|
|
قوة كروووشات .. و مبارك عليكم الشهر مقدما 
أدري إن وايد بنات ولادتهم انشالله بتكون شهر 9 يعني برمضان أو عالعيد .. هذا إذا ماطولنا (خصوصا البجريات ) وولدنا عقب بعد 
فحبيت أفتح هالموضوع عشان ندردش و نتحلطم مع بعض 
بدااال لا نتحلطم بروحنا أو على ريايييلنا 
فكل وحده تقوللي ..
1) متى موعد ولادتج .. و متى احساسج يقوللج انج بتولدين ؟
2) ناوية تصومين رمضان انشالله و إلا لأ ؟
3) شنو جهزتي حق العيد ؟ و هل بتعيدين أصلا ؟
4)شنو إحساسج و موعد ولادتج قرب خصوصا ان اغلبنا بيكون بالتاسع في رمضان ؟
و طبعا اللي عندها شي ثاني ختضيييييفه … يالله ناطرة تفاعلكم يا كروووشاتنا العزيزات 
بس حاسة اني وصلت حدي شكلي
بولد مبجر مع ان هذا اول حمال لي بجر
والعيد ماني معيدة جهزت لي بس بدلة حق اول يوم الرمضان
ويارب اولد نص الرمضان ابي ارتاح تعبانة حدي
خل اشارك معاكم
اول شي خل اجاوب
1) متى موعد ولادتج .. و متى احساسج يقوللج انج بتولدين ؟
موعد ولادتي انشالله 13-9 واحساسي يقول هالاسبوعين راح اولد لاني دشيت شهري
2) ناوية تصومين رمضان انشالله و إلا لأ ؟
اذا ما نزل علي دم انشالله بصووم والباجي دين
3) شنو جهزتي حق العيد ؟ و هل بتعيدين أصلا ؟
والله ما جهزت شي الا ملابس حق البيبي حق فتره الاربعين واذا بعيد على اهلي بالبيت مو اكثر
4)شنو إحساسج و موعد ولادتج قرب خصوصا ان اغلبنا بيكون بالتاسع في رمضان ؟
حدي مستانسه لاني بشووف ولدي بجري
——–
صارلي ساعه اقوول حق البنات ظهري يعورني
امس كانت مراجعتي عند الدكتوره وقالت لي بعد اسبوع تفحصني
وقبل شوي كليت قوطي كامل اناناس لانه بخاطري اكله وكنت ناطره التاسع
والحين ظهري شاب علي مثل الكهربا وبطني يعورنيييييييييييييييييييييييييييي وكل شوي اروح الباث وانتوا بكرامه
luxes_430 .. ونااسه أنا موعد ولادتي 21/9 يعني أول يوم العيد .. و انتي ثالث .. عيل نفس المأساه ..
وحتى أنا أول حمال وودي أولد مبجر وحاسة إني بولد قبل هالموعد وبيني وبينج أريح .. بفتك من الثقل والتعب (:
تصدقين ماحب أروح السوق .. نفسيتي تتعب لما أشووف كل الناس تجهز حق العيد .. و أنا موعارفة بعيييد معاهم و إلا لأ
أمبييييييييييييييه .. خلاص بنفجر .. أحس ماكو شي قياسي خخخخخ
|
المشاركة الأصلية كتبت بواسطة الاميره مغروره
 هلا والله
خل اشارك معاكم اول شي خل اجاوب 1) متى موعد ولادتج .. و متى احساسج يقوللج انج بتولدين ؟ 2) ناوية تصومين رمضان انشالله و إلا لأ ؟ 3) شنو جهزتي حق العيد ؟ و هل بتعيدين أصلا ؟ 4)شنو إحساسج و موعد ولادتج قرب خصوصا ان اغلبنا بيكون بالتاسع في رمضان ؟ ——– صارلي ساعه اقوول حق البنات ظهري يعورني امس كانت مراجعتي عند الدكتوره وقالت لي بعد اسبوع تفحصني وقبل شوي كليت قوطي كامل اناناس لانه بخاطري اكله وكنت ناطره التاسع والحين ظهري شاب علي مثل الكهربا وبطني يعورنيييييييييييييييييييييييييييي وكل شوي اروح الباث وانتوا بكرامه |
هلا حبيبتي منورتنا .. عاد تصدقين خاطري أولد 9/9/2009 حددده خووووش تاريخ (: بس بيكون نص رمضااان
اللويه إهي عقب الولادة .. شلوون بتسوون استقبال برمضان .. أحس الناس مالها خلق اتييينا المستشفى .. وشنو بيكون البوفية أو الحلو ؟؟؟؟؟
انا ماراح اسوي استقبال الا بعد الاربعين لاني بجر وابي اجابل ولدي ومو فاضيه لهم ههههههههههه
وبحدد لهم يومين حق الزواره مو كل شوي يطبون علي ما يخلوني اخذ راحتي
يعني بخليهم مثلا كل يمعه وسبت بعد الفطور علشان لا كل يوم ايوني
واستقبالي بيكون بوفيه عشى وبالاصح يمعه اهل ورفيجات
1) متى موعد ولادتج .. و متى احساسج يقوللج انج بتولدين ؟
موعدي اخر يوم 19-9 وادش شهري 19-8 احساسي يقولي اني بولد قريب لان وايد قاعد ايني عوار مثل عوار الدوره وكل يوم يزيد اول كل يوم مره بس اليوم كل ساعتين قاعد ايي نفس العوار
2) ناوية تصومين رمضان انشالله و إلا لأ ؟
ان شاء الله ناويه اصومه اذا ما ولدت
3) شنو جهزتي حق العيد ؟ و هل بتعيدين أصلا ؟
بس حق البيبي انا ماجهزتلي ولا شي لاني كارهه جسمي خخخخ صايره شمتني وكل ماروح السوق اعصب على ريلي احتمال بس اشتري دراعتين كشخه حق بيت خالتي اذا رحت تفطرت عندهم طبعا هذا اذا ماولدت
4)شنو إحساسج و موعد ولادتج قرب خصوصا ان اغلبنا بيكون بالتاسع في رمضان ؟
مستانسه اني بشوف بنتي ابي اشوف الي تحوس داخل بطني صارلها 8 اشهر
وبدء الخوف يتغلغل الى قلبي هههههه بس ان شاء الله كل شي سهاله دام الواحد بين ايد ربه
|
المشاركة الأصلية كتبت بواسطة luxes_430
انا موعد و لادتي 23/9/2009
بس حاسة اني وصلت حدي شكلي بولد مبجر مع ان هذا اول حمال لي بجر والعيد ماني معيدة جهزت لي بس بدلة حق اول يوم الرمضان ويارب اولد نص الرمضان ابي ارتاح تعبانة حدي |
وناسه انتي موعدج معاي 239
والله ودي اصوم رمضان كله ما وددي افطر ,, بس حاسه اني بولد قبل يمكن العشر الاواخر ,, حتى دكتورتي جذي تقوول لاني مو بجر
وشي ثاني وددي اسوي استقبال بس اذا ولدت برمضان ماراح اسوي لانه جنه مو حلو استقبال برمضان ؟؟
وما شريت شي حق العيد ولا راح اشتري بس ولدي اهم شي .. شريتله بدله وخالتي بتييبله من برره مسافره
وو شريت شويه اغراض حق القرقيعان قلت الفه مبجر حق ولدي قبل لا اتحرول مره وحده 
لي رمضان ما دري شنو حالي
والله كريم
يعني انتي اول وحده على حسب التواريخ
وانا عقبج
وبعدين ليش تاكلين اناناس مستعيله على الولاده ؟؟؟
اكلي خلال ورطب مثلي خخخ
انا 1-1 وبنتي 9-9 وناسه ههههههههههه
انا حاجزه التاريخ لحد ياخذه
ريلي يضحك علي يقولي محد قالج تغامرين بس كسرت خاطره يقولي نروح الطبيب؟ قلت له لا لما ينهد حيلي ودني ههههههههه عنيده
نفس الاميره المغروره
وجهزت لرمضان 3 دراريع لانه مافيه شي يدخل فيني من ملابسي
وبالنسبه للعيد لاماجهزت ولافكرت اعيد لاني بكون نفاس
انشاءالله اصوم رمضان ليما موعد ولادتي
على الاقل يكون الدين اسبوع مو اكثر
والله يسهل علينا
ويهون علينا بهالشهر المبارك
بس ريلي يقول شكله المستشفيات بتصير مطاقق هاليوم .. والله أنا أعرف بنات نينن .. مستعدة تسوي قيصرية بس تييب البيبي بهالتاريخ …
بسبوسووو يالقلادة .. أنا عيدميلادي 11/11 وانشالله البيبي 9/9 .. حددد الإنسجاااام 
|
المشاركة الأصلية كتبت بواسطة mrs_pilot
وناسه انتي موعدج معاي 239
والله ودي اصوم رمضان كله ما وددي افطر ,, بس حاسه اني بولد قبل يمكن العشر الاواخر ,, حتى دكتورتي جذي تقوول لاني مو بجر وشي ثاني وددي اسوي استقبال بس اذا ولدت برمضان ماراح اسوي لانه جنه مو حلو استقبال برمضان ؟؟ |
عاد تصدقين أنا عكسج .. أحس وناسه استقبال رمضان .. أنا أحب رمضان و السهر و اليمعه .. عقب الفطوور ايوون ايحلووون عندي .. ناوية على سوالف حلويات قبل .. رهش و ميني درابيل و غريبة و هالسوالف مع قهوة و شاي لووووومي نظام عياااااااااااااايز … بس حددده يونس .. أما بالعيد فمحد فاضيلج .. الكل بيطلع و يعيد و يستانس .. من له خلق ايييج المستشفى و يشوفج وانتي توج والدة خخخخخخ