|
|
السلام عليكم
بنات في سؤال واحد اتوهق فيه بالمقابلات واحس اهو السبب انهم يرفضوني
انامتخرجة صارلي سنه دبلوم شهادتي و بهالسنة هذي ما دشيت دورة ولا شي قضيتها لعب و وناسة
فبالقابلة يسؤلوني شنو سويتي بهالسنة ما عندي رد اندقر تكفون بنات دبرولي شقوول ؟؟
وفي بعد سؤال اللي اتكلم عن نفسي هم هني مادري شقول !!
بليييزبنات واللي ما تعرف ترفعلي الموضوع مقابلتي ساعه 8 الصبح 
.gif "Eh S(16)")
.gif "Eh S(11)")
لما قريت أسئلتج توهقت 
بحاول أساعدج
السنة اللي قعدتي فيها
قولي حاولت أفيد نفسي من خلال دورات النت ( تطوير الذات و قانون الجذب … الخ)
و تتابعين مقاطع للدورات باليوتيوب و احفظي لج جم اسم لدكاتره متخصصين بهالشي
لأن لو جذبتي و قلتي أخذت دورات صجيه يمكن يطلبون شهادات تثبت هالشي و تتوهقين
و قولي
شغلت وقتي بالقرايه مثلا
حضرتي ندوات
بالنسبة للسؤال الثاني
بيني الأشياء الايجابيه فيج
مثل انج منطمة وقتج
لج هوايات
تحبين الشغل و تستمتعين فيه
اجتماعيه
لا تبرزين لهم عيوبج كلش
و بالتوفيق ان شالله
و الله يرزقنا وياج بالوظيفه الزينه المريحه : )
|
المشاركة الأصلية كتبت بواسطة noufawi
 و عليكم السلام
لما قريت أسئلتج توهقت بحاول أساعدج السنة اللي قعدتي فيها و قولي حضرتي ندوات بالنسبة للسؤال الثاني بيني الأشياء الايجابيه فيج لا تبرزين لهم عيوبج كلش و بالتوفيق ان شالله |
حبيبتي الله يوفقج دنيا واخرة مشكوووورة ما قصرتي والله طخختيني من الخرعة مخي واقف مو قادرة افكر
مشكوورة
قولي لهم قدمت على اماكن وايدد و قضيت وقتي مابين قرائه ونادي وسافرت جذبي خو ماراح يقولون يبي جوازج نتأكد اختاري ديره انتي رايحت لها.
واذ تحجين عن نفسج تحجي قولي اسمج الكامل وعمرج وهواياتج وطبيعتج شخصيتج قولي صج
تقدرين تقولين كنت داشه نادي رياضه او احضر ندوات او اقرا كتب (نقي كتب تكونين قاريتهم مو حلوه كتاب مو قاريته ويبون يناقشونج فيه هاهاها)
والاخت اللي قالت سفره هم فكره
موفقه حبيبتي بشرينا عنج
موفقه ياصاحبه الموضوع