بنات الهندسة . محتاجتكم .

أشدعوة مافي مهندسات بالمنتدى

اذا ما عندج تمهيدي

اول كورس تاخذين : فيزيا 1 .. كالكولس 1 .. انجلش .. مقدمة هندسة

الكورس الثاني : فيزيا 2 .. كالكولس ب .. كيميا و تضيفين اختياري بعد و لاب

وبجذي تقدمين عالتخصص ورا الصيفي يعني تدشين سنة ثانية وانتي متخصصة

واذا تبين مدني أو صناعي لازم تخلصين هالمواد مبجر لا يقصون عليج البنات و تاخذين الحياة لعب

وبعدين تسقطين وتتأخريين , ترى دكاترة العلوم مايرحمون والمدني والصناعي يسكرون بسرعة

فـ شدي حيلج من أول كورس وييبي بكل موادج a عشان معدلج يكون عالي وتدشين التخصص اللي تبينه

بخصوص سؤالج عن الدكاترة

الانجلش : صفاء جوهر / منيرة العجلان

الفيزيا : طارق الرفاعي / هالة الجسار / عبدالناصر بورزق / فاطمة الدوسري / طارق رمضان

الكالكولس : هاني فران / عبدالله العازمي / مريم الكندري / علي كانسو

مقدمة هندسة كل اسبوع اييلكم دكتور من قسم ويتحجى عن التخصص

موفقة ^_^

يمكن ما ارد الموضوع مرة ثانية , فـ اذا عندج اي استفسار عالخاص (=

الكورس الاول
فيزيا1 كالكولسa انجلش123 مقدمة بالهندسة +جبر خطي
الكورس الثاني
لاب فيزيا1 فيزيا2 كالكولسb كيميا+مادة اختيارية يفضل من الشريعة
هالجدول انا خذيته ووايد افضله

احسن من الي يأجلون اللينير لي الصيفي ويتغربلون

اما بالنسبة للدكاترة على حسب منو نازل؟؟؟

بس بشكل عام الافضل للانجلش صفاء جوهر
وللكالكولس بدر الشمري وعبدالله العازمي وهاني فران ووو على حسب يعني
والفيزيا طارق الرفاعي وهالة الجسار
والكيميا كلهم زينين لان مو مهم الدكتور لان الامتحان موحد والشرح الله يعافي الدورة الي تسويها الكلية
بس بشكل عام الافضل حمد المطر

بس بدلية مو جنة الكورس الاول راح يكون علي شووي ضغط

خصوصا ان المواد بالانجلش ويكون للحين توني داخلة الجامعة

وما تعودت على المواد اني ادرسها بالانجلش

وبالنسبة للانجلش اقدر اخذ فيها اي لان انا عقدتي الرايتنق

لا مو ضغط بالعكس
لان كالكولس a اسهل كالكولس راح تمر عليج << اسهل من كالكولس b وكالكولس c
وفيزيا 1 وااايد اسهل من فيزيا 2
والمقدمة ماتعتبر مادة
والانجلش مايبيلها دراسة اللهم قبل الامتحان بيوم وخلاص

لكن ماقدر اضمن لج اذا تقدرين تاخذين فيها a والا لا

انا على فكرة ميييييييح بالانجليزي وبالرايتنق بعد حددددددي ميح والله والله ماعرف لا اتكلم انجليزي ولا اكتب ولا شي

ويبت فيها a بالمقابل رفيجاتي2 كانوا مدارس خاصة ومايعرفون عربي عدل ويابوا b حتى مو a-

يعني السالفة فيها تعود وتدريب مو لغة

اما لو خليتي الجبر كورس ثاني انتي جذي جنيتي على روحج لان معاها فيزيا2 وكالكولس b
واذا خليتيها صيفي حالج حال الاغلبية بتواجهين مشكلة اعتقد وايد بنات واجهوها
ان المقاعد تخلص وانتي ماسجلتي هالماد لان خبرج 90% من المستجدين ياخذونها صيفي

وبعد السلبية الثانية ان المنهج بيكون سريع وكل يوم وراح تملين

الكورس الاول افضل موعد لهالمادة وهذا الي سويته انا وحددددددي ارتحت وكنت سابقة اغلب دفعتي <<بس سبقوني الحين لوول

وبالتوفيق مهما اخترتي

مشكووورة

ويعطيج ألف عافية تعبتج وياي

العفو حياج

طيب بالنسبة للجبر الخطي

أخذ عند منو من الدكاترة إلي شرحة زين ويعطي درجات

واسمحيلي على أسألتي إلي ما تخلص

لا ميخالف اخذي راحتج بس قوليلي منو نازل بالاول؟؟

اي ادري بس منو من الدكاترة منزل كورس اول؟؟ ما شفتي اسماء الدكاترة الي راح يدرسونها كورس اول؟؟

موجودة الاسامي بجدول المواد

انا اشوف وابلغج

لا ما شفت منو نازل

أوووكي أنطرج تشوفيين وتقوليلي

احسن واحد من الي نازلين عندكم عبدالله العازمي لاتطوووفيييينه
اذا مالقيتي <<مع ان بقى 15 كرسي
اخذي عند اوريل بيجانكو او علي كانسو

بس الافضل من بين هذيلة عبدالله العازمي