي اوكي والحمدالله ودكتور بمعنى الكلمه ومايحب ياخذ عليج شي زياده وهمه العلاج مو صرف الفلوس والله يرزقج ويرزقنا وياج ياااااارب